سعر منظف الرشاشات stp العلبه السوداء؟

**heshamzaky** · 13-06-2010 12:06 AM

المشاركة الأصلية كتبت بواسطة am79

+111111111111111
وياريت طرق الاستخدام كل كم كيلو وايه انواعها لان شايف ان في حاجه لدوره البنزين وحاجه تانيه للرشاشات

بص يا باشا انا سأقول لك تجربتى انا الشخصية و لكنها من الممكن الا تكون القاعدة العامة العلمية يعنى حا أقولك بالبلدى القصة للسهولة بص يا سيدى انا عربيتى تمبرا بس انجيكشن و بها كمبيوتر أعطال و حساسات كان ساعات لمبة الانجيكشن الحمراء بتنور و دة معناة ان فية خطأ ما الاول جبت الزجاجة السوداء stp م وكنت بحطها كلها على الفول تانك الاول حا تحس ان العربية كتمت سنة و بعدين بتبرطع كويس و اللمبة الحمراء بتطفى و بعدين لقيت زجاجة أخرى stp لونها برتقالى و مكتوب عليها ينصح بأستخدامه مع كل تغيرة زيت و برضو العربية كانت بتبقى فايقة و كويسة المواسير بتاعت البنزين بتنضف من جوة و بتقى سالكة من الرواسب أما بالنسبة لمنظف الانجيكشن و دة عبارة عن علبة أسبراى و يوجد منة نوع صينى ب 25 و نوع أمريكى ب 39 جنية و دة بصراحة كويس جدا جدا أنا بتكلم عن تجربتى فى عربيتى انا و طرقة أستخدامة انك تفك العمة و تدور العربية و ترش الاسبراى على الانجيكشن لما بينزل بيفور شوية و بينظف بقوة و بأنظف البوابة و الفيش بتاعت الكهرباء و اركبهم و بعديها يا باشا و الله العظيم تلمس دواسة البنزين تحس بفرق جامد جدا و انا بجيب النظف الاسبراى الارخص ابو 25 جنية و كما قلت دى تجربتى انا الشخصية فى سيارتى أنا

**am79** · 14-06-2010 03:55 AM

المشاركة الأصلية كتبت بواسطة heshamzaky

بص يا باشا انا سأقول لك تجربتى انا الشخصية و لكنها من الممكن الا تكون القاعدة العامة العلمية يعنى حا أقولك بالبلدى القصة للسهولة بص يا سيدى انا عربيتى تمبرا بس انجيكشن و بها كمبيوتر أعطال و حساسات كان ساعات لمبة الانجيكشن الحمراء بتنور و دة معناة ان فية خطأ ما الاول جبت الزجاجة السوداء stp م وكنت بحطها كلها على الفول تانك الاول حا تحس ان العربية كتمت سنة و بعدين بتبرطع كويس و اللمبة الحمراء بتطفى و بعدين لقيت زجاجة أخرى stp لونها برتقالى و مكتوب عليها ينصح بأستخدامه مع كل تغيرة زيت و برضو العربية كانت بتبقى فايقة و كويسة المواسير بتاعت البنزين بتنضف من جوة و بتقى سالكة من الرواسب أما بالنسبة لمنظف الانجيكشن و دة عبارة عن علبة أسبراى و يوجد منة نوع صينى ب 25 و نوع أمريكى ب 39 جنية و دة بصراحة كويس جدا جدا أنا بتكلم عن تجربتى فى عربيتى انا و طرقة أستخدامة انك تفك العمة و تدور العربية و ترش الاسبراى على الانجيكشن لما بينزل بيفور شوية و بينظف بقوة و بأنظف البوابة و الفيش بتاعت الكهرباء و اركبهم و بعديها يا باشا و الله العظيم تلمس دواسة البنزين تحس بفرق جامد جدا و انا بجيب النظف الاسبراى الارخص ابو 25 جنية و كما قلت دى تجربتى انا الشخصية فى سيارتى أنا

شكرا ياباشا علي التوضيح

**engahmedsamy** · 14-06-2010 02:04 PM

انا كنت شارية ب 35

**Ayman-Ahmed** · 15-06-2010 12:10 AM

اشتريته من شل اللى جنب القرية الفرعونية ب 19 جنيه Made in UK وقاللى انه كان فى اكبر ب 27.وفولت من عندهم وتقريبا خلص ربع التنك بس فى فرق بسيط فى السحب .بس انا مش عارف هو احساس واهم ولا فعلا السحب زاد لان العربية معايا ساعات وساعات مع اننى مبغيرش المحطة اللى بمون منها كتير يعنى.

**maka** · 15-06-2010 01:19 AM

مرة 23 و مرة تانية ب 28

**Ayman-Ahmed** · 15-06-2010 10:00 AM

لسة شايفة من ساعة فى موبيل الاوتوستراد ب 23.5 Made in USA الواحد خلاص مبقاش عارف ايه الصح والمضمون

**heshamzaky** · 15-06-2010 11:25 PM

المشاركة الأصلية كتبت بواسطة emo_ayman

لسة شايفة من ساعة فى موبيل الاوتوستراد ب 23.5 made in usa الواحد خلاص مبقاش عارف ايه الصح والمضمون

لما اشتريتة ب 30 جنية كان من موبيل الدائرى بين مساكن الشيراتون و طريق النصر كوبرى اربعة و نص

**bahaa660** · 27-06-2010 09:07 PM

انا عندي با ابيع منظف انجيكشن بريستون امريكي ب32 جنيه وهو منتج فوق الممتاذ
ومياه ريداتير من نفس الشركة تبريد من درجة حراارة 126 حتي 18 تركيز عالي فعالية في الريداتير خمس سنوات ب 45 جنيه