بص ياسيدي انا حقولك رأي من الاخر
لو عايز عربيه شبابي منظره وشكل وجري وخلافه هات سيراتو
لو انتا رب اسره وعايز عربيه شيك وتتحملك انت واسرتك ارشحلك التيدا وبعدين الانسر
بص ياسيدي انا حقولك رأي من الاخر
لو عايز عربيه شبابي منظره وشكل وجري وخلافه هات سيراتو
لو انتا رب اسره وعايز عربيه شيك وتتحملك انت واسرتك ارشحلك التيدا وبعدين الانسر
السيراتو مش جراية خالص
شوف يا باشا أنا لما جيت أشترى عربية نزلت سمر ريان وكنت محتار بين لانسر 1600 وكيا سيراتو وإلنترا.
بالنسبة للإلنترا أنا حسيت إن حجمها كبير (يعنى عرضها مثلا 1775 سم ) ولا تصلح لكثير من الشوراع الضيقة وياسلام لو واحد راكن على جنب مثلا"، بالنسبة لكيا سيراتو الجديدة بصراحة لما فتحت العلابية كنت مستاء من خامة التابلوه والباب من الداخل مقارنة بخامات الانسر اليابانى وحسيت برده إن الانسر سيارة أكثر إعتمادية وعشقت ركوبة الانسر بالإضافة إن العربية أيضا عريضة ولا أعرف لماذا يحب شعبنا السيارات العريضة والمتعبة فى الركن فإستقريت فى الآخر على السيارة المضمونة واللى الكل بيشكر فيها وهى شبه خالية من العيوب بعكس النيو سيراتو إتضح بعدين أن عفشتها ناشفة والله وأعلم هيطلع فيها إيه بعد كده وخصوصا أنها عربية كورى.
هتكلم بالارقام والمواصافات الفنية وفي النهاية وواقع الالنترا كاعتمادية .
هقارن بين التيدا والالنترا :
التيدا : محرك 1600 سي سي بقدرة حصانية 118 عند 6000 لفة
الالنترا : محرك 1600 سي سي بقدرة حصانية 121 حصان عند 6200 لفة
الالنترا تتفوق في قوة المحرك وكذلك السيراتو صاحبة نفس المحرك.
الابعاد ونظام التعليق ( العفشة ):
التيدا : من الامام نظام ماكفيرسون ( مستقل ) وكذلك في اللانسر والسيراتو والالنترا
من الخلف : محور عرضي غير مستقل . وكذلك في اللانسر والسيرتو . وهو رخيص صناعيا وغير معقد وسهل الصيانة .
الالنترا : من الامام : ماكفيرسون
من الخلفف: متعدد الأذرع ( مستقل ) نقطة تفوق كبيرة جدا في صالح الالنترا حيث يعطي هذا النظام ثبات عند المنحنيات الشديدة وكذلك يعطي اقل معدل اهتزاز في الطرق الغير ممهدة والمطبات وكل تضاريس الطريق . وهو نظام مكلف ومعقد صناعيا .
كما ان الالنترا مزودة بمساعدين غاز مما يعطي احساس بالليونة في المطبات .
التيدا : اقصر واقل عرضا من الالنترا واكثر ارتفاعا وأقل وزنا !!!!!!!!!!!!!!!!!!!!!!!!!! يعني كارثة في الثبات في وجهة نظري لان كلما ارتفعت السيارة اصبحت اكثر عرضة لعدم الثبات وده معروف في علم الايرودينامكس .
التيد : ذات طول كلي 4359 مم
عرض 1695 مم
ارتفاع 1540 الوزن : 1140 كجم
الالنترا : طول كلي :4505 مم
عرض:1775 مم
ارتفاع :1490 مم الوزن : 1215 كجم
الثبات في صالح الالنترا بشكل واضح من ناحية الابعاد ونظام التعليق الخلفي .
وأيضا الوزن يدل على ثقل صاج الالنترا اكثر منه في التيدا .
انظمة الفرامل :
التيدا : الفرامل الامامية ديسكات والخلفية : طبل وهو نظام رخيص وغير مسعف في حالة الفرملة في المنحنيات
الالنترا : الفرامل الامامية والخلفية ديسكات .
التيدا تتفوق على الالنترا في معامل الاحتكاك بالهواء : drag coefficient .
التيدا = 0.29 الالنترا 0.32
اللانسر البومة خارج المقارنة لانها شكل وتكنولوجيا المحرك من 2003 لم تتغير !!
السيراتو تتفوق على الالنترا في الكماليات الترفيهية
لكن لها نفس المحرك . ونظام التعليق الخلفي مختلف كما بينت والالنترا تنفرد بالنظام المستقل .
السيراتو اكثر وزنا من الالنترا بحوالي 100 كجم مما يجعلها تستغرق زمنا اكثر مما تستغرقه الالنترا للوصول من 0 - 100 كم/س
خامات الالنترا الداخلية ممتازة وذات جودة عالية لكن يعيبها فقط طقطقة بلاستيك المكيف .
صوت محرك الالنترا هادئ جدا والعزل فوق الممتاز . سواءا لعزل الحراري او الصوتي .
اما عن الاعتمادية :
اولا : عالميا الالنترا الاولي في الاعتمادية لسنة 2009 حسب تقييم شركة jd power العالمية على السيارات في فئتها .
ثانيا : من خلال الواقع المرئي : فالالنترا صاحبة اقل تكاليف تشغيل حيث الاقتصادية في الاستهلاك البنزين ورخص قطع الغيار وطول عمرها الافتراضي .
من خلال الواقع في السعودية ( الرياض ) صاحبة الطقس المعروف صيفا . فاليكم الآتي
الالنترا السيارة الاكثر انتشارا كتاكسي هناك . وما أدراك ما تاكسي ؟؟
يعني شغل ليل ونهار ونظام ورديات سائقين وتكييف لا يقف عن العمل وحرارة تصل الى 50 درجة ظهرا .
وفي واحد في المنتدى جزاه الله خير عمل مقابلة مع سائق تاكسي هناك وصور العداد كان عامل 300 الف كم لالنترا 2007 وسأل السائق عن قطع الغيار . فقال له السائق المحرك لم يتم فتحه وحالته جيدة جدا وصوته لازال هادئ والمساعدين لم يتم تغيرهم .
والسيارة لم يتغير فيها سوى القطع الاستهلاكية ( فلاتر - بوجيهات - تيل - سيور ........ ).
في النهاية انا لا اعيب في التيدا ولست متحيز للالنترا . لكن كل ما فعلته ذكر المواصافات الفنية التي لا يمكن الجدال فيها والى صاحب المووضوع التفكير واتخاذ القراااار .... وبالتوفيق ان شاء الله .
ونصيحة اخيرة . لما تيجي تشتري عربية شوف بتدفع فيها كام مقابل المواصافات اللي فيها .
يعني اهم حاجة السعر مقابل القيمة مش مجرد الاسم .
الحقيقة دي من أصعب المقارنات الي شوفتها بصراحة.
أنا رأيي كالتالي باختصار:
اللانسر: عربية مابتعطلش.
السيراتو: شكل محصلش.
التيدا: نعومة وأداء.
الإلنترا: هينزل الشكل الجديد.
أفضل توكيل: تيدا
قطع الغيار: لانسر
مراكز الخدمة: لانسر (أي حد بيصلحها) والنترا.
سعر إعادة البيع: لانسر.
ثبات: تيدا (تجربة شخصية)
تسارع: النترا طبعاً.
تقفيل ومقصورة: تيدا
وسع: تيدا
نعومة العفشة: تيدا والنترا.
صوت الموتور: تيدا تيدا تيدا ثم النترا.
عمر افتراضي: دي ممكن اكتب فييها كلمة اعتقد لانسر.
أجمالاً برشحلك التيدا وبعدين اللانسر
انا ارجح لك التيدا بكل المقاييس علما بان اختي معاها لانسر 2009 1600 اتوماتك بضمان التوكيل ((مصريه))
الحقيقه سقتها منها كذا مره ماحستش انى مبسوط فيها ...التسارع بتاعها في الاتوماتك مش قد كده
في حين لما ركبت التيدا بلس بتاعة واحد قريبي حسيت بفارق كبير في كل شيء......عشان كده بامر الله لو انا فكرت اغير مش هاركب غير تيدا او الماني حسب الظروف وقتها.... وانصحك تصلي استخاره وان شاء الله ربنا يلهمك الصواب...
معلش انا عاوز اقول ملاحظاتي على تحليلك يا أخ طارق
حضرتك بتقول
أنت شايف من خلال الأرقام اللي أنت كاتبها إن الالنترا تتفوق ؟؟؟ أنت مش عامل حساب لعدد اللفات ؟ مش علشان نقارن بين صفتين لازم نثبت باقي العوامل ؟ ممكن نعرف الالنترا عند 6000 حتطلع كام حصان علشان نعرف نقارن ؟
وبعدين مين في الدنيا بينقل على 6200 ؟ دي تبق خلاص داخله على المنطقة الحمراء ؟؟
إزاي يا راجل تتكلم عن الفرامل وما تذكرش إن التيدا فيها ebs و abd و ba كأنظمة فرامل؟
إزاي نفس العامل -اللي هو الوزن - اعتبرته عيب في التيدا عند المقارنة مع الالنترا و اعتبرته هو هو ميزة للالنترا على السيراتو ؟
يعني لما يعملوا عربية اخف من الالنترا يبقى عيب في العربية
ولما يعملوا عربية اثقل من الالنترا يطلع عيب برضه ؟
طب ده كلام ؟
مع احترامي , لو حنقارن الالنترا اللي بتنزل أمريكا طبعا تتفوق على التيدا
إنما اللي نازلة هنا بمواصفات غبور , اسف جدا التيدا تكسب
الالنترا فيه منها فيه abs يا باشا بس المشكلة فى العربية ككل .. اشترى انى ؟؟ انا احترت اوى و لحد دلوقتى ماجبتش عربية من كتر التفكير تعبت بجد :(اقتباس:
إزاي يا راجل تتكلم عن الفرامل وما تذكرش إن التيدا فيها ebs و abd و ba كأنظمة فرامل؟
الالنترا عربية انا حاسسها حلوة بس سمعت ان صدر العربية فبر .. هل ده حقيقى ؟؟ واللى قالقنى بردو انى كل ماقول لحد انى مش هغير العربية قبل 5 او 6 سنوات يقولى الالنترا ماتنفعش خالص هتكون بقت تعبانة جدا و مش هتبقى فى إعادة البيع كويسة .. اما اليابانى فا معمر و هيكون لسه بصحته .. مش عارف ده صح وللا اى كلام ..
بس التيدا الهاتش باك شنطتها صغيرة اوى .. وبصراحة مش بريستيج خالص .. دخلت الكارنز فى المقارنة لكن ماحستش الناس بردو علقت عليها خالص .. أعمل أيييييييييييييه ياربى ..
الانسر والتيدا ثبات ونعومية
اللنترا سحب وماتور قوى
سيراتو رفاهية وشكل