مطلوب نصيحة بخصوص ال كومودو

**Essam1995** · 12-06-2010 11:40 AM

بفكر اشترى كومودو بس في اللى يقولى زفت و فى اللى يقول هايلا لو حد عندو خبرو سابقة معها . ينصحنى . شكرا

**nimo.mimo** · 12-06-2010 02:04 PM

بصراحة ماسمعتش عنها خير بس الظروف المحيطة بتواجدها فى مصر مش مريحة لأن قالوا إن فيه مستثمرين عرب فى التوكيل دوة و بعد كدة قالوا انسحبوا و تأخر إنتاجها سنة و حماية المستهلك وجهلهم إنذارات كتيرة يعنى جو التوكيل مش مريح و دوة من قرائتى للأخبار و السمع أما العربية نفسها مافتيش لأنى معرفش حد معاه منها

**a7madramadan** · 16-06-2010 04:50 AM

بص كلمتين ابرك من مية بـــــــــــــــــلاش صـــــــــيــــــي مافيش اعتمادية ولا قوة ولا حتى سعر اعادة بيع كسر الزيرو 30% من سعرها زيرو ....و كان في مشاكل كتييير فيها و رخصوها فجأة و كلام يقلب البطن لو فكرت جديا انك تشتريها

**mummy_47** · 22-07-2010 10:45 AM

طيب الهوفر تجميع البافارية...انا بسال السؤال ده في كل مكان عشان نفسي حد يطمني لاني نفسي اشتري العربية ديه وخايف ..لانها شبة الجراند شيروكي وجميلة جدا..لكن هي صيني بمكونات محلية 40 %
محتاج النصيجة....لكن هل عز العرب والبافارية سيئين للدرجة ده..يعني لو اشتريتها هشربها ولا ايه؟

**Adham** · 24-07-2010 02:45 PM

الكومودو فيها عيب صناعه مش عارفين سببة و لا عارفين يصلحوة

بتكسر اكسات
عادي عالاسفلت و مامشيتش 2000 كيلو و الاكس بيتكسر فجأة و بدون مقدمات

بدل ماتشتري عربية صيني علشان شبة الجراند شيروكي (طبعا لا وجه مقارنة من حيث قوة البودي و الموتور و العفشة) اشتري الجراند بس خللي بالك دي 5700 بنزين 8 سلندر يعني 60 كيلو في الصفيحه

**saddam** · 02-07-2011 03:25 AM

الكومودو لو كانت دفع رباعي مش العادية وإنتاج 2010 مش 2008 وإعتنيت بيها كويس فهي عن تجربة بسعرها أحسن دفع رباعي بسعرها بس في البيع صعبة وتانك البنزين صغير ميليقش بعربية 2400 سي سي والعربية موتور ميتسوبيشي وبصراحة موتور محترم ودي نصيحتي أنقلها بأمانة ومحدش يبص لعيوب بسيطة وينسى سعرها اللي شبه البلاش مقارنة بالباجيرو مثلا 650 ألف والنيسان 720 ألف واللاندكروز مليون وربع ومع إعتزازي