بإي ذنب قتل خالد (ضحية جديده للتعذيب بالاسكندرية ) و السبب رفض التفتيش !

**alaa74** · 12-06-2010 02:43 PM

حسبنا الله ونعم الوكيل

اللهم أهلك الظالمين بالظالمين

تابعت الموضوع كله وقلبى وجعنى مش عارف أعلق او أقول إيه حسبنا الله ونعم الوكيل

**dr-mohamed** · 12-06-2010 03:30 PM

المشاركة الأصلية كتبت بواسطة factorialx

يا جماعه الموضوع قلب على مصر لييييييييه

يعني عشان فئه حقيره من مجتمعنا تعمل كده يبقى مصر وحشه و بلد بنت ستين في سبعين

راجعوا نفسكم مصر هتفضل أم الدنيا بس المخبرين ياخدوا إعدام

المخبرين خدوا افراج من النيابة
واتعمل للمرحوم خالد احلى كارت سوابق ومش ناقص غير انهم يقولوا هو اللى ضرب البرجين
ومتزعلش مني
مصر دي مش بتاعتنا
مصر دي مش اللى انا شفتها في السبعينات
مصر دي الواد اتقتل من الضرب ادام الناس ومحدش فتح بقه وقال لا
مصر السبعينات 2 حرامية دخلوا بيت مجرد واحدة صوتت كل الشارع نزل ومسك فيهم وهات يا ضرب
مصر دي بتنزل من بيتك وانت مش ضامن ترجع له تانى
مصر دي اي عيل امين شرطة ولا مخبر معفن يقدر يقبض عليك ويرميك في الحبس ومحدش يعرف انك متاخد اصلا لان الباشا لم يثبت وجودك في دفاتر القسم
مصر دي الباشا معاون النيابة الفاشل خريج حقوق بمقبول وثانوية ب60 % يضرب دكتور الجامعة بالجزمة
مصر دي اللى فيها ناس بتنام من غير عشا وناس تانية بتستورد الوجبات من ماكسيم بالطيارة وتبقي سخنة
مصر دي مش بتاعتى ولا بتاعتكم مصر دي بتاعة البهوات
مع اني بكرهه ومش بحبه لكن فعلا

احنا في زمن المسخ

المشاركة الأصلية كتبت بواسطة thedeveloper87

حد يعرف إجراءات التنازل عن الجنسية دي؟

خدني معاك

المشاركة الأصلية كتبت بواسطة thedeveloper87

أنا عشت 12 سنة في الكويت واتولدت هناك ، مع إن المصريين بيتهانوا هناك ، مع إني كنت باتشتم وبيقولوا لي "يللا يالمصري" إلا إني عمري ما حبيت أعيش في مصر ولو جاتلي فرصة أرجع لرجعت

هههههههههههههههههههههههه
هناك كانوا بيقولوا لك ياللا يا مصري
هنا ممكن يقولوا لك صفات اقرب من كدة متعلقة بالست الوالدة والوالد وبقية العيلة لو وقعت في ايديهم لاي سبب

المشاركة الأصلية كتبت بواسطة dr zezo

مراسل بي بي سي في الاسكندرية بعد تحدثه الي رواد مقهي الانترنت - محل الواقعة - و شهود العيان

افادوا بأنه لم يحدث اي حوار بين المخبرين و المجني عليه

هم دخلوا من اجله - عارفين هدفهم-

طلبوا منه ان يذهب معهم الي القسم فاحتج و اعترض و سأل عن السبب

فجروه الي الخارج و اخذوا يكيلوا له الضربات في منزل مجاور ثم تركوه 10 دقائق لكي يأتوا بالبوكس

بالصدفة طبيبين كانا يعبران الشارع ففحصاه فأبلغوا الاهالي انه مات

عاد بعدها المخبرين بالبوكس و اخذوه معهم و يبدوا انهم اكتشفوا انه لا يمثل و لا يدعي الموت فرجعوا مرة اخري و القوا بجثته في الشارع

شهود العيان اكدوا ان الشاب المجني عليه لم يكن يتعاطي المخدرات او حتي يدخن السجائر

من بي بي سي منذ قليل

وكانوا فين الشهود دول
مفيش واحد منهم راح النيابة وشهد ليه
لو كلهم شهدوا مفيش مخلوق هيقدر يقرب منهم
لكن احنا في زمن ياللا نفسي
والخوف اللى معشش في قلوب وعقول الناس وخللى كلاب السلطة تحس انها اسود

المشاركة الأصلية كتبت بواسطة thedeveloper87

صحيح ، هو فين أخو خالد اللي معاه الجنسية الأمريكية؟ مافيش عنه أي أخبار؟

ياخد باسبوره ويرجع امريكا وينسي انه كان في يوم من الايام يعرف بلد اسمها مصر ويريح نفسه

**AHMED1718** · 12-06-2010 03:32 PM

حسبي الله ونعم الوكيل ف الظلم اللى وصلت ليه بلدنا

**wawoo** · 12-06-2010 04:05 PM

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

**ashouhdy** · 12-06-2010 04:33 PM

وزارة الداخلية تدرس حجب خدمة الانترنت عن المنازل و اباحتها عبر النت كافية المراقبة كليا او حجب المواقع الغير مرغوب فيها عن مصر مثل facebook,youtube,twitter,....etc

**mahamedaraby** · 12-06-2010 04:42 PM

Masrawy Videohat - ط§ظ„ظپظٹط¯ظٹظˆ ط§ظ„ط°ظٹ ظٹظ‚ط§ظ„ ط§ظ†ظ‡ طھط³ط¨ط¨ ط¨ظ…ظ‚طھظ„ (ط´ظ‡ظٹط¯ ط§ظ„ط·ظˆط§ط±ط¦)

ده لينك الفيديو

بس الفيديو مش موضح حاجه بس هو تفاصيله كالاتى

وعلى صعيد أخر انتشر مقع فيديو على الإنترنت قال ناشره أنه كان السبب وراء مقتل خالد محمد سعيد "شهيد الطوارئ".
ويظهر الفيديو ضابط شرطة ومعاونوه قال ناشر الفيديو أنهم ضمن قوة قسم سيدي جابر وهم يقومون بتقسيم ضبطية أحراز 80 كيلو من مخدر الحشيش وبعض النقود، وتحديد الكمية التي سيتم تسلميها للنيابة كحرز والكمية الأخرى التي سيتقاسمونها فيما بينهم -بحسب ناشر الفيديو-.

شاهد الفيديو
الفيديو الذي انتشر بالاسكندرية

كما يظهر في الفيديو اقتطاع الضابط لأجزاء من الحشيش، ويسمع صوت أحد الموجودين وهو يقول "لزوم المزاج"، وصوت أخر يقول "مبروك عليك يا باشا" لضابط القسم والذي يعرض عليه أخذ قطعة من الحشيش فيرفضها.
ويقول ناشر الفيديو أن أحد المخبرين الموجودين بالمقطع هو الذي قتل الشاب خالد محمد سعيد شهيد الطوارئ..
ولم يظهر في المقطع ما يدل على أن هذا الفيديو قد تم تصوير داخل قسم شرطة سيدي جابر أم لا مما قد يثير رفض لربط هذا الفيديو بمقتل الشاب.
وكانت السيدة ليلى مرزوق والدة الشاب خالد محمد سعيد "شهيد الطوارئ" قد قالت إن السبب الحقيقي وراء قتل ابنها على الشرطة هو أنه كان لديه فيديو يظهر قيام ضباط ومخبرين بقسم الشرطة وهم يقومون بالاتجار في الحشيش.
وأضافت أن خالد قام بنشر الفيديو بين أصدقاءه وكان ينوى انشاء مدونة على الإنترنت لنشره عليه وفضحهم، مشيرة إلى أنها قامت بتحذيره مراراه من نشر الفيديو حتى لا يقوموا بإيذائه

**معتز** · 12-06-2010 04:53 PM

نعمل اينه:

اهم شئ نتاكد من صحة ودقة الخبر... اذا كان صحيح نبعت لكل العالم..حقوق الانسان ..رئاسة الجمهورية...رئاسة الوزراء....نضع رابطة على اليوتيوب...نرسل لبرامج الحوارات المصرية ...شارك فى الانتخابات ..اعطى صوتك ولا تتركة للاستخدام والتزوير...انصح زملائك بالمشاركة الفعالة.ادعو الله فى صلاتك اذا كنت تصلى.ارجع الى الله اذا كنت بعيدا عنه..............