عيب يا رينو

**neversighs** · 12-06-2010 07:46 PM

المشاركة الأصلية كتبت بواسطة bukla

يا جماعة ان سألت السؤال دة و انا باحجز و اتقال لى ان السعر اللى انا حجزت بية هو اللى اللى حدفعة حتى لو العربية غليت لانك لما بتحجز مع التوكيل بيديك purchase order فية تمن العربية اللى انت حاجزها و مواصفاتها و لونها و المقدم اللى انت دفعتة و تاريخ الاستلام و دة بيبقى مستند من الشركة ليك بيثبت حقك انك تاخد العربية بنفس السعر بدون تغيير بس الكلام دة لو حاجز مع التوكيل معرفش بقى المعارض و الموزعين بيعملو اية

تمام نفس الكلام اللي اتقاللي .. بس كل شئ وارد

**sam_zen_elden** · 12-06-2010 08:02 PM

المشاركة الأصلية كتبت بواسطة neversighs

انا حاجز زيك يا اخي .. كان فيه نقاش سابق دار بيني وبين مندوب البيع حول سعر السياره .. قاللي بالحرف الواحد انو في حاله زياده سعر السياره بعد الحجز انك هتستلمها بالسعر القديم اللي هو متفق عليه .. اما في حاله نزول سعر السياره المفاجأه انك هتستلم بالسعر الجديد - الارخص - والله اعلم بقى من مدى مصداقيه الكلام ده لان الواحد بقت ثقتو معدومه فاي شئ فالبلد دي

هو رد كده لأنه متاكد انها مش حترخص لغاية لما تستلم

**Hany Saad** · 13-06-2010 12:23 AM

على فكرة يا جماعة....التوكيل بيستورد من تركيا و/ أو فرنسا باليورو... و اليورو عمال ينزل....و الموضوع ملوش دعوة إطلاقا بالدولار.....

الفكرة كلها إن السنتين اللى فاتم الشركة الأم و التوكيلات كانت بتبيع بمكسب بسيط إلى حد ما لغاية لما الأزمة تعدى.....

دلوقتى جه الوقت إنهم يعوضوا خسائر الكام سنة اللى فاتوا....و لن يتم على الإطلاق خفض سعر العربيات بالرغم من إنخفاض الجمارك 4 % و إنخفاض اليورو حوالى 17%.

العربية اللى ماشية زى الفلوانس هيزودوا فيها شوية سواء الزيادة مكسب للشركة الأم و عليه التوكيل رفع السعر أو مكسب صافى للتوكيل ...فى كل الحالات العربية المطلوية هتزيد حاجة بسيطة يعنى لو فكرنا هل الفلوانس حجزها ممكن يتأثر أو حضرتك تدور على ماركة أخرى علشان 3000 جنيه زيادة....لا أعتقد.....

أما العربية اللى لسه بينزلها و عايز يعملها سوق زى الإسكالا و الداستر مش هيزودهم لغاية لما يتحسن مبيعاتهم (لو إتحسنت) و بعدين يعاملوا بالمثل......

طبعا جزء من كلامى مبنى على مقالة فى جريدة اليوم السابع و الجزء الأخر من خبرة شخصية فى توكيل أوروبى.....

**أحمد كمال** · 13-06-2010 01:29 PM

جمارك الفلونس ما نزلتش 4% لانها تركي مش اوروبي

**neversighs** · 13-06-2010 04:52 PM

المشاركة الأصلية كتبت بواسطة adfarouk

+111111111111

التخفيض ‬علي العربيات الواردة من دول الاتحاد الاوروبي فقط

اتصلت بالاخ مندوب البيع في رينو علشان اسالو هل الحاجزين هتطولهم الزياده فالاسعار .. قاللي مفيش اوامر لغايه الان بكده بس اللهجه كده مش اكيده .. مش زي اول ما سألتو لما كنت بحجز كان بيجاوب بشكل قاطع اني هدفع بالسعر اللي حاجز بيه .. اللهم اعلم

**tamagogo** · 13-06-2010 05:17 PM

المشاركة الأصلية كتبت بواسطة meggieboy

على فكرة يا جماعة....التوكيل بيستورد من تركيا و/ أو فرنسا باليورو... و اليورو عمال ينزل....و الموضوع ملوش دعوة إطلاقا بالدولار.....

الفكرة كلها إن السنتين اللى فاتم الشركة الأم و التوكيلات كانت بتبيع بمكسب بسيط إلى حد ما لغاية لما الأزمة تعدى.....

دلوقتى جه الوقت إنهم يعوضوا خسائر الكام سنة اللى فاتوا....و لن يتم على الإطلاق خفض سعر العربيات بالرغم من إنخفاض الجمارك 4 % و إنخفاض اليورو حوالى 17%.

العربية اللى ماشية زى الفلوانس هيزودوا فيها شوية سواء الزيادة مكسب للشركة الأم و عليه التوكيل رفع السعر أو مكسب صافى للتوكيل ...فى كل الحالات العربية المطلوية هتزيد حاجة بسيطة يعنى لو فكرنا هل الفلوانس حجزها ممكن يتأثر أو حضرتك تدور على ماركة أخرى علشان 3000 جنيه زيادة....لا أعتقد.....

أما العربية اللى لسه بينزلها و عايز يعملها سوق زى الإسكالا و الداستر مش هيزودهم لغاية لما يتحسن مبيعاتهم (لو إتحسنت) و بعدين يعاملوا بالمثل......

طبعا جزء من كلامى مبنى على مقالة فى جريدة اليوم السابع و الجزء الأخر من خبرة شخصية فى توكيل أوروبى.....

موافق 100%
والدليل ان السكالا والداستر واللوجان مازادوش. زائد ان كل العربيات التانيه كوري وياباني واوروبي مافيش حاجه منهم زادت.
يعني هي الفلونس الوحيده اللى بيستوردوها بالدولار والباقي بالجنيه؟