الموضوع: كيف تختار نظامك الصوتي؟

المشاركة الأصلية كتبت بواسطة eng_mkhalaf

احمد بيك
أمبارح نزلت أشترى الحاجات بتاعت السيستك بتاعى لقيت الأتى
1- السماعات الكينوود 400 ب 320 جنية والبايونير 275 جنية
2- الكاسيت بايونير 3950 ب 650
3- الجى أم كينوود 350 وات ب 420 -- بس صينى - أية رايك - الراجل قالى كل الجى أم الكينوود صينى
4- سماعات كينوودة 120 وان مدورة من غيى الكفر ب 75 جنية وصينى ؟؟ - إية رايك

عايز إعرف رايك أية فى العدة دية وموضوع الجى أم الصينى دة - وكنت عايز إعرف نصائحك أية عند التركيب ورايك فى العدة دية - وإية أحسن فى السماعات البايونير ولا الكينوود
فى ناس أمبارح إقترحوا عليا الكاسيت الكينوود 333 أنت إية رإيك فية

البيونير ده تعبان ليه مشاكل في خروج السي دي ف خلليك في ال 4959 احسن كجودة او اوبشنز

السماعات الكنوود دي حلوة بس البيونيير بتعيش اكتر عن تجربة و هما الاتنين في نفس المستوى الا لو الكنوود 4واى يبقى الكنوود افضل

و الجي ام الكنوود ال350وات صيني بس زي الفل و ماله الصيني
انا صحيح اللي بجبهم مكسيكي او تايلاندي لكن 3 اصحابي مركبينه من سنة و 10/10

و شكلك بتعرف تجيب اسعار حلوة
و الف مبروك على العدة مقدما

المشاركة الأصلية كتبت بواسطة eng_mkhalaf

شكرا يا أحمد - بس ممكن أسأل سؤال ممكن يكون غبى بعد محاضراتك فى الأوديو - وهو إية الفرق لما يكون الكاسيت 3 أو 2 أو 1 RCA
لأن 3950 2 وال 4950 3 - أنت قلت أن 3 ينفع لو هركب صب طب لو مش هركب يبقى ملوشى لازمة ولا إية النظام - ممكن شرح مستفيض فى النقطة دية
وكمان الكاسيت مكتوب علية AUX in وأنا مش شايف إى جاك فى وش الكاست وكمان 5950 فية I-POD يعنى إية مع أنى بردة مش شايف فتحة جاك قدام الكاسيت

خليك ورايا كده
حارق كل المواضيع قبل ما اخلصها :)
عموما عنية برضه بص يا سيدي
ال ار سي ايه ده عبارة عن مخارج صوت متعددة الوظائف و بنستعملها علشان نوزع الصون على قنوات الجي ام و هتكلم عنها في موضوع منفصل بالصور و التوضيح الممل و ازاء نخلي بالنا منها قبل ما نشتري
عموما انت ناوي تجيب سماعات و جي ام من غير صب يعني هتوصل الفردة المكتوب عليها REAR‏ بالجي ام بتاع اسماعات و خلاص و الباقي مالوش لازمة حاليا لغاية لما تنوي على صب و ساعتها هقولك تعمل ايه

بالنسبة للي مكتوب على العلبة انه I pod READY ‎‏ او اي حاجة تانية فده لازمله توصيلات خاصة بتترك في ضهر الجهاز ولازم تشتريها منفصلة مبتجيش معاه
و موجودة في راديو شاك او بيونيير طلعت حرب

و تحذير اخير متجبش الهباب 3950 و انا حذرتك يا اما تجيب الكنوود احسن
و لو جبته يبقي جنت على نفسها كنابش

المشاركة الأصلية كتبت بواسطة 3mr Farrag

انا يمكن اجيب كاسيت و سماعات ....
بس الميزانيه مش قد كده دلوقتي.......
يعني قلت اجيب كاسيت الكينوود اللي بي 500 عند كذا و احد اعرفه و شايف ان صوته حلو
و اجيب 4 سماعات كينوود ...2 مدورين للابواب....و 2 بيضاوي 400 وات
ايه رايك في دول و لا مش قد كده؟؟؟
و انت عندك محل فين.....يمكن اجي اركب عندك
بس بسعر حلو بقي;) و لو عندك كمان جهاز انذار و سنترلوك يبقي تمام

انا عندي محل!!!!!!!!!!! يسمع من بقك
على فكرة العدةدي ظريفة لو الميزانية محدودة لكن ممكن تزود جي ام كنوود عليها 350وات ب400 ج و كده يبقى تمام قوييييييييييييي
و مبروك يا عمور