اقتباس المشاركة الأصلية كتبت بواسطة mohamedrefaay مشاهدة المشاركة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,
اقتباس المشاركة الأصلية كتبت بواسطة elrasy مشاهدة المشاركة
فى كلام كتير مش ظاهر
يظهر ان كان فيه تشويش متعمد من جهة مجهولة هههههه
النت كان قاطع وكنت بكتب من الموبايل فالكلام طلع بالنتيجة دي وهعيد اجابة الأسئلة تاني.
اقتباس المشاركة الأصلية كتبت بواسطة elrasy مشاهدة المشاركة
خالص شكرى لاهتمامك يا أ/ محمد
يا ترى الفيلات تبدأ من مساحة كام ؟؟ هل فى فيلات بالعبور مساحتها 170 او 190 متر؟؟

وهل فعلا الحى التاسع احسن احياء العبور بالنسبة للشقق؟؟
الفيلات تبدأ من مساحة 500م ارض وطبعا المباني علي النصف المساحات الصغيرة تلاقيها في الأسكان العائلي وده نظام عمارات بس ممكن تعمل دورين عادي زي الفيلا.
والحي التاسع يعتبر افضل الأحياء في الشقق علشان هو الحي الوحيد اللى مبني بنظام عمارات وقريب من الطريق وباقي الأحياء متفرقش عنه كتير.
اقتباس المشاركة الأصلية كتبت بواسطة youssef_mustang مشاهدة المشاركة
طب ممكن تفاصيل وصور يعنى عن المنطقة دى لان انا نفسى اخد شقة من زمان فى مدينة العبور حى الشباب
ان شاء الله هنزل صور قريب وفيه جروب لمدينة العبور علي الفيس بوك اسمه obour city هتلاقي برضه عليه شوية صور للمدينة.
اقتباس المشاركة الأصلية كتبت بواسطة hamdy مشاهدة المشاركة
متابع بس مش باهتمام قوي :d:d
اعمل نفسك مش واخد بالك.
اقتباس المشاركة الأصلية كتبت بواسطة maka مشاهدة المشاركة
استاذ محمد محمد عاوزين نعرف معلومات اكتر يعنى سعر المتر بيبداء من كام الى كام و المرافق دخلت كل الاحياء و هل فيه اشتراطات للبناء و اى معلومات عندك تانية
سعر متر الأرض حتي وقت قريب كان في حدود 1300ج للمتر بس القرعة الجديدة نازلة بأسعار خيالية بتبدأ من 1400ج وحتي 1800ج للمتر ومن شروطها التعجيزية انك لازم تكون مخلص تمنها في 3شهور فقط بس برضه المعروض ثابت عند مستوي السعر القديم والمرافق طبعا داخلة كل الأحياء لأن مافيش تسليم اراضي بدون مرافق واشتراطات البناء كل قرعة بيبقي ليها الأشتراطات بتاعتها مافيش حاجة ثابتة.
اقتباس المشاركة الأصلية كتبت بواسطة elrasy مشاهدة المشاركة
بالنسبة للخنقة اللى عند موقف السلام هل ليها حل؟
انا سمعت ان فى تخريمة تخليك تبعد عن المنطقة دى, اللى بتبقى دايما زحمة.
فيه فعلا تخريمة لو انت جاي من طريق جوزيف تيتو متطلعش كوبري الحرفيين خللي سور المطار علي يمينك وكمل معاه يمين هتلاقي نفسك في طريق رايح جاي والطريق ده موازي لطريق موقف العاشر هتفضل ماشي فيه علي طول هتلاقي نفسك طلعت علي الدائري اتجاه القاهرة الجديدة والسويس هتفضل ماشي واول يو تيرن علي شمالك هتاخده هترجع وهتنزل اول نزلة بتاعت طريق مصر الأسماعيلية الصحراوي.