المشكله ان الميكانيكى مش شايف مشكلة

**bakroov** · 10-06-2010 02:56 AM

انت اكثر واحد بتحس بعربيتك مثلا الفرامل بقت اضعف السحب بقى اقل العربية بقت بتعتل شوية صوت الموتور اصبح اعلى المشكلة ان الميكانيكى لما بيجرب يقولك الفرامل مفهاش حاجة انت شكاك شوية وهكذا هل المفروض الواحد يحمد ربنا ويمشى والا يصر على اصلاح اللى هو شايفه

**Mostafa.Mahran** · 10-06-2010 03:08 AM

لا طبعا الميكانيكى مش هو الى بيسوق العربية

الى انت شايفه مش عاجبك قوله يعمله

**محمد الشامي** · 10-06-2010 08:04 AM

من رأيي مينفعش ميكانيكي يقييم اداء عربيه اكتر من صاحبها , إلا لو كان ميكانيكي متخصص في نوع معين

**bakroov** · 10-06-2010 10:00 AM

انا قولت كده برضه بس خايف يقولك ده مابيهمهوش الفلوس وانت عارف الميكانيكى لو عرضها ممكن يعمل ايه وشكرا على سرعة الردود من الناس المحترمة فعلا

**jojowork1** · 10-06-2010 10:56 AM

اغلب المشاكل اللي مش واضحه الميكانيكي بيقولي هي كده عشان يريح نفسه

**ahmedhilmy** · 10-06-2010 11:19 AM

خدراي حد تاني

**Ahmed Galal** · 10-06-2010 01:12 PM

سيبك منه و شوف غيره انت اللى سايق و انت اللى حاسس بعربيتك اكتر من اى حد تانى

**lobna_yaseen** · 10-06-2010 05:20 PM

أنا أسفه ياجماعه بس كنت عاوزه أسأل فى حاجه خارجه عن الموضوع شويه بس مش بعيد لأنى عاوزه برضه أغير الميكانيكى لأنه برضه كل ماأقوله على حاجه فى العربيه يقولى إنتى اللى مش متعوده على العربيه ومن كتر ماشككنى فى نفسى خليت اتنين من زمايلى زميله وزميل يجربوا العربيه (على أساس أن الراجل يكون جربها والست تكون زيى فميقوليش سواقة ستات) المهم الإتنين أجمعوا على رأيى
سؤالى بقه هو فيه ميكانيكى فى المعادى بيقولولوا دكتور محمود وواحد قريبى بيقولى هو فعلا دكتور فى الهندسه الميكانيكيه المهم الميكانيكى ده بيسرفس العربيه ب75 جنيه واللى فهمته من كلمة سرفسة العربيه غسيل الماتور وفك الكاربيراتير وضبط الكهرباء وتغيير البوجيهات (بس طبعا أنا اللى بجيب أى حاجه يحتاجها ) وبيقيملك العربيه وبيقولك بالضبط إيه اللى لازم تغيره بذمه وشطاره واللى يروح له مايرجعلوش قبل 4شهور على الأقل
كده بقى سعره كويس لأنى كل ماسأل حد يقولى ده حرامى ليه يعنى 70 جنيه ولا حتى 50 جنيه صح كده ولا الواحد يروحله وشكرا لكم

**bakroov** · 10-06-2010 06:13 PM

لو زى مابتقولى يبقى راجل لقطة ياريت فى اسكندرية حد بيحط ايده على العيب من غير افتى

**hesham22822** · 10-06-2010 06:18 PM

لو سمحتى يا أخت لبنى تقولى لنا فين مكان الدكتور محمود دة فى المعادى

الموضوع: المشكله ان الميكانيكى مش شايف مشكلة

LinkBack

أدوات الموضوع

عرض

المشكله ان الميكانيكى مش شايف مشكلة - انشر الموضوع فى :

-

-

-

-

-

-

-

المواضيع المتشابهه

لسة شايف عربية حلوة

لو شايف

مش شايف بالليل كويس

مشكلة فى التيدا و احمد الميكانيكى اثبت كفائته

مين شايف نفسه فى الكليباية دى

الكلمات الدلالية لهذا الموضوع

المفضلات

المفضلات

ضوابط المشاركة