بتشرب مياه من الحنفيه ؟؟!!

**mostafabakry** · 12-06-2010 10:19 PM

الميزة الوحيدة عندنا في الصعيد هي الميه و الهوا الحمدلله نادرا لما بنحتاج نركب فلاتر
انا عندي ميه الحنفية اطعم و الذ من الميه المعدنية

و عموما مافيش حاجة مضمونة في مصر يعني حد متاكد ان المية المعدنية دي فعلا كويسة و لا مكن تكون متعبية من الحنفيات مع بعض المعالجات البسيطة عشان يغروا طعمها و لو لا حظتوا علي زجاجات المياه مكتوب مياه شرب طبيعية مش معدنية

البلد دي ما فيش فيها ثقة في اي حاجة

**John_Samy_1** · 19-06-2010 01:25 AM

المشاركة الأصلية كتبت بواسطة mostafabakry

انا عندي ميه الحنفية اطعم و الذ من الميه المعدنية

ماهو المية المفروض مايكونش ليها طعم

**بحري** · 19-06-2010 01:40 AM

المشاركة الأصلية كتبت بواسطة john_samy_1

ماهو المية المفروض مايكونش ليها طعم :c_laugh[1]::c_laugh[1]::c_laugh[1]:

لا ده كان زمان..الميه دلوقتي عقلت وبطلت الحركات دي

أنا باستخدم الفلتر البريطاني من زمان جدا وكان الوالد جايبه معاه من بره..هو فعلا ممتاز والشمعة بتاعته بتشيل بلاوي
مهم جدا أيضا تنظيف الخزانات لتخفيف العبء على الفلتر

وبالمناسبة فأذكر من عدة سنوات قريبة أعادت سوريا شحنة مياه نستله لعدم مطابقتها للمواصفات وكان الموضوع وقتها حديث المدينة..نستله اللي بيقولوا عليها أحسن وأغلى مياه شائعة في مصر...وسوريا اللي بيقولوا عليها عالم ثالث...وعلى فكرة نستله مصر واخده مصانع بركه بتاعة زمان

حاجة أخيرة...كنت متوقع حد يدخل يقول باشرب (إيفيان) على أساس إننا منتدى سيارات مش منتدى أيتام على رأي أبو رقية لكن خيبتم ظني