ممكن تحكوا تجربتكم مع السيريون

**tag12345us** · 13-02-2008 09:16 AM

أنا كنت بدور على سياره فى حدود 80000 والحمد لله استقريت على دايهاتسو سيريون
وفكرت انى افتح موضوع لمالكى هذه السياره يحكى لنا تجربته معاها ولو فى حاجات معينه لازم ناخد بالنا منها وتقييمه للسياره عاما وهل هوه راضى عن اختياره السياره دى ولا لا
واهو الموضوع هيفيد اى حد بيفكر فى العربيه

**أبو عبدالله** · 13-02-2008 01:35 PM

أولا أهلا بك هنا
ثانيا انا من ماكلي السيارة والحمد لله لحد الأن لم ارى منها اي شئ يجعلك تحس ان السيارة دي كانت اختيار خاطئ
وانما كل شويه بتحس انها كانت اختيار في محله حسب احتياجاتك وانما كأداء العربيه بسم الله ماشاء الله تبهر كل راكبيها علشان امكانياتها وادائها

بصراحه انا بشكر ربنا على هذا التوفيق منه لأختياري للعربيه دي

وربنا يرزقكك الخير ان شاء الله

**tag12345us** · 13-02-2008 06:35 PM

المشاركة الأصلية كتبت بواسطة أبو عبدالله

أولا أهلا بك هنا
ثانيا انا من ماكلي السيارة والحمد لله لحد الأن لم ارى منها اي شئ يجعلك تحس ان السيارة دي كانت اختيار خاطئ
وانما كل شويه بتحس انها كانت اختيار في محله حسب احتياجاتك وانما كأداء العربيه بسم الله ماشاء الله تبهر كل راكبيها علشان امكانياتها وادائها

بصراحه انا بشكر ربنا على هذا التوفيق منه لأختياري للعربيه دي

وربنا يرزقكك الخير ان شاء الله

ربنا بخليك يا ابوعبد الله ويكرمك ويبارك لك فيهال كمان وكمان

يله يا جماعه فين ملاك السيريون يله فرحونا باعربيه اكتر

**OlaOsman** · 13-02-2008 09:21 PM

متهيألي السيريون هي من اكتر العربيات اللي اتحكى عنها من مالكيها هنا في المنتدى.. مش عارفة ده عشان انا مهتمة بيها بزيادة و لا دي ملحوظة في محلها

**tag12345us** · 14-02-2008 05:53 AM

المشاركة الأصلية كتبت بواسطة OlaOsman

متهيألي السيريون هي من اكتر العربيات اللي اتحكى عنها من مالكيها هنا في المنتدى.. مش عارفة ده عشان انا مهتمة بيها بزيادة و لا دي ملحوظة في محلها

على فكره ده طبيعى لان السياره تعتبر جديده وهتلاقى ناس كتير عايزه تعرف نظامها وتعرف راى مالكيها ممكن تقوليلنا يا اخت علا بما انك من مالكى السياره ايه النظام؟

**MoToRiZeR** · 14-02-2008 05:53 AM

و الله حضرتك انا من كتر ما حبيت العربية .. بقي ناقص انزل انام فيها !

و اما بتتخبط بتبقي جنازة حتي لو خدشة قد كدة .. و اما بشوف العربيات اللي كنت حاططها في اعتباري و بقارنها مع السيريون قبل ما اشتري بقول "ايه القرف ده ! الحمد لله اني جبت السيريون!"

عربية ممتازة شكلا و راحة و اداء و توكيلها في رأيي اكتر توكيل محترم
و لو انت شايف انها مناسبة لأحتياجاتك .. فا هي ما شاء الله الاختيار الامثل في الفئة دي

**tag12345us** · 14-02-2008 06:05 AM

المشاركة الأصلية كتبت بواسطة dehumanizer

و الله حضرتك انا من كتر ما حبيت العربية .. بقي ناقص انزل انام فيها !

و اما بتتخبط بتبقي جنازة حتي لو خدشة قد كدة .. و اما بشوف العربيات اللي كنت حاططها في اعتباري و بقارنها مع السيريون قبل ما اشتري بقول "ايه القرف ده ! الحمد لله اني جبت السيريون!"

عربية ممتازة شكلا و راحة و اداء و توكيلها في رأيي اكتر توكيل محترم
و لو انت شايف انها مناسبة لأحتياجاتك .. فا هي ما شاء الله الاختيار الامثل في الفئة دي

تمام يا باشا ربنا يبارك لك فيها كمان وكمان

**OlaOsman** · 14-02-2008 06:58 AM

المشاركة الأصلية كتبت بواسطة tag12345us

على فكره ده طبيعى لان السياره تعتبر جديده وهتلاقى ناس كتير عايزه تعرف نظامها وتعرف راى مالكيها ممكن تقوليلنا يا اخت علا بما انك من مالكى السياره ايه النظام؟

في الحقيقة..

هو في الواقع..

احم احم...

أصلي لسه ما جبتش السيريون :o

بس حاطة صورتها في توقيعي كنوع من الحافذ.. او هداف قصاد عيني على طول عايزة احققه :)

**tag12345us** · 14-02-2008 07:04 AM

المشاركة الأصلية كتبت بواسطة OlaOsman

في الحقيقة..

هو في الواقع..

احم احم...

أصلي لسه ما جبتش السيريون :o

بس حاطة صورتها في توقيعي كنوع من الحافذ.. او هداف قصاد عيني على طول عايزة احققه :)

ربنا يكرمك وتحققى هدفك ان شاء الله يله يا جماعه فين باقى مالكى السياره ؟؟؟

**Eng_aly** · 29-02-2008 06:40 PM

لو لسة مشترتش روح اشترى هتتبسط اوى اوى اوى انا كل مامشى بيها ادعى لأبو عبد الله والمنتدى المحترم دة بصراحة...عاوز اقول انها من غير تحيز من افضل العربيات الموجودة فى مصرنا الحبيبة