الموضوع: نيسان صنى 2008 ولا ياريس ولا اوبترا

أنا رأيي يا باشمهندس حريري إتكل على الله ودوس ف الصني وياريت بئة كمان لو سوبر صالون والله تبقى معلم أما بالنسبة للياريس فكك منها خلص حرام تدفع يعني ٨٥ ألف ويمكن بئة أكتر ف عربية ١٣٠٠ ومفهاش حتى إزاز كهربا أما الاوبترا سيارة جميلة بس ف رأيي إن levelha مش زي الصني وأغلب شغلها إيجار عندنا ف اسكندرية إتكل على الله فهي أقوى موتور وأكترهم ثبات وأقواهم ك صاج أما بالنسبة للتائفيل المصري فهو كويس جدا بالنسبة لو قارنته بال صني الياباني ف هي برد كنت كدة وبالنسبة للبيع إنزل الشارع وألي كدة حتشوف كم صني من المصري مش الياباني وبيتهيألي سيادتك أكيد شايف

انا فى نفس حيرتك واكتر لانى بدور فى نفس الحدود

وبردو ميال للصنى والأغلبيه بتشكر فيها لكن مش فيها كل متطلباتى

من حيث الارتفاع عن الارض وحجم الصلون بيقولو انه ضيق

وسوق اعادة بيعها ليس بمستوى اللانسر او الكرولا

الياريس ميزتها انها من تويوتا واستهلاكها للبنزين ممتاز لكن شكلها الخارجى غير مريح

ده غير عدادتها فى منتصف التابلوه بردو غير مريح والكل بيقول ان اغلبها بلاستيك

الاوبترا لا افضلها نظرا لان موتورها هو نفس موتور النوبيرا

وسمعت ان تظهرله مشاكل بعد المائة الف كيلو ده غير ان عفشتها هى النوبيرا ودى بردو مشاكلها كتير

طبعا كلامى السابق بناء على معلومات جمعتها من مشاركات الاخوه الكرام هنا

ياريت تدخل فى المقارنه الهوندا سيتى وتقولى رايك فيها

هى فيها ميزات كتيره حلوه ماعدا سعر قطع غيارها عاليه

واتمنى نتبادل الآراء حتى نساعد بعضنا فى الوصول لقرار سليم

بص تعالي نفكر بصوت عالي...
لو عاوز عربيه واسعه ف اليريس اوسع من الصاني و انا متاكد من دي كويس اوي لاني راكب الاتنين و الصني كانت معايا في الامارات و الياريس معايا في مصر حاليا .
استهلك بنزين الصني عالي جدا مقارنه بالصني .
قطع غيار النيسان اغلي من التويوتا بصفه عامه .
شكل الصني قديم و الموديل دا انتهي من 2006 في اليابان و لسه بيتجمع في مصر.
طبعا ناهيك عن التقفيل المصري و جوده خاماته.
ثبات الصني اعلي من ثبات الياريس لكن ثبات الياريس مش مزعج.

توكل علي الله واشتري صني انا كنت متردد زيك كدة بس بعد التجربة العربية ممتازة والتقفيل المصري مش ممتاز بس جيد جداهو المشكلة الوحيدة بالنسبة لي ان التابلوه موديل قديم

يا جماعة انا فى نفس الحيره دى دلوقتى بس انا شايف حاجه! انا شايف ان الصنى اقل حاجه انها موتور يابانى و ثابتة على الارض و عائلية واللى بيجمعها فى مصر مصنع نيسان مصر يعنى مش وكيل ولا شركة عربيات!!! فأكيد محفظين على الجوده, انا مش مقطنع بالياريس علشان ممكن تكون كويسه بس لا تقارن بالصنى لان الصنى فى الاساس اكفأ من الكرولا و هذه حقيقة و اسئلوا حد متخصص عربيات و ليس تجار لان مش الرواج هو العامل الوحيد للجوده,, ولو دا العامل يبئا ال 128 و 127 اكفأ من الالفارميو و الفولفو؟؟ متتسرعوش فى الحكم علشان دى عربية العمر