رسالة تعارف و مصلحة

**م. حاتم السباعي** · 10-06-2010 10:47 PM

هذه الرسالة لكل اعضاء كيا المتمييزين وخصوصا عائلة (كيداههههههههههههههههم)
مش عايز انسي حد بس بجد يا جماعة حينما اطالع مواضيعكم المختلفة بحس بجد انني مستمتع جدا لترابطكم وطبعا
الاخوة الافاضل الاساتذة ( نورمال و عتريس و ابو ليلي (اللي ربنا يكون في عونه) و د.احمد سامي و ياسر و الزواوي و كريم و استاذ عثمان بتاع الكارينز و كل ملاك كيا الممتازين
ومع انني لا امتلك كيا الا انني اجدني احس بأنكم خير صديق فأرجو ان تتقبلوني صديق حتي استطيع ان اطالع مواضيعكم الشيقة ولا احس بأنني أختلس النظر فيما لا استحق
و أود ان اطرح عليكم حيرتي منذ انتهاء معرض اوتوماك لكي تنصحوني لوجة الله عز وجل
طبعا اتوقع كلنا شاف الرانجلر الجديدة وأن شاء الله هروح غدا بعد صلاة الجمعة الكيلو 28 طريق مصر الاسماعيلية لمشاهدتها علي الطبيعة و تكمن مشكلتي في انني في حيرة من امري هل اقدم علي شرائها ولا موضوع استهلاك البنزين و الضريبة السنوية سيكون مكلف و بعض الاخوة الافاضل قال لي طالما لا تحتاج للغرز ولا تدخل في الطرق الوعرة فهناك بدائل زي التريوس vxr و هناك فرق سعر حوالي 100 الف ارجو النصيحة لانني اثق في ارائكم
اخوكم الجديد (مهندس) حاتم السباعي

**magdy1963** · 11-06-2010 12:30 AM

المشاركة الأصلية كتبت بواسطة HAGAN

هذه الرسالة لكل اعضاء كيا المتمييزين وخصوصا عائلة (كيداههههههههههههههههم)
مش عايز انسي حد بس بجد يا جماعة حينما اطالع مواضيعكم المختلفة بحس بجد انني مستمتع جدا لترابطكم وطبعا
الاخوة الافاضل الاساتذة ( نورمال و عتريس و ابو ليلي (اللي ربنا يكون في عونه) و د.احمد سامي و ياسر و الزواوي و كريم و استاذ عثمان بتاع الكارينز و كل ملاك كيا الممتازين
ومع انني لا امتلك كيا الا انني اجدني احس بأنكم خير صديق فأرجو ان تتقبلوني صديق حتي استطيع ان اطالع مواضيعكم الشيقة ولا احس بأنني أختلس النظر فيما لا استحق
و أود ان اطرح عليكم حيرتي منذ انتهاء معرض اوتوماك لكي تنصحوني لوجة الله عز وجل
طبعا اتوقع كلنا شاف الرانجلر الجديدة وأن شاء الله هروح غدا بعد صلاة الجمعة الكيلو 28 طريق مصر الاسماعيلية لمشاهدتها علي الطبيعة و تكمن مشكلتي في انني في حيرة من امري هل اقدم علي شرائها ولا موضوع استهلاك البنزين و الضريبة السنوية سيكون مكلف و بعض الاخوة الافاضل قال لي طالما لا تحتاج للغرز ولا تدخل في الطرق الوعرة فهناك بدائل زي التريوس vxr و هناك فرق سعر حوالي 100 الف ارجو النصيحة لانني اثق في ارائكم
اخوكم الجديد (مهندس) حاتم السباعي

انت نورتنا مرحب بيك معانا وصلى صلاة الاستخارة وربنا ييسر لك الامر

**heromiro** · 11-06-2010 12:31 AM

أنا رأي لو حضرتك ملكش في رحلة السفاري والصحراء سعرها مبالع في جدا 250000 بس لو حضرتك غاوي جيب دي حاجة تانيه

**waleedelpiloot** · 11-06-2010 12:40 AM

اهلا بيك فى عائلة كبداهم
انا راى بصراحة لا تنازل عن الرتجلر و هتخسر كتير لو ما جبتهاش وبكرة افكرك وانا فى راى ان التريوس دى عربية فاشلة ومافيشششششششششششششششششش اى وجهة مقارنة بيبنها وبين الوحش(الرنجلر)

دة راى او يمكن لحبى الجااامد جدا ل 4x4 وامل حياتى اى يبقى عندى يا نيسان ارمادا يا رنجلر

**NoRmAl** · 11-06-2010 12:42 AM

أهلا بيك يا بشمهندس حاتم
هو انا مشفتش الرانجلر الجديده الحقيقه لأنى مرحتش المعرض من الاساس :))
بس هو طبعا الى عايز العربيه دى أكيد بيهدف لحاجه معينه
يعنى حضرتك من هواه الرحلات الجبليه والرياضات دى علشان تجيب عربيه بالقوه دى
ولاونى مقتنع أن هى دى الى تنفع مع شوارعنا اليوميه لكن بردو مش أى حد بيركبها
وطبعا البنزين بتعها ومصاريف تشغيلها أعتقد يقطموا الوسط مع أنى أتوقع أن قطعها معمره جدا
فأنا عايز أعرف منك أنت بتفكر أزاى وعايزها ليه بالظبط

اااه كمان بجد معرفش أى عربيه عندنا بتنزل براند vxr
أول مره أعرف
مش أعلى فئه تريوس GLX؟؟

**م. حاتم السباعي** · 11-06-2010 01:13 AM

(باشمهندس حاتم انت مش محتاج انك تطلب انك تبقي واحد مننا انت ب الفعل بقيت واحد مننا خلاص و ده يشرفنا كلنا ان انت تبقي واحد مننا احنا هنا كلنا اخوات في المنتدي و اي حد عاوز يدخل في وسطنا احنا بنرحب بيه ب شده و موضوع العربيه معلش مش هقدر افيدك مش عارف ان شاء الله باقي الاخوه يفيدوك)
انا اللي ليا الشرف يا زواوي باشا ومتشكر جدا لحضرتك وأن شاء الله سأخبرك بما وفقني الله له

**م. حاتم السباعي** · 11-06-2010 01:17 AM

انت نورتنا مرحب بيك معانا وصلى صلاة الاستخارة وربنا ييسر لك الامر

بالطبع يا أستاذ مجدي لقد كان الاختيار يضم حوالي خمس سيارات من بينهم الرانجلر و التريوس وبعد صلاة الاستخارة احببت ان أأخذ برأي اهل العلم كمان حتي يوفقني الله للأختيار السليم ومتشكر جدا لحضرتك وأن شاء الله ييسر لنا ولك كل امر

**م. حاتم السباعي** · 11-06-2010 01:27 AM

أنا رأي لو حضرتك ملكش في رحلة السفاري والصحراء سعرها مبالع في جدا 250000 بس لو حضرتك غاوي جيب دي حاجة تانيه

(الف شكر لردك السريع استاذ (هيروميرو) أنا فعلا مهندس مساحة ولكن المدام محلفاني ان العربية تكون للاسرة فقط لذا فأنا استخدم للعمل سيارات أخري مخصصة لذلك و ليس لي في السفاري ولا الصحراء ولا غاوي جيب ولا حاجة بس بصراحة العربية دي بتمشي بالجنب و بالعرض وتوشك ان تمشي علي ظهرها انا شفتها في المعرض اثناء العرض وكانت حديث الناس كلها

**م. حاتم السباعي** · 11-06-2010 01:32 AM

(اهلا بيك فى عائلة كيداهم
انا راى بصراحة لا تنازل عن الرتجلر و هتخسر كتير لو ما جبتهاش وبكرة افكرك وانا فى راى ان التريوس دى عربية فاشلة ومافيشششششششششششششششششش اى وجهة مقارنة بيبنها وبين الوحش(الرنجلر)

دة راى او يمكن لحبى الجااامد جدا ل 4x4 وامل حياتى اى يبقى عندى يا نيسان ارمادا يا رنجلر)

لي جزيل الشرف بالانضمام الي العائلة وأن شاء الله انا ناوي أجيب لزوجتي كيا كي أكون ابن العائلة فعلا متشكر جدا استاذ وليد لردك وأنا معاك في الرأي أن هذه العربية وحش صحيح و ربنا يسهل بعد صلاة الجمع أن شاء الله و يوفقني في الاختيار دعواتك وأن شاء الله أن قدر لي الله أقتنائها فأكيد سيكون لي الشرف بأن أتشرف بحضرتك لكي تركبها و تروضها