لية استهلاك البنزين عندى زاد فجأة

**drmomoking** · 12-06-2010 09:36 AM

السلام عليكم اخوانى واحبابى بقسم الدايو النهاردة كالمعتاد روحت افول العربية زى كل اسبوع وانا للعلم على طول بفول على اول فصلة للمسدس وبعد 185 كم داخل البلد كالمعتاد فوجئت انها اخدت 27 لتر فى حين انها بتاخد 21 لتر كل اسبوع فكدة بتعمل 7 كم فى اللتر جوة البلد وانا حوصف استخدامى للعربية بالضبط انا ساكن عند دير الملاك فى مصر والسودان حدائق القبة وشغلى عند مجلس الدولة يعنى حسبة 8 او 9 كم انا بنزل الساعة 6 صباحا يعنى الطريق فاضى خالص وبروح الساعة 4.30 كدة يعنى عز الزحمة وطبعا الاسبوع اللى فات كان حر جدا فكنت على طول بشغل التكييف وانا راجع بالاضافة لبعض المشاوير العائلية بالليل ومش فى الزحمة اوى دة تقريبا بيتكرر كل اسبوع بس مش عارف اية اللى زود الاستهلاك الاسبوع دة مع العلم انى مغير فلتر هوا وبنزين من 3 اسابيع والزيت موبيل xhp وعامل 1500 كم و بستعمل بنزين 92 من موبيل او وطنية وفى حاجة تانية مش عارف ليها علاقة و لا اية المية بتنقص قيمة فنجان او نص كوباية كل اسبوع او 10 ايام وبالذات من ساعة الحر الجامد دة ما بدا فا مش عارف دة ممكن يكون لية علاقة برضو وشكرا واسف على الاطالة بس حبيت اوضح الصورة كاملة العربية اسبيرو 94 auto

**drmomoking** · 12-06-2010 09:55 AM

نسيت اقول بس انى نضفت دورة الانجكشن بالاسبراى وانا بغير الفلاتر وعمر التانك ما فضى اكتر من نصة

**محمد الشامي** · 12-06-2010 10:29 AM

هي عربيه حضرتك حقن الكتروني ؟؟

**drmomoking** · 12-06-2010 10:33 AM

بالضبط كدة يا استاذ محمد

**محمد الشامي** · 12-06-2010 10:38 AM

طيب حضرتك مش يمكن استهلاك البنزين ده نتيجه انك كنت مشغل التكييف الفتره اللي فاتت شويه مع زحمه الشوارع و و و و

واحتمال كمان ان الرشاشات تكون بدات تسييل بعد التنضيف اللي حضرتك عملته للإنجكشن

معلش انا بحاول اجتهد معاك لان من كلام حضرتك مفيش اي احتمال غير الاحتمالين دول

**faron525** · 12-06-2010 11:44 AM

المشاركة الأصلية كتبت بواسطة محمد الشامي

طيب حضرتك مش يمكن استهلاك البنزين ده نتيجه انك كنت مشغل التكييف الفتره اللي فاتت شويه مع زحمه الشوارع و و و و

واحتمال كمان ان الرشاشات تكون بدات تسييل بعد التنضيف اللي حضرتك عملته للإنجكشن

معلش انا بحاول اجتهد معاك لان من كلام حضرتك مفيش اي احتمال غير الاحتمالين دول

معني كده ان تنظيف الرشاشات ممكن يبوظ الرشاشات ارجوا التوضيح لو سمحت للاهمية بعد اذن صاحب الموضوع

**محمد الشامي** · 12-06-2010 11:54 AM

التنضيف ميبوظش رشاشات ولا حاجه

بس لو في رواسب او تراكمات شديده على الرشاشات فده بيعمل نوع من القفل النسبي للرشاش , بيخنقه او بيكتمه يعني
لكن لما الرشاشات بتنضف (بتسلك يعني) ممكن تدي نسب اعلى من اللي كانت بتديها قبل التنضيف وبالتالى بتحس ان في فرق في استهلاك البنزين

انا سمعت الكلام ده والله اعلم , وممكن نتابع سوا لغايه لما حد يفيدنا بشكل قاطع في المعلومه دي

**samirayad** · 12-06-2010 01:33 PM

لية استهلاك البنزين عندى زاد فجأة

التنضيف ميبوظش رشاشات ولا حاجه

بس لو في رواسب او تراكمات شديده على الرشاشات فده بيعمل نوع من القفل النسبي للرشاش , بيخنقه او بيكتمه يعني
لكن لما الرشاشات بتنضف (بتسلك يعني) ممكن تدي نسب اعلى من اللي كانت بتديها قبل التنضيف وبالتالى بتحس ان في فرق في استهلاك البنزين

+1

**drmomoking** · 12-06-2010 01:42 PM

بس انا لما نضفتها وغيرت الفلاتر دة كان لزوم دخلة الصيف وكدة بس السحب هوة هوة وكمان الكلام دة من 3 اسابيع يعنى فولت 3 مرات وكان الاستهلاك فى الطبيعى بتاعة و للعلم انا مش بجرى تقريبا بالعربية لانى معظ الوقت معايا مراتى و بنتى فبطلت اجرى فدة مش من الاسباب برضة انا كدة حاحطها على اسكنر اشوف زمن فتح و قفل الرشاشات بس كنت عاوز اعرف منكم هل فى سبب معين للتغيير الفجائى دة بالاضافة لموضوع النقص الخفيف للمية

**samirayad** · 12-06-2010 03:14 PM

وفى حاجة تانية مش عارف ليها علاقة و لا اية المية بتنقص قيمة فنجان او نص كوباية كل اسبوع او 10 ايام وبالذات من ساعة الحر الجامد دة

طبعا مش طبيعى أن الميه تنقص بأى حال من الأحوال

فهل كشفت حوالين المكنه وراجعت على رباط الخراطيم

وهل كشفت على البوجيهات بالمره علشان تشوفها عامله أيه فى الحريق

أو لاحظت تعريق ميه حوالين غطاء القربه

وبالمره أيه أخبار حرارة المكنه