نشتريه منين يا دكتور احمد
و لو حضرتك تعرف الفرق بينه و بين الانواع
الاغلى يا ريت توضح الفرق من فضلك
و فى جزئيه انا ما فهمتهاش
حضرتك بتقول بتغير فلاتر المياه كل 3 شهور
المقصود الشمعه و لا الفلتر كله على بعضها
وشكرا لحضرتك
عرض للطباعة
فيه نوعين من الفلاتر في العالم كله (بتكلم على اي فلتر ان شاء الله يكون فلتر بنزين وزيت)
1. Membranous filter
وده بيكون زي فلتر التكييف كده عبارة عن شبكة والشبكة دي اللي بيتحكم في قوتها هو قطر الاخرام الموجودة فيها من اخرام مرئية لاخرام اقل من حجم البكتيريا
تنظيفها سهل لان البكتيريا بتتحاش على سطح الفلتر
2. Depth filter
وده بيكون فلتر له تخن والبكتيريا تدخل تتحاش جوا المواد المعمول منها الفلتر وبحيث تبقى البكتيريا (محبوسة في مادة الفلتر نفسه) صعب تنظيفه بس بيمنع البكتيريا كويس
انواعه :
- الكربون
- السيراميك
- الرمل
- الزجاج المتكسر
- الزلط
بمعنى اصح فتافيت اي حاجه تلزق عليها البكتيريا
موجود في اي محل توحيد والنور
اي محل للعجيل
السعر حوالي 280 جنيه بالفلتر اول مرة
الفلتر مكتوب انه ممكن يقعد 6 شهور لو الميا نظيفة و4 شهور لو الميا مش حلوة (اللي هو نظام لو الميا متنيلة حلوة كنا حطينا فلتر ليه :C_laugh[1]:)
فيه نوع ثاني نزل من باناسونيك فيه indicator يبين لك مدى تلوث الفلتر
سعر الخرطوشة اوالفلتر الداخلي 70 جنيه والنوعين بيركب عليهم نفس الفلتر
لو حضرتك يا استاذ سمير بتقصد الشمعة اللي هي بتكون معمولة من خيوط وملفوفة على بعضها : دي نوع من ال depth filter بس معمولة من خيوط على بعض ونفس الطريقة المفروض ان المصنع وهو بيلفها عارف المسافة بين الخيط والخيط يكون كام ويكون مكتوب على الشمعة بتاعة الفلتر
يعني مثلا لازم نتفق على حاجه
* مفيش حاجه اسمها نحوش فيروس عن طريق الفلتر لان قطر الفيروس 250 nm يعني ربع ميكرو ميتر
* قطر البكتيريا بيكون حوالي 2um ميكرو متر يعني حوالي 10 اضعاف الفيروس
ساعات بيكون فيه فلتر عليه عرض كذا شمعة هدية لقيت الحرامية حطين فلتر قطر الخروم بتاعته 20-50 ميكرون وده في عرف ال microbiology او الميكروبات باب زويلة يعدي قطيع من الفيلة بزلومتهم
يعني معمولين عشان يحوشوا الرمل والزلط بس
انما كل قطر الاخرام ما تضيق كل ما ثمن الفلتر يغلى :36_9_4:
انا شايف ان الفلتر احسن حل ولو كان غالى لانه حل نهائى والميه المعدنيه حرام نشترى الميه كمان فى الاسعار الهبل بتاع البلد دى
زمان كان ممكن
دلوقت مشربش لا أنا ولا عيالى من الحنفية إلا لعطل فنى فى الفلتر وبكمية بسيطة
كنا زمان لما نروح الريف نشرب من الترعة
دلوقت الفلحين بيمنعوا عيالهم تشرب من الترعة بسبب تلوثها
والطرمبة قربت تحصلها
التلوث بشع ومافيش أى إهتمام من وزارة البيئة أو الحكومة إن دا يعتبر قتل فعلى وبطئ للمصريين
إحنا أسوأ أعدائنا
لا ده كان زمان..الميه دلوقتي عقلت وبطلت الحركات دي
أنا باستخدم الفلتر البريطاني من زمان جدا وكان الوالد جايبه معاه من بره..هو فعلا ممتاز والشمعة بتاعته بتشيل بلاوي
مهم جدا أيضا تنظيف الخزانات لتخفيف العبء على الفلتر
وبالمناسبة فأذكر من عدة سنوات قريبة أعادت سوريا شحنة مياه نستله لعدم مطابقتها للمواصفات وكان الموضوع وقتها حديث المدينة..نستله اللي بيقولوا عليها أحسن وأغلى مياه شائعة في مصر...وسوريا اللي بيقولوا عليها عالم ثالث...وعلى فكرة نستله مصر واخده مصانع بركه بتاعة زمان
حاجة أخيرة...كنت متوقع حد يدخل يقول باشرب (إيفيان) على أساس إننا منتدى سيارات مش منتدى أيتام على رأي أبو رقية لكن خيبتم ظني