نيسان صنى 2008 ولا ياريس ولا اوبترا

**tutankhamoun** · 12-03-2008 09:24 AM

نيسان صني ..................... و ممكن هوندا سيتي

نيسان صني أحسن مليون مرة من الياريس و الأوبترا

و هوندا سيتي ......... موفرة في البنزين

يبقى عندك في فئة 1600 نيسان صني
و في فئة 1300 هوندا سيتي

--------------------------------------------------------------------------
و أنا رأيي إن الياريس غالية على الفاضي و مفيهاش كماليات كمان و شكلها مش حلو و الحاجة الوحيدة اللي حلوة فيها هي المحرك .........
و الأوبتر ا .......... شكلها مش شاعري
--------------------
يبقى الصني تكسب
و أنا رشحت هوندا سيتي علشان هي 1300 و نستبدلها مكان الياريس

**Khalid_Mostafa** · 12-03-2008 09:51 AM

النيسان استهلكها في البنزين اعلي من الياريس بس ده عشان 1600 بس خلي بالك...انا شافيف ان فيه ياريس 1500 نزلت
فيما عدا ذلك فأن النيسان عربيه حقيقيه و لا انسي النيسان موديل 96 كانت ركوبتها احسن من عربيات كتيره موديل 2002 والله وكانت كربراتير كمان ..فما بالك بقي بنيسان 2008
وبعدين شكلها حلو وتابلوها انا شايف ان شيك ووقور و الأهم من كده انه عملي و سهل الإستخدام (مبقبلش الأوبترا في حكاية التابلوه)

تعال بقي للياريس...انا معنديش إعتراض علي شكلها بعكس ناس كتير بتقول ان شكلها مبعجر ..بس العربيه دي مع اخويا وسوقتها كتير ..المشكله في ان شكلها الخارجي مأثر جداً علي اللي سايق ...يعني مجال الرؤيا فيها سيء جداً ..مثلاً القائم الأمامي بيجيلك قدام عينك لما تيجي تقطع تقاطع وفي نفس الوقت الزجاج الخلفي صغير و درجة ميله جامده جداً مما يعوق الرؤيا لما تيجي تبص في مراية الصالون كمان العربيه عاليه من ورا يعني تقريباً انتا مبتشفش غير بمرايات الجنب . ده من ناحية ..تعالا في الأبعاد و انتا سايق شبه مستحيل التعود عليها او التكهن بيها غير كده فهي خففيفه جداً لدرجة ان الهواء بتاع البحر لما بيبقي جامد شويه بحس بيه في جنب العربيه بيزق العربيه
فيما عدا ذلك فهي ناعمه و موتورها رائع و شيك جداً

اما الأوبترا فلا احبها عن نفسي ....يعني الخلاصه النيسان تكسب

**sibrahim** · 12-03-2008 10:43 AM

انا بقى محتار برده بس بين الصنى و اللألنترا لأن الصنى فى رايى احسن واحدة فى الثلاثة اللى حضرتك سالت عنهم

**sibrahim** · 12-03-2008 10:45 AM

انا كنت طلبت المساعدة فى الموضوع ده امبارح بس للأسف محش رد عليا خالص وفعلا مش عارف صنى وللا النترا

**Khalid_Mostafa** · 12-03-2008 10:52 AM

المشاركة الأصلية كتبت بواسطة sibrahim

انا كنت طلبت المساعدة فى الموضوع ده امبارح بس للأسف محش رد عليا خالص وفعلا مش عارف صنى وللا النترا

لو بنفس السعر انا شايف ان الصني احسن

**sibrahim** · 12-03-2008 11:05 AM

يعنى الخلاصة ان الصنى احسن حاجة فى Range المائة الف

**elbasha_ayman** · 12-03-2008 02:34 PM

اولا احب اشكر كل لى ردوا عليا توت والاستاذ خالد والباشا سيد واشكرهم جدا نرجع لموضعنا ومعلش استحملونى اخوكوا فى الاسلام مش قادر يخد قرار بقله اربعة ايام اههههه والله نفسى فى النيسان وبحب سواقة المنويل جدا خصوصا انى بره القاهرة واسكندريه وبعيد عن الزحام لغاية كده مفيش مشكله صح؟ لا مش صح المشكله الكبيرة عندى انا نازل من فيكترا الفين ccطيب ماشى بسيطة الصنى على ما انتو قلتوا متور جبار لغاية كده عسل اوى التقفيل المصر والعيوب والذى منه مش فارقه معايا انا شفتها وعجبتنى جدا برضه لغاية كده عسلين مش عسل واحد نرجع للمشكلة الكبيرة انا معايا يدوب 90 وممكن 94 بالعافية لى مجننى اركب الصنى ام 87 والباقى اجيب بيه طقم جنوط واكون مرتاح ولا اذنق نفسى واستنى شوية واجيب لانسر حتى لو استعمال على اد فلوسى ولا اعمل ايه ؟؟ طبعا انتوا بتسئلوا فين المشكلة ؟؟؟ انا هاقول لى رعبنى كل لى هنا واولهم الباشمهندس المحترم جدا سبعاوى لى انا متابع جيدا له وكل حضرتكوا شبه اجماع ان العفشة ناشفة جد فيها ودى ممكن تسببلى انهيار عصبى افيدونا افادكم الله عقلى باظ

**sibrahim** · 12-03-2008 04:14 PM

الصنى المانيوال مش هاتعجبك خالص و لو بتكلم فى المانيوال يبقى خليك فى الياريس لأنك مش محتلج اكبر من كدة الا اذا كنت بتسافر كتير

**أبو عبدالرحمن** · 12-03-2008 09:35 PM

قلبي معاك يا أيمن باشا ،،،،نفس المشكلة معايا بالظبط،،،نازل من فكترا 2000 وبدور على نفس العربيات اللي انت بتدور عليها بس أنا معنديش مانع أجيب حاجة مستعملة زي الكورولا وليكن 2005 والحقيقة مش قادر أوصل لحل؟؟؟؟؟؟؟؟؟؟؟!!!!!!!!!

**elbasha_ayman** · 12-03-2008 10:28 PM

يا ابو عبد الرحمن اولا الف مليون تحية منى لك .. اذا وصلت لحل قبلى عرفنى هاتعمل ايه بجد دلوقت بس بندم ميت مرة انى بعت غول الطريق وعمال الف ودور فى حلقة مفرغة بجد تعبت اخر اقتراح وصلنى انى اركب نوبيرا زيرو وتكون مانويل ليا اصدقاء كتير نصحونى بيها وبيقولوا موتور وثبات زى الفل واذا كانت ليهم بعض الملاحظات عن اداء العفشه بس انا شايف ان دى مش مشكلة خالص لان قطع غيار الدايو بالمقارنة بينها وبين الباقى تبقى ملاليم هما بيقولو المقصات والبيض انا برضه متردد جدا وشكلى هيبقا وحش اوى بس اعمل ايييييييييييييييييييييييي ييييييييييييه تعببببببببببببببببببببببب ببببببببببببببببببببببببب ببببببببببببببت بس ارجع وااقول انا لى استاهل كل لى يجرالى

الموضوع: نيسان صنى 2008 ولا ياريس ولا اوبترا

LinkBack

أدوات الموضوع

عرض

-

-

-

-

المواضيع المتشابهه

صنى ولا ياريس ولا اوبترا

مطلوب اوبترا او افيو او ياريس اتوماتيك

نيسان صنى 2008/اوبترا 2009

اوبترا و لا ياريس

كليو 2008 ولا هوندا سيتي 2008 ولا تويوتا ياريس 2008 ؟

الكلمات الدلالية لهذا الموضوع

المفضلات

المفضلات

ضوابط المشاركة