المشاركة الأصلية كتبت بواسطة hesham_7amza
ولا زعل ولا حاجه يا بشمهندس نورمال ,,,
أنا معاك ان سعر العربيه مبالغ فيه اوى اوى اوى ,,,بس مش معقول كل ما العربيه تدخل فى مقارنه نستبعدها ونشبها بالفيات 128 (مع احترامى لأصحاب 128) ونقول تكنولوجيا قديمه وشكل قديم كأنها من 20 سنه مثلا" ,,,
طب ايه هى الاسباب اللى بتخلينا نستبعدها (بعيد عن نقطة السعر ) انتشار العربيه الرهيب مثلا" طب وماله ما السيراتو اللى لسه نازله بقت منتشره جدا" فى وقت قياسى ولو استمرت بالشكل ده هتبقى اكتر من البومه ,,,انا مش فاهم ايه العيب من انتشار العربيه ,,,ما العربيات كتير واللى عايز يبقى مميز ويركب عربيه مميزه يركب بس يستحمل قطع الغيار والصيانه,,وطبعا" اعادة البيع ودى نقطه متهمنيش انا بس تهم اى حد بيحب يغير على طول ...
السبب التانى من استبعاد العربيه الشكل الازلى من 7 او 8 سنين وبنفس التكنولوجيا ,,,ايه اللى فيها طالما عربيه ناجحه ,قليلة الأعطال وتكاد تكون بدون عيوب خالص ,,وانا (المشترى) قابل شكلها الحالى بدون تجديد يبقى مفيش مشاكل ,,,هل انا كدا حافظ مش فاهم وجايبها على السمع (برغم ان دى نقطه متعيبش الناس فى حاجه ما كل الناس دلوقتى بتجيب السيراتو على السمع ) ....
ده رد الدكتور أحمد سامى فى مقارنه بين السيراتو والبومه ,,
انا بس عايز أوضح حاجه ان السيراتو تتميز والبومه تتميز والتيدا تتميز ,,,
لكن مفيش عربيه بتتفوق على التانيه فى كل حاجه ,,,وكل واحد بيشوف الحاجه المناسبه له ....
سعيد بالكلام مع حضرتك يا بشمهندس ...