ازيكم يا شباب انا لسة عامل صيانة للعربية وقلت اقولكم على الاسعار عشان الى نازل قريب يبقى عنده فكرة

سير كاتينة 100 بوش made in uk
بلية كاتينة 250 !! made in canada
سير دينامو 80
طقم بوجيهات NGK سعره 70 يابانى
فلتر هوا 85 دا اسبانى
فلتر بنزين 70 برازيلى
حساس حرارة 100

الزيت وفلتر الزيت كنت مغيرهم بس من الف كيلو . . بجرب فيسكو 3000 .. فى ناس بتقول انه يتغير على 15000 "صعب اوى" انا هقيمة لحد 5000 بس وهقولكم اخبارة ايه

نصيحة اى حد جايب عربية مستعملة يغير كل السيور والفلاتر اول ما يجيبها لانى مكنتش فاضى ومشيت بالعربية 4000 كيلو قبل الصيانه واكتشفت ان كل حاجه غيرتها تقريبا مدمرة ..

بلية الكاتنه كانت خشنه وعامله ونه .. سير الدينامو مشقق وخلاص هيقطع البوجيهات متفحمه .. فلتر الهوا "شايل بلاوى" .. حساس الحرارة كان بيدى قرايه افل ... العربيه كانت وهى مسخنه حرارتها اقل من 70 . .