كيف تختار نظامك الصوتي؟

**ahmedateya** · 04-03-2008 02:51 AM

المشاركة الأصلية كتبت بواسطة mazgangy

اهلا بيك يا باشا يا مللك الصوتيات كنت عايز اخد رائيك فى الاتى انا عندى كاسيت كينوود سى دى ام بثرى وكنت عايز اعمل رف خلفى جديد واحد فيه اربع سماعات بايونير 400 وات وعليهم جى ام وكنت عايز اعرف الجى ام المناسب ليهم ايه وكام وات وصناعته ايه وكام مخرج وفى حدود كام وسعر السماعات كام انا عارف ان ينقصهم صب وجى ام ليه بس انا مينفعش خالص لانى بحتاج مساحه الشنطه فا انت ايه رائيك فى اداء الاربع سماعات والجى ام مع الكاسيت اللى عندى وتقيم لصوتهم ولو تقترح سماعات تانيه او وات اكبر ممكن تقولى ومستنى رد حضرتك وشكرا ليك

انا عن نفسي مش بحب فكرة 4 سماعات و لو مصر يبقي لازم جي ام 4تشانيل و مش اقل من 400وات للسماعات بس و لو كنوود او بيونير مش هتفرق الصناعة ابدا كله زي بعضه

عموما لو عايز توفر مساحة الشنطة ممكن تعمل كده فعلا ب4 سماعات من نوع واحد متخلطش انواع و البونير ال400وات جميلة و مواصفات الجي ام زي مقلتلك بس متحلمش بالbass بتاع الصب ابدا

**mazgangy** · 04-03-2008 06:04 PM

طيب حضرتك ممكن تقولى نوع الجى ام المناسب لافضل اداء على الاربع سماعات البايونير ال400 وات ويكون الجى ام ده كام وات وكام سعره تقريباا

**ahmedateya** · 04-03-2008 06:22 PM

كنوود 400وات او ال500 و السعر مش فارق كتير بين 620 حتى 670

**YoussefMostafa** · 04-03-2008 08:59 PM

السلام عليكم ورحمة الله وبركاته
اهلا بملك الصوتيات احمد با عطية
ان شاء الله هجيب سي دي بيونير4950 وسماعتين كينوود400 بيضاوي
وصب بيونير 10" علشان هركبه في الرف الخلفي (هاتشباك باك) مش عايز اعمل بوكس علشان مساحة الشنطة صغيرة
المهم عايز اجيب جي ام بس ياريت تقولي انسب نوع وكام وات والسعر تقريبا؟

**ahmedateya** · 04-03-2008 10:31 PM

المشاركة الأصلية كتبت بواسطة Youssef_Mostafa

السلام عليكم ورحمة الله وبركاته
اهلا بملك الصوتيات احمد با عطية
ان شاء الله هجيب سي دي بيونير4950 وسماعتين كينوود400 بيضاوي
وصب بيونير 10" علشان هركبه في الرف الخلفي (هاتشباك باك) مش عايز اعمل بوكس علشان مساحة الشنطة صغيرة
المهم عايز اجيب جي ام بس ياريت تقولي انسب نوع وكام وات والسعر تقريبا؟

مبروك على العدة يا باشا بس احب الفت نظرك لكام حاجة كده على الماشي
الجي ام كنوود 400وات KAC6402‎ ‎‏ و فعلا خرجه زي ما كاتبين عليه بالضبط و ممكن تجيب ال500وات برضه حلو و الفرق 50 جنيه و الاتنين 4تشانيل
هتوزعهم كالاتي 2تشانيل للسماعتين كل واحدة على تشانيل و الصب هيتعمل BRIDGED‏ على الاتنين التانيين و كده هيكون اخر حلاوة

فيما يتعلق بالصب ووفر
مش معنى الصب انه 10 بوصة انه ممكن يتحط على الرف بدون مشااكل العملية مش بالمقاس
فيه نوع صبات اسمه فري اير (راجع موضوع الصبات) وده منه ال900وات وال700وات و موجود في كل حتة مش عجبة و هوة اللي معمول للموضوع ده علشان مالوش تفريغ هوا

و اي خدمة

**YoussefMostafa** · 05-03-2008 07:00 AM

بجد والله انت هايل وشكرا علي الرد الجميل

مش معنى الصب انه 10 بوصة انه ممكن يتحط على الرف بدون مشااكل العملية مش بالمقاس
فيه نوع صبات اسمه فري اير (راجع موضوع الصبات) وده منه ال900وات وال700وات و موجود في كل حتة مش عجبة و هوة اللي معمول للموضوع ده علشان مالوش تفريغ هوا

حضرتك قلت قبل كدة ان شنطة الهاتشباك تمثل بوكس للصب تمام يبقي ليه مينفعش الصب العادي

**ahmed_3omda** · 05-03-2008 01:13 PM

بعد ازنك يابوحميد اوضح الصوره اكتر شويه بعـد درس الصب ووفـر بتاعك :) ..

تلميذك النجيب :D

أستاذ يوسف مصطفي :)

الصب free air عباره عن نفس فكره السماعات بس بحجم اكبر بيرمي ضغط هواء كبير وبالتالي ممكن تستفيد بالشنطه وتحطه علي الرف الخلفي وحيعمل أداء قوي جدا .

انما الصب النوع التاني مصمم لأنه بيرمي ضغط هواء مغلق واللي بيطلع لحضرتك صوت ال Bass مش الصب لوحدو دا ضغط الهواء للصندوق المصمم حسب حجم الصب طبعا :)

**YoussefMostafa** · 05-03-2008 01:47 PM

بعد ازنك يابوحميد اوضح الصوره اكتر شويه بعـد درس الصب ووفـر بتاعك ..

تلميذك النجيب

أستاذ يوسف مصطفي

الصب free air عباره عن نفس فكره السماعات بس بحجم اكبر بيرمي ضغط هواء كبير وبالتالي ممكن تستفيد بالشنطه وتحطه علي الرف الخلفي وحيعمل أداء قوي جدا .

انما الصب النوع التاني مصمم لأنه بيرمي ضغط هواء مغلق واللي بيطلع لحضرتك صوت ال Bass مش الصب لوحدو دا ضغط الهواء للصندوق المصمم حسب حجم الصب طبعا

شكرا يا عمدة علي توضيحك الرائع

**tnasr1** · 05-03-2008 01:58 PM

المشاركة الأصلية كتبت بواسطة tnasr1

متزعلش مني يا أستاذ أحمد!!!!

أنا هبعتلك الصور قريب ان شاء الله

ويارب اللاب توب يقوم بالسلامة!!!

احمد باشا

ادي اللينكات بتاعة صور التابلوه....

عاوز نصيحتك الغالية

http://img702.mytextgraphics.com/pho...49qebwuva.jpeg

http://img702.mytextgraphics.com/pho...49qecmmzs.jpeg

**cobco** · 05-03-2008 05:56 PM

بجد موضوعك اكتر من رائع ومجهود جبار الحقيقه في الرد علي استفسارات الاعضاء

استاذ احمد انا كان ليا استفسار كده
انا مركب عندي في العربيه سماعتين كينوود 400 وات 4 واي علي الرف بتاع الشنطه زي دول

وفي البابين اللي قدام مركب سماعتين بايونير 160وات 3 واي زي دول

والهيد يونيت بتاعي بايونير 2950 50*4وات

وطبعا انا عرفت بعد ما ركبت الكلام ده كله من حضرتك في المنتدي هنا ان انا المفروض اني اركب جي ام علي السماعات دي
عموما انا جايلي من بره 2 جي ام كينوود 400 وات بس مش عارف الموديل بتاعهم بالظبط وعندي صب ووفر اكسبلود 12 انش 1000 وات اللي هوا لونه احمر
عايز اعرف العده كده حتبقي حلوه ولا في حاجه ملهاش لازمه ولا ازود حاجه تانيه
ومعلش سؤال كمان انا كنت عايز اعرف ححتاج مستلزمات في التركيب بتاعهم عشان انا مش عايز
اللي يركبهم يضحك عليا
انا عربيتي هيونداي فيرنا
وشكرا علي تعبك مقدما