خبراء السوبارو الأفاضل برجاء النصيحة

**helfoll** · 23-01-2012 01:16 PM

السادة الأفاضل / خبراء سوبارو أمبرينزا

بعد التحية ,,,
أنا بشترى عربية سوبارو موديل 97/98 للمدام برجاء استفسار الأفضل المانويال أو الأتوماتيك أفضل ؟
لأن المدام عايزة سيارة اوتوماتيك هل فى مشكلة فى السوبارو الأتوماتيك أرجو النصيحة
وبعدين اكشف عليها فى التوكيل وألا فين ؟ العربية دى محترمة جدا لأنى سوقتها لمدة أسبوع عام 2000
وحسييت فيها بالرفاهية والفخامة ولو سمحت أللى عنده الموديلات دى للبيع يقول ولوسمحت من السادة الخبراء يحددوا سعرها يبدأ بكاك وينتهى بكام ؟ وآسف للأطالة

مع خالص احترامى وتقديرى ,,,

**eslamsubaru** · 24-01-2012 12:04 AM

مانيوال افضل . و السعر اعتقد من 35000 الى 45000 حسب الحالة.

**mahmoudselim** · 05-02-2012 11:19 PM

انا معايا العربية دي 98 اوتوماتيك
الاوتوماتيك بتاع السوبارو رقم واحد في الياباني
في التجميع مفيش فرق يذكر بينها وبين المانيول
تجميع بسرعة جدا واستهلاك بنزين معقول
بأمانة مقارنة بينها وبين الكورولا ال كانت معايا
الاتوماتيك بتاع السوبارو تحفة ونقل الغيار مبتحسش بية
لو قدامك اوتوماتيك توكل علي الله وانت مغمض وانا مسؤل عن كلامي دا
بالنسبة للكشف عليها فا افضل حاجة طبعا التوكيل والكشف بيتكلف في حدود 260 جنية
الكشف شامل كل حاجة في العربية من اصغر حاجة لاكبر حاجة وبياخد حوالي 3 ساعات

**helfoll** · 06-02-2012 04:27 PM

المشاركة الأصلية كتبت بواسطة mahmoudselim

انا معايا العربية دي 98 اوتوماتيك
الاوتوماتيك بتاع السوبارو رقم واحد في الياباني
في التجميع مفيش فرق يذكر بينها وبين المانيول
تجميع بسرعة جدا واستهلاك بنزين معقول
بأمانة مقارنة بينها وبين الكورولا ال كانت معايا
الاتوماتيك بتاع السوبارو تحفة ونقل الغيار مبتحسش بية
لو قدامك اوتوماتيك توكل علي الله وانت مغمض وانا مسؤل عن كلامي دا
بالنسبة للكشف عليها فا افضل حاجة طبعا التوكيل والكشف بيتكلف في حدود 260 جنية
الكشف شامل كل حاجة في العربية من اصغر حاجة لاكبر حاجة وبياخد حوالي 3 ساعات

جزاك الله خيرا بس الأوتزماتيك فعلا نادرة فى موديلات 97/98 مش لاقيها معروضة للبيع على النت وخايف طبعا من نزول سوق السيارات ؟

**mahmoudselim** · 06-02-2012 08:28 PM

المشاركة الأصلية كتبت بواسطة helfoll

جزاك الله خيرا بس الأوتزماتيك فعلا نادرة فى موديلات 97/98 مش لاقيها معروضة للبيع على النت وخايف طبعا من نزول سوق السيارات ؟

الاوتوماتيك فعلا نادر شوية في الموديل دا وفي الغالب هتلاقية في مويل 98
بس انت لو حابب اوي انها تكون اوتوماتيك ممكن تسقطلها فتيس اوتوماتيك
واعرف كذا واحد عمل كدا وسقطة عند مين وتقريبا الموضوع مش هيتكلف
أكتر من 1000 جنية + الفتيس المانيوال. وممكن كمان لو حبيت انك تخلي
العربية كلها دفع رباعي يعني الاربع عجلات يتحركوا مع بعض و الموضوع مش
هيتكلف اكتر من 2000 جنية + قطع الغيار ال عندك في العربية . و كدا كدا اصلا
انت لو فكرت تقلبها رباعي لازم هتغير الفتيس وبما ان الفتيس هيكلفك 1000 جنية
ممكن تضيف 1000 كمان وتحولها رباعي بالمرة. وفي الحالة دي ممكن تجيب
عربية نص عمر وتظبطها انت. بص هي دي كلها اقتراحات بس الافضل طبعا
انك تصبر شوية وتدور علي واحدة اوتوماتيك وممكن تروح لمعرض اولاد عبد الهادي
هيقلبولك عليها الدنيا ويجبوهالك ان شاء الله. بس انسي السوق في الوقت دا
وفعلا والله العظيم الاتوماتيك بتاع السوبارو والموديل دا تحديدا كمان لا يعلي علية
يعني بتهيئلي خبرة علماء سوبارو كلها اتوجدت في الفتيس الاتوماتيك للموديل دا
وربنا يوفقك ان شاء الله . ومتنساش انك تكشف عليها في التوكيل وماتتنزلش عن الطلب دا ابد