إلنترا .. نيوسيراتو .. نيسان تيدا .. لانسر 1600 ..!!

**tefafathy1** · 10-06-2010 08:14 AM

أرجو مساعدة اللى مجربين العربيات دى لأنى بجد تعبت جدا من المقارنة بين رفاهيات الكورى وللا متانة اليابانى ؟؟
عاوز نصيحتكم ليا من فضلكم .. أيهم أفضل و مش مهم إعادة البيع لأن ده مش هيكون قبل 5 سنوات إن شاء الله بالأضافة الى ان العربية هتكون بالقسط فا بصراحة محتار جدا ..

العفشة - الثبات - صوت الموتور - السحب ... فى إنتظار نصيحتكم .. و شكرا .

**Ali_Abo_Amr** · 10-06-2010 09:21 AM

ايه المقارنة الصعبة دى ؟؟؟؟؟
الاربع عربيات يحيرو بصراحة انا كنت مكانك بالظبط ... وكنت محتار جدا لأن الاربعة حلوين فعلا وكل واحدة فيهم ليها الحاجة اللى بتميزها عن التانية ... بس سبحان الله ربنا وفقنى فى النهاية للتيدا ... بص انا مش هاقولك ان افضلهم العربية كذا ... لكن هاقولك ان كلهم حلوين لكن حسب احتياجك انت هاتحدد الافضل ان شاء الله ... يعنى مثلا لو نفسيا بتستريح للجودة والخامات فاليابانى بالنسبة لك هيكون كويس يعنى تيدا او لانسر ... لكن لو بتستريح للعربية اللى منتشرة علشان قطع الغيار الارخص واعادة البيع فالسيراتو تكسب مع اللانسر والالنترا ... بصراحة انت اللى هاتحدد انت ميال لايه اكتر حاجة ... وربنا يوفقك

**amrseba** · 10-06-2010 12:56 PM

بص انا رأى ما دام دخلت لانسر 1600 يبقى السيراتو متخشش ولا الانترا تخش

اولا الانترا مفهاش ثبات عشان الدركسيون الباور بتاعو ناعم جدا فاتحكم بتاع العربيه سئ وكمان الانترا من غير كوتش عريض ضايعه
وده اول سبب يخلى الانترا خارج المنافسه

السيراتو
عفشه سيئه كعاده كيا وبعض العيوب الى انتشرت فى الفتره الاخيره واصحابها يقولو ديه عيوب فرديه وكمان العربيه لسه متجربتش محدش عارف لما تجيب فوق 100 الف كيلو اى المشاكل الى هيحصل فيها بس ثابتها جيد قطع غيراها غاليه نسبيا سحب الماتور جيد وصوته العزل بتاع العربيه جيد جدا

الانسر عربيه موجوده فى مصر بقالها اكتر من 7 سنين والعربيه لاغيت دلوقتى اصحابها بيشكرو فيها جدا حتى 1300 كويسه جدا وقويه وسريعه و كمان ال 1600 ديه حاجه تانيه خالص وكمان العفشه كويسه والثبات معروف عن لانسر الثبات وبصراحه ثباتها يكسب التلاته وتقفل بيها عداد والعزل جيد جدا والتكييف جيد جدا كعاده اليابان فى صناعه التكييف وسحب الماتور جيد جدا

التيدا معرفش فيها اى حاجه وانا معنديش معلومات عنها بس التيدا ثباتها مش زى لانسر خالص وميزتها كمان اننها واسعه جدا من ورا وقدام

على فكره افضل حاجه الانسر بنسبالك عشان هتقعد معاك العربيه 5 سنين وعايز قطع غيار كويسه وتوكيل محترموكل حاجه يبقى لانسر من غير متفكر

**blazer** · 10-06-2010 01:34 PM

لو من المقارنه :سيراتو
كماليات كتير
العربيه منتشره
سعر اعاده بيع ممتاز
توكيل محترم جدا
فيات لينيا -رينو فلونس

**hfekry** · 10-06-2010 01:35 PM

لانسر 1600

**abou_ruqi** · 10-06-2010 02:08 PM

أنا كنت في نفس الحيرة وبرضه فضلت التيدا والحمد لله ما ندمتش

ساعتها مكنش في سيراتو الشكل الجديد ( مش بقول كده علشان هي أحسن بس علشان أطلعها من المقارنة)

طبعا أنا فضلت التيدا على الإلنترا و اللانسر علشان وسائل الأمان (أنا رب أسرة) وكان يهمني قوي قوي موضوع الإير باجز و الفرامل مانعة للإنغلاق , علشان أنا كثير السفر , يعني بأخد بالأسباب والحافظ هو الله

أنا جربت اللانسر والألنترا في سفر وبقولك بجد , نيسان ده اسم كبير و مجاش من فراغ , أداء عالي للموتور مع هدوء غريب وأقل أستهلاك للبنزين ممكن وكمان على كاتينة , يعني كل اللي تتمناه من موتور

عفشة ناعمة جدا , مريحة جوه البلد و ثابته في السفر

طبعا تقفيل العربية و صالونها لا يقارنوا بأي اسم من الأسماء المذكورة , التيدا تكسب طبعا
ميزة هامة تانية إن توكيلها ممتاز مش زي غبور و منصور والناس اللي بيتبيع عربيات معيوبة و يحاولوا يقنعوك إنه عيب استخدام مش عيب صناعة !!

يعيبها إن شكلها مش محبب لناس كتير , إنما أنا مكنش موضوع الشكل ده يشكل أي عامل من عوامل الإختيار خالص

أنا من أنصار الأمان أولا وأي حاجة تانية تهون

التيدا معرفش فيها اى حاجه وانا معنديش معلومات عنها بس التيدا ثباتها مش زى لانسر خالص وميزتها كمان اننها واسعه جدا من ورا وقدام

أنا شايف يا

استاذ عمر الجملة دي فيها تناقض ,إزاي حضرتك بتقول إنك ما تعرفش عن التيدا اي حاجة وبتقول إن ثبات اللانسر أعلى ؟؟؟
أحب أقولك إن اللانسر مش أكثر ثباتا من التيدا على الإطلاق وأنا سوقت الاتنين

**amrseba** · 10-06-2010 02:12 PM

انا قولت معرفش فيها كتير ياعنى حاجات طفيفه جدا ياعنى مش هقدر اقولو العزل عامل ازاى و قوه الماتور و السحب معنديش ادنى فكره بس انا بقول الى سمعته ياعنى كله بيقول انها واسعه جدا وفعلا اسم نيسان مجاش من فراغ واى عربيه تعملها نيسان او اى عربيه يابانى بتقاس على مقاييس الجوده العاليه وعربيات محترمه جدا

**Ahmed.TV** · 10-06-2010 02:53 PM

التيدا عربية ممتازة جداااا طالما محتاج حاجة مفهاش اى قلق ومشاكل , وماتور محترم واداء محترم , وكمان تقفيل وخامات ممتازة , انا جبت التيدا بعد كان فى بالى الخيارات اللى كانت فى بالك دى كلها , وربنا فى النهاية اكرمنى بيها بجد
توكيل محترم جدا ومراكز خدمة ممتازة
وبعدين متسمعش كلام حد يقولك قطع غيار ارخص فى الكورى عن اليابانى , لان كل العربيات حاليا فى السوق قطع غيارها غالية ومفيش حاجة رخيصة ابدا
وان كان فى التيدا اسعارها قريبة منهم وافضل من الناحية انك مش حتعمل غير الصيانات الدورية فقط والعادية , ده حتى البوجيهات مش حتغيرها الا بعد 100 الف , وكل قطع الغيار التقيلة حتغيرها بعد فترة كبيرة جدا لانها معمرة ويابانى بالكامل وبعدين مش حتعيش فى قلق من ناحية العفشة واى مشكلة اخرى , فحتكون مرتاح معاها جدا , وانا بحكيلك عن تجربة بجد
كفاية انها عربية يابانى بالكامل
وزى ما قولتلك حترتاح معاها فى استهلاك بنزين , لانها موفرة جدا مع انها 1600 , وكمان سحب ممتاز , ومش بتتاثر بالتكيف , ماتور مالوش صوت , عزل ممتاز حرارى وفى كل حاجة , مفيش فيها اى مشكلة والحمد لله
وانا ارشحلك المتانة فى الماتور والتقفيل وراحة البال تيدا
تقبل تحياتى

**mustafaibrahim** · 11-06-2010 06:06 AM

رايى اختار بين اللانسر والالنترا

اجر كل واحدة يومين وبعد كده شوف ارتحت فاى عربية فيهم

وتوكل على الله واشتريها

الموضوع: إلنترا .. نيوسيراتو .. نيسان تيدا .. لانسر 1600 ..!!

LinkBack

أدوات الموضوع

عرض

-

-

-

-

-

المواضيع المتشابهه

ياجماااااااعة من فضلكم.. (لانسر بومة 1600) ولا (نيسان تيدا)

محتار بين فورد فييستا و نيسان تيدا هاتش باك و لانسر 1600 بومة

محتار بين فورد فييستا و نيسان تيدا هاتش باك و لانسر 1600 بومة

محتار بين فورد فييستا و نيسان تيدا هاتش باك و لانسر 1600 بومة

بقارن بين نيسان تيدا هاتش باك و لانسر بومه 1600

الكلمات الدلالية لهذا الموضوع

المفضلات

المفضلات

ضوابط المشاركة