برجاء المساعدة ............و بشده!

**ga3ongaya** · 11-06-2010 01:26 PM

سلام عليكم، الرجاء التكرم بلمساعده يا جماعة. أنا بدور على عربية بقالي تقريبا سنتين و طلع عيني خلاص و أخيرا قررت ما بين Tidaأو Corsa أو الجراند Punto. ناس كتير بتشكر فل جراند جدا كمان عشان سعرها بس في ناس حذرني إن قطع الغير بتاعتها نار عشان إيطالي و ناس تانية تقولي ماهو أنا مش هاحتاج قطع غير إن شاء الله للدرجة عشان أدفع ٢٥،٠٠٠٠ زيادة في تيدا أو كورسا . كمان أنا بحب حاجتي جدا و مش من الناس إلى بتغير عربية على طول و إن شاء الله عايزة تكفي للولاد و مش عارفة أسألمين . أنا عارفة إن فيه فرق بن البنتأ وال باقي بس ياريت حد يفيدني هل الفرق يستاهل ولا لا و هل ياترى قطع الغيار و استهلاك البنزين كويس ولا إيه النظام ؟ و معنديش أي مانع لو فيه حاجة تانية حابين تلفت نظري ليها الله يبارك فيكم . أسفة على الإطالة و شكرا مقدما

**hany79** · 11-06-2010 02:21 PM

اولا الف مبروك مقدما
انتي حاطه الموضوع على النيسان فلازم نقولك التيدا و فعلا انا من وجهة نظري التيدا احسن واحدة.
بصي على التوكيل و الصيانة, اسمع ان توكيل فيات زي الزفت بناء على كلام واحد معايا في الشغل عربيته طلع فيها عيب صناعة تقريبا و فيها صوت غريب باستمرار كان رد فعل المهندس في التوكيل ابقى علي الكاسيت شوية مش حتحس باي صوت مع العلم العربية لسة عاملة 10000 كيلو بس!! على فكرة عربيته فيات باليو.
برضو في واحد على المنتدى العام كاتب موضوع زي الزفت عن منصور سواء بيع او صيانة.
بس انا شايف ان توكيل نيسان ماشاء الله لغاية دلوقتي كويسين خاصة انتي حتشتري عربية ياباني 100%
برضو ممكن تروحي و تقعدي في كل عربية و تحسي مين اللي انتي مايلاله و بعدين اعتقد سعر اعادة البيع للنيسان احسن كتير و ماتقوليش انا حجيبها و افضل قاعدة بيها كذا سنة, ده كان كلامي اول ما جيبت العربية بعد سنة بالضبط و ممكن اقل حتلاقي عربيات تانية نازلة و بتحلى في عينك و ممكن ربنا يكرمك و تلاقي نفسك عايزة حاجة اعلىز
هذا مجرد رأي و ربنا يوفقك للخير
على العموم استخيري ربنا و باذن الله يتسهلك الخير

**tarekmomo** · 11-06-2010 03:41 PM

وممكن نيسان صنى سوبر صالون
لانسر بومة
كيا نيو سيراتو هيبقى السعر اقل من الى انتى عايزاة وعربيات عملية وقطع غيارها متوفرة

**Ahmed.TV** · 11-06-2010 04:24 PM

الافضل فى اللى قولتيه ده كله هو التيدا , عربية فعلا محترمة جدا وتوكيل سمعته عالية ومحافظ على نفسه , ده غير ان مراكز الخدمة بتعته قليل ما حد اشتكى منها , وكل الناس بتحسدنا على مراكز خدمة نيسان , وحتركبيها مش حتغيرها ابدا , والهاتش باك منها بناتى وشيك واداء العربية قوى واستهلاك بنزين رائع جدا على ال1600 سى سى ومفيش فيها مشاكل والحمد لله

بصى اطلبى نقل الموضوع الى قسم المقارنة هناك , وخدى اراء الاخوة الاعضاء المحترمين, عشان محدش يقول اننا بننحاز الى التيدا
وربنا يوفقك الى الاختيار المناسب ليكى

**MTAK** · 11-06-2010 05:51 PM

من اللى ذكرتيهم
انحاز الى التيدا

**bmya** · 11-06-2010 10:01 PM

اولا سيبك من الكورسا دي نهااااااائي
الكورسا الجديده بجد ملهاش اي 60 لازمه في الحياه الصراحه عار على الاوبل (ده رأيي) بالاضافه لسعرها المبالغ فيه

يبقى فاضل ايه الجراند بونتو (بعشقهاااااااااا العربيه دي )
والنيسان التيدا

الجراند طبعا تحفه فنيييييه شكلا ومضمونا كمان واداء رائع بس الصراحه متنفعش مع بنت او سيده شكلا شبابي زياده عن اللزوم وعايزه شاب كده يطلع منها الاداء الصح الاضافه الى ان سوق الفيات للاسف في مصر تعبان (الناس تفكيرها وقف على ال 128)
قطع غيار الايطالي غاليه نوعا ما وتقريبا غير متوفره غير في الوكيل خصوصا ان الجراند مش من العربيات المنتشره في الفيات
العربيه مش واسعه من جوه اوي معقوله يعني بس مش عائليه

نيجي للتيدا
عربيه ياباني محترمه جدااا جدااا
ناعمه جداااا
واسعه جدااا جدااااا بجد بحر من جوه بسم الله ماشاء الله
وكيلها معقول في مصر وقطع غيارها اعتقد مووجده في مصر وكمان التيدا مننتشره نوعا ما عن الجراند بونتو

عربيه عائليه جداا وفي نفس الوقت ممكن تبقى شبابي
السيدان منها الصراحه شكلها في حاجه غلط (ده رأيي) بحس انهم لزقولها الشنطه دي عشان تبقى سيدان وخلاص عشان الناس في مصر مش بيحبوا الهاتش باك وبيحبوا السيدان عشان الشنطه بتدي العربيه هيبه كده :)
الهاتش باك منها جميله جداا وواسعه جدا وششنطتها كبيره وزي الفل

يبقى اعتقد كده ان انسب حاجه هي التيداا
وده لا يقلل من الجراند بس للاسف في مصر اركب الموجه وخليك في المضمون :)
وربنا يوفقك