مشكلة غريبة فى السماعات؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

**barakat_1986** · 12-02-2008 04:21 PM

انا عندى اربع سماعات فى السيارة 2 قدام و 2 ورا "العربية هيونداى اكسيل" ام اجى اشغل السماعات الخلفية بس واحدة تشتغل "الجنب اليمين" والتانية لا ونفس الحال فى الامامية دة فى حالة الكاسيت ..اما الراديو نفس الحال بس الجنب الشمال هو اللى يشتغل؟؟؟؟؟؟؟؟؟؟انا عاوز اخلى الاتنين اللى ورا يشتغلو مع بعض؟؟؟؟؟؟؟اية الحل؟؟؟؟؟؟؟؟؟؟؟؟؟؟؟؟؟؟

**barakat_1986** · 13-02-2008 01:29 PM

مفيش حد عارف حل للمشكلة؟؟؟؟؟؟؟؟؟؟

**Ahmad** · 14-02-2008 11:45 AM

أنا حاولت أستنتج بصراحة ايه العيب. بس فشلت أني أخمن.
موضوع يمين مع الكاسيت و شمال مع الراديو دة غريب شوية.
الاحتمالات:
1. الكاسيت نفسه عايز تصليح لأنه بيوزع الصوت غلط.
2. راجع وصلات السماعات مع الكاسيت.

ممكن تروح لمحل تركيب كاسيتات و هايكتشف العيب بسرعة عن طريق تركيب جهازك عنده أو تركيب جهاز تاني في عربيتك.

**barakat_1986** · 14-02-2008 11:47 AM

مشكور استاذ احمد على اهتمامك بس ازاى ممكن اراجع وصلات السماعات بنفسى؟

**Hossam_Hassan** · 14-02-2008 11:59 AM

ماتحاولش تلعب فى حاجة عاوزة متخصص، روح لحد بيفهم هيقولك على اللى فيها بس لو هتفتح معاك فى مصاريف ياريت تسأل هنا تانى قبل ما تاخد قرار.

**Ahmad** · 15-02-2008 10:45 AM

المشاركة الأصلية كتبت بواسطة Hossam_Hassan

ماتحاولش تلعب فى حاجة عاوزة متخصص، روح لحد بيفهم هيقولك على اللى فيها بس لو هتفتح معاك فى مصاريف ياريت تسأل هنا تانى قبل ما تاخد قرار.

+1

بالضبط زي ما قال الأستاذ حسام.

أسهل حل روح لمتخصص و هو هيقولك اذا كانت الوصلات سليمة أم لا.
و دي مش هتكلفك كتير. انما لو دخلت في تصليح الكاسيت , يبقي اسأل الأول.

ربنا يوفقك .

**bee** · 14-05-2008 06:25 PM

السلام عليكم ورحمة الله وبركاته

اخي الكريم
اعتقد والله اعلم ان السماعات مش متوصلة صح عندك
يعني ممكن يكون موصل السماعات الي ورا على جنب واحد
والسماعات الي قدام على الجنب التاني
فالبالتالي بيكونوا ضعاف ومش شغالين صح

روح لحد كويس يتاكد من وصلات السماعات

والله أعلم مجرد احتمال

تحياتي