عيب يا رينو

**tamagogo** · 12-06-2010 05:51 PM

وانا بسال النهارده عن حجز الفلوونس في التوكيل اللي في سور نادي الزمالك اكتشفت ان كل الفئات زادت 3000 جنيه والسبب ان الدولار زاد. بصراحه انا مش مقتنع واعتقد السبب الحقيقي ان العربيه عليها اقبال.

**adfarouk** · 12-06-2010 06:09 PM

هوا فعلاً الدولار زاد حوالي 3% من ساعة لما حجزت لأني كنت غيرت دولارات علشان فلوس الحجز (الكلام ده كان في نص أبريل)

بس السؤال لما الدولار ينزل تاني هيرخصوا العربية تاني ...... صراحة أشك

**tamagogo** · 12-06-2010 06:13 PM

طيب هي مش التجاره مع تركيا باليورو اللي عمال يرخص؟ ولا ايه.

**د.محمود صلاح** · 12-06-2010 06:16 PM

مافيش حاجة بترخص في مصر

**neversighs** · 12-06-2010 06:52 PM

المشاركة الأصلية كتبت بواسطة adfarouk

تركيا برة الأتحاد الأوروبي

بس طالما ربطها بالدولار .... المفروض العربية سعرها يطلع و ينزل مع الدولار بس أكيد مش هينزل تاني

أنا مش عارف لما اجي استلم ان شاء الله هيحاسبوني على أى سعر ربنا يستر

انا حاجز زيك يا اخي .. كان فيه نقاش سابق دار بيني وبين مندوب البيع حول سعر السياره .. قاللي بالحرف الواحد انو في حاله زياده سعر السياره بعد الحجز انك هتستلمها بالسعر القديم اللي هو متفق عليه .. اما في حاله نزول سعر السياره المفاجأه انك هتستلم بالسعر الجديد - الارخص - والله اعلم بقى من مدى مصداقيه الكلام ده لان الواحد بقت ثقتو معدومه فاي شئ فالبلد دي

**adfarouk** · 12-06-2010 07:04 PM

المشاركة الأصلية كتبت بواسطة neversighs

انا حاجز زيك يا اخي .. كان فيه نقاش سابق دار بيني وبين مندوب البيع حول سعر السياره .. قاللي بالحرف الواحد انو في حاله زياده سعر السياره بعد الحجز انك هتستلمها بالسعر القديم اللي هو متفق عليه .. اما في حاله نزول سعر السياره المفاجأه انك هتستلم بالسعر الجديد - الارخص - والله اعلم بقى من مدى مصداقيه الكلام ده لان اواحد بقت ثقتو معدومه فاي شئ فالبلد دي

أعتقد طالما حضرتك سألتهم و ردوا كده يبقى ان شاء الله خير و أنا بردوا هكلمهم ان شاء الله و أكّد على الموضوع ده

صراحة أنا ماجاش في بالي السؤال ده خالص و أنا بحجز

و ان شاء الله نستلم كلنا على خير

**neversighs** · 12-06-2010 07:08 PM

المشاركة الأصلية كتبت بواسطة adfarouk

أعتقد طالما حضرتك سألتهم و ردوا كده يبقى ان شاء الله خير و أنا بردوا هكلمهم ان شاء الله و أكّد على الموضوع ده

صراحة أنا ماجاش في بالي السؤال ده خالص و أنا بحجز

و ان شاء الله نستلم كلنا على خير

احنا ممكن نكلم الكول سنتر بتاعهم نسأل ... هو كام الرقم؟

**adfarouk** · 12-06-2010 07:14 PM

المشاركة الأصلية كتبت بواسطة neversighs

احنا ممكن نكلم الكول سنتر بتاعهم نسأل ... هو كام الرقم؟

16202

بس أنا هدور على الكارت بتاع الرجل اللي حجزت معاه و أكلمة علشان الواحد يبقى واثق أكتر ... صراحة بتوع الكول سنتر أنا مش بثق فيهم أوي

**bukla** · 12-06-2010 07:28 PM

يا جماعة ان سألت السؤال دة و انا باحجز و اتقال لى ان السعر اللى انا حجزت بية هو اللى اللى حدفعة حتى لو العربية غليت لانك لما بتحجز مع التوكيل بيديك purchase order فية تمن العربية اللى انت حاجزها و مواصفاتها و لونها و المقدم اللى انت دفعتة و تاريخ الاستلام و دة بيبقى مستند من الشركة ليك بيثبت حقك انك تاخد العربية بنفس السعر بدون تغيير بس الكلام دة لو حاجز مع التوكيل معرفش بقى المعارض و الموزعين بيعملو اية