برجاء المساعدة ............و بشده!

**ga3ongaya** · 11-06-2010 02:36 AM

سلام عليكم، الرجاء التكرم بلمساعده يا جماعة. أنا بدور على عربية بقالي تقريبا سنتين و طلع عيني خلاص و أخيرا قررت ما بين Tidaأو Corsa أو الجراند Punto. ناس كتير بتشكر فل جراند جدا كمان عشان سعرها بس في ناس حذرني إن قطع الغير بتاعتها نار عشان إيطالي و ناس تانية تقولي ماهو أنا مش هاحتاج قطع غير إن شاء الله للدرجة عشان أدفع ٢٥،٠٠٠٠ زيادة في تيدا أو كورسا . كمان أنا بحب حاجتي جدا و مش من الناس إلى بتغير عربية على طول و إن شاء الله عايزة تكفي للولاد و مش عارفة أسألمين . أنا عارفة إن فيه فرق بن البنتأ وال باقي بس ياريت حد يفيدني هل الفرق يستاهل ولا لا و هل ياترى قطع الغيار و استهلاك البنزين كويس ولا إيه النظام ؟ و معنديش أي مانع لو فيه حاجة تانية حابين تلفت نظري ليها الله يبارك فيكم . أسفة على الإطالة و شكرا مقدما

**amrbakly** · 11-06-2010 05:48 AM

معتقدش ان فروق الأسعار في قطع الغيار حتكون مرعبة بين الكورسا و البونتو

بس انا شخصيا مع البونتو

و ممكن تشتري نفسك من كل التعقيدات دية بحاجة بسيطة جدا و هي أنك تأمني مع اوماترا تأمين شامل و دة بيكون 4% سنويا من سعر السيارة

اعتقد مع البونتو حيكون في حدود 300 جنية شهريا و دة شامل كل شئ يعني لو حصل اي شئ للعربية لا قدر الله هما بيتكفلوا بية من الأول للأخر

التيدا فعليا انا معرفش عنها حاجة ممكن تسألي في قسم نيسان

بالنسبة للكورسا انا شخصيا مش بحبذ الأوبل تماما لسببين، الأول توكيل بالغ السوء بشهادة الجميع
السبب الثاني ان السيارة صناعة المانية و بالسعر دة مؤكد انها ليست سيارة قوية لأن مستوي الدخول في المانيا يجعل تكلفة تجميعها في اي مكان تاني ارخص النص تقريبا، و بصراحة الأوبل لا توضع في المقارنة من حيث الجودة الألمانية مع المرسيدس و البي ام مثلا.

**damasry** · 11-06-2010 06:27 AM

المشاركة الأصلية كتبت بواسطة amrbakly

معتقدش ان فروق الأسعار في قطع الغيار حتكون مرعبة بين الكورسا و البونتو

بس انا شخصيا مع البونتو

و ممكن تشتري نفسك من كل التعقيدات دية بحاجة بسيطة جدا و هي أنك تأمني مع اوماترا تأمين شامل و دة بيكون 4% سنويا من سعر السيارة

اعتقد مع البونتو حيكون في حدود 300 جنية شهريا و دة شامل كل شئ يعني لو حصل اي شئ للعربية لا قدر الله هما بيتكفلوا بية من الأول للأخر

التيدا فعليا انا معرفش عنها حاجة ممكن تسألي في قسم نيسان

بالنسبة للكورسا انا شخصيا مش بحبذ الأوبل تماما لسببين، الأول توكيل بالغ السوء بشهادة الجميع
السبب الثاني ان السيارة صناعة المانية و بالسعر دة مؤكد انها ليست سيارة قوية لأن مستوي الدخول في المانيا يجعل تكلفة تجميعها في اي مكان تاني ارخص النص تقريبا، و بصراحة الأوبل لا توضع في المقارنة من حيث الجودة الألمانية مع المرسيدس و البي ام مثلا.

اختلف معاك يا عمرو فى نقطة جودة الاوبل، الاوبل عربية نضيفة جدااااااا

**amrbakly** · 11-06-2010 08:24 AM

المشاركة الأصلية كتبت بواسطة damasry

اختلف معاك يا عمرو فى نقطة جودة الاوبل، الاوبل عربية نضيفة جدااااااا

طيب يا دا مصر تعال نحسبها

عربية بتوصل من ألمانيا تمنها حوالي 100 الف جنية، و لو سألت اي حد من اصدقائك علي مستوي المعيشة و الأجور في ألمانيا حتلاقية صاااااااادم بجد لأن تقريبا ألمانيا من أغلي دول الإتحاد الأوربي علي الإطلاق فالبتأكيد مصاريف التشغيل عالية جدا، بمعني اصح لو العربية دية بتتكلم 10 الاف يورو في المانيا، ممكن تتصنع في البرازيل او المكسيك بـ 8 و ربما 7 الاف فقط لا غير

كمان خلينا نشوف بجد حالة الأوبل اللي في السوق، تقريبا العربية الأوبل بتتكهن، لو تفتكر ايام الفكترا و الكورسا في التسعينات تقريبا كانت اكتر من اللانوس، النهاردة بتشوف كام عربية اوبل في الشارع؟ دة تقريبا موديلات التسعينات دية بتختفي و كأن تم تكهينها !

و بعدين شوف حصتها في السوق الأوربي، حتلاقي الأوبل نسبتها لا تزيد عن 8 في المائة بأي حال من الأحوال، بإختصار عربية فاشلة في اوربا اللي هي اقليم السيارات الصغيرة ! يبقي حتعمل اية عندنا ؟؟؟!!!

**aymoz** · 11-06-2010 12:45 PM

التيدا أكبر من الكورسا و الجراند بكتير في الحجم و وسع الصالون لا يقارن بيهم

**Ghamrawy** · 11-06-2010 02:19 PM

انا عن نفسى مش بافضل الاوبل خالص بسبب وكيله الملعون و غباء اعطاله و تكلفتها لما بتحصل
و كمان الجراند سعرها بقى فى الارض دلوقتى علشان الايفو
و اذا كان الخوف من قطع الغيار فالفرق مش حايكون كبير علشان كله غالى اساسا

**mustafaibrahim** · 12-06-2010 05:51 AM

طيب حضرتك طالما عندك اولاد ماتجيب حاجة سيدان

**delpo** · 12-06-2010 12:47 PM

زميلي العزيز ابتعد عن الأوبل تماماً الشركة قربت تفلس بره مش هييجي منصور ويبيعلنا بواقي أوبل هنا في مصر بكل مشاكلها واعطالها وتعامله السيء.
لو عندك أولاد وتهتم بعوامل الأمان هات الفيات.
لو بتدور على الفخامة والأداء والراحة هات التيدا