الموضوع: حكايتي مع السوبارو (المشكله اتحلت الحمد لله)

انا اسف جدا ياجماعه على التأخير بس بجد مطحون في الشغل والمواصلات طبعا :) وكمان النت كان مقطوع مع التليفون ومش عارف ادخل خالص
المهم زي ما احمد باشا حسن وطبعا بشكره لانه كلمني كتير وبيطمن كل شويه (ربنا يخليك ليا يا احمد ) وقولتله عاللي حصل معايا بالظبط
كنت الاحد اللي قبل اللي فات في التوكيل وقابلت الاستاذ خالد نائب مدير خدمة مابعد البيع في ابو غالي
وهو راجل الصراحه محترم جدا وفاهم شغله كويس وبيهتم اوي بالعميل وسمعة العربيه والتوكيل وده شيء كويس اننا نلاقيه في مصر
وهو قاللي ان مهما كان الموضوع هنساعدك وانه حيفتح الموتور ويصور ويكتب تقرير ويبعته لليابان وزي ما يردو هو حيعمل ولو شالو ايديهم من الموضوع وده اصعب حاجه هو كتوكيل حيساعد معايا في التصليح بنسبه 50% وده اخر حل وده في حدود صلاحياته طبعا
المهم كل شويه بكلم المهندس واعرف الاخبار وقالي التالي انه فك وصور وبعت تقرير لليابان فردو عليه وقالوله انهم عايزين تقرير بعينه من البنزين فالراجل طبعا بيقولي انه لقى موضوع التحليل مكلف قوي فحيبعت رد تاني لليابان ان ده مش ممكن حدوثه من البنزين (في صفي يعني ) وان البنزين عندي عادي ومفيهوش حاجه المهم لما كلمته هو قاللي ياريت انا كمان ابعت لليابان واحكيلهم اللي حصل عشان يتحركو بسرعه (وده يبدو انه فعلا المهندس معايا وبيحاول يساعدني بكل الطرق )
دلوقتي المشكله ان الموقع بتاع اليابان subaru.jp وده الموقع الرسمي انه كله باالياباني وانا مش فاهم حاجه فمش عارف ابعت لمين ولا ازاي
ياريت لو حد يعرف موقع لسوبارو اعرف ابعت على لينك ايه ولا انهي موقع بس افهمه مش ياباني
وبجد بجد جزاكم الله كل خير لكل من عمل او حاول على مساعدتي في موضوعي ده وربنا يخلينا لبعد اخوه