ونعم بالله
عرض للطباعة
هو اتقدم للمحاكمة ب3 تهم
1-التعدى على موظف عام
2-اتلاف
3-سب وقذف
السلام عليكم ورحمة اللة وبركاتة
واضح ان فى حاجة غلط بتحصل فى البلد وفى تغيرات كبيرة جدااا فى الشخصية المصرية .. يا جماعة قبل ما نشوف مين ضرب مين لازم كلنا نتفق ان فى حاجة اسمها سيادة الدولة وان هناك ثلاث سلطات تمثل كيان الدولة وهى السلطة التشريعية والقضائية والتنفذية .. ويجب فى كل الأحوال احترام هيبة الدولة والإ الموضوع هايتحول لغابة .. كل انسان شعر بالظلم ياخد حقة بإيدة ونرجع للقبلية وكل فئة تجمع افرادها الف او اتنين أو ثلاتة وناخد الحق بالعافية ... انا احب اوضح اننى مش مع دول او دول يعنى لو وكيل النيابة غلط يتعاقب ولو المحامى غلط يتعاقب لكن لو فرضنا ان وكيل النيابة دة فعلا ضرب المحامى او امر الحرس بتوعة بضربة فهو هنا اساء استخدام سلطتة ولازم يتعاقب لكن مش يتعاقب ان المحامى يرد الأعتداء بالضرب لكن فى طرق قانونية للإتخاذ اجراءات ضد وكيل النيابة وأولها الجهة التابع ليها وهى النائب العام .. لكن اللى حصل واظن انة كان سبب تصعيد الموضوع ان المحامين اعتدى علية فى عملة وكسروا مكتب رئيس نيابة ودى فى القانون اتلاف اموال عامة عمدا واعتداء على موظف عام بالقول واللفظ والضرب والجريمة دى بينظمها قانون العقوبات المصرى وفعلا عقوبتها غليظة جداااا ... خلاصة القول ان كل فئة فى العالم فيها المحترم والغير محترم وفى الأخر يا جماعة كلنا اللى اخوة محامى او قريبة وكيل نيابة او حتى ظابط وفى الأخر كلنا بشر ويجب اننا نحترم بعض ونحترم البلد والقانون حتى وان كان فى تجاوزات من اى اطراف فممكن نلجأ للقانون وكمان فى حدود معلوماتى ان النيابة كثيرا ما قدمت ظباط للمحاكمة بتهمة اعتداء على محامى او اشخاص عاديين وكثيرا وقفت بجانب المظلوم ودة دورها الطبيعى ... ياريت ننظر للموضوع بحيادية وبدون مرجعيات سابقة تحمل الكثير من القبح فيها ... شكرا
نرجع إلى الدين في كل شيء لأن الله تعالى أمر بالعدل في الحكم بين الناس. قال سبحانه مخاطبًا عبده الصالح
داود عليه السلام بقوله: يَا دَاوُدُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلا تَتَّبِعِ الْهَوَى فَيُضِلَّكَ عَنْ
سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ[ص:26]، وقال سبحانه مخاطبًا
عباده المؤمنين: يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالْأَقْرَبِينَ إِنْ
يكُنْ غَنِيّاً أَوْ فَقِيراً فَاللَّهُ أَوْلَى بِهِمَا فَلا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ خَبِيراً
[النساء:135] وقال جل ثناؤه: وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى[المائدة:8]
ويقول النبي صلى الله عليه وسلم: القضاة ثلاثة: قاضيان في النار وقاضٍ في الجنة. رجل قضى بغير الحق فعلم
ذاك فذاك في النار، وقاض لا يعلم فأهلك حقوق الناس فهو في النار، وقاضٍ قضى الحق فذلك في الجنّة. رواه
الترمذي. ولهذا يجب معالجة الأمور بحكمة روية
انا عرفت ان المشكلة بدأت بدخول المحامي مكتب وكيل النيابة من غير مايخبط على الباب
وحصلت بينهم مشادة كلامية...ووكيل النيابة ضرب المحامي بالقلم على وشه
وحصلت تشابك مع افراد الامن والمحامين ووكيل النيابة..وفي وسط الزحمة..المحامي سكع وكيل النيابة على وشه
............
طيب
وكيل النيابة(كموظف عام)بابه مفتوح
مش لازم الناس تقلع جزمتها على باب مكتبه..وتخبط وتستنى من الإذن بالدخول
ده مكتب خدمات عمومي..يعني من حق اي حد يدخله
ولما وكيل النيابة بتعدى على محامي أثناء تأدية وظيفته....يبقا المفترض إن وكيل النيابة هوا إلي يتحاكم
أو على الأقل ..يكون له نصيب من الاحكام الصادرة
بس كوسة ...
كووووووووووووووووسة ....
والدنيا حلوة
تعليق عجبنى على مصراوى
الحكومة جامدة
كده الحكومه معانده علشان فيرس الرجولة مايعديش باقى الجبناء اللى ماليين البلد ولبسين طرح
يعنى لما وكيل النيابه ضربه كان هو المفروض يروح يقدم بلاغ فيه كدا علطول ؟
كان ساعتها وكيل النيابه هيتحبس 5 سنين صح !!!
نخلى الكلام يعقل , الله اعلم مين بدأ بس حصل ان الاتنين ضربو بعض ده بعيدا عن ان المحامى اتعمل عليه حفله هل يبقى العقاب لطرف واحد بس حتى بدون حق الدفاع عن نفسه
اللى عملوه المحاميين ده اقل بكتير من الواجب ومش بلطجه ولا همجيه طالما السلطه اساسا بدأت التعامل معاهم بأسلوب اخبط دماغك فى الحيطه يبقى حق الرد بأى وسيله مكفول