اقتباس المشاركة الأصلية كتبت بواسطة Khaled_Nowaihy مشاهدة المشاركة
ما فيش علاقة بين المشاكل والعربية
هى مصادفات مش اكتر وبتحصل معانا كلنا
أنا من يوم ما جبت الكارينز والدنيا ملطشة معايا
رأيى تصبر شوية .... ولاسيما انك بتحب العربية
المشكله ان داخل على سنه صبر
و قبليها سنه كمان و الوضع بيزداد سوء و مش حينتهي غير بموتي او بموت العربيه او نسيب البلد
و شكرا جدا لحضرتك


اقتباس المشاركة الأصلية كتبت بواسطة KHALED AYMAN مشاهدة المشاركة
انا مش عارف اقولك ايه يا محمد ..
صلى استخاره
اقتباس المشاركة الأصلية كتبت بواسطة modiabbas مشاهدة المشاركة
محمد انت تعبت فيها صح .... و خلتها احسن فيليشيا فى مصر ... بس صلى استخاره برده
هي فعلا شكلها حترسي على كده وربنا يسترها معانا


اقتباس المشاركة الأصلية كتبت بواسطة awaad8760 مشاهدة المشاركة
أنا مش فاهم قوى قصدك إيه

كلامك يحتمل تفسيرين

أول تفسير إنك بتحب الفيفوريت جدا وحاسس معاها بعشره كأنها حته منك ,بس للأسف نفسك فى التغيير والتحديث علشان تكسر الملل وتعبت من كثرة الأعطال وقلة التكنولوجيا والرفاهية اللى فى الفيفوريت

الوضع دا يا باشا عند كتير من المصريين وبيحلوه بطريقتين ياإما تجيب العربية الجديده فوق القديمه و تلاقى صاحبنا من دول يقول المقوله المشهوره ( أنا عمرى ما أبيع أنا أشترى زيرو بس ) منهم مثلا أستاذ جامعه وتلاقى فى الجراج باسات و لانسر و504 و بيتلز ويقعد يحكيلك عن زكرياته ودايما حتلاقيلى للعربيه القديمه عوزه:- واحد يستلفها ...فرح ...بتنقل حاجه ...عربيتك الجديده فيها مشكله .... رايح البلد........وهكذا
الطريقه التانيه إنك تبيعها لحد قريب منك قوى من صحابك أو جيرانك أو قرايبك بس على شرط إن تكون دماغه زيك مثلا زى الواد عادل سعيد اللى فى تانيه حاسبات ومعلومات الواد اللى بيموت فى العربيات وعمال يزن على أبوه يجبله عربيه الواد ده هتلاقيه زيك بالظبط وكل كام يوم يكلمك على العربيه وهاتشوفها كل يوم وهاتسوقها لو عايز كمان وهتحس ساعتها إن العربيه إتولدت من جديد .بس إوعى تبيعها لطنط سميره مرات الأستاذ مراد لأنها هاتفرتكهالك من كتر مرواح الشغل والسوق زى ما فرتكت ال 127بتاعتها وقضت عليها.


التفسير التانى لكلامك إنك شايف إن الفيفوريت بعد التعديل شؤم وحاسس إنك محسود وكل شويه مشاكل لو حاسس كده بيعها يس للأسف لازم تعمل حسابك على إن الجديد مش دايما خالى من المشاكل
دكتور عواد تصدقني لو قولتلك التفسيرين مع بعض بس التفسير التاني اكتر من االولاني بكتير


اقتباس المشاركة الأصلية كتبت بواسطة panda مشاهدة المشاركة
يا عم اركنها شوية وركز فى المستقبل و بعد فترة هتاخد القرار السليم بناء على الاماكنيات ساعتها
شكرا جدا لنصيحه حضرتك و ربنا يقدم الخير لينا كلنا