الموضوع: كيف تختار نظامك الصوتي؟

المشاركة الأصلية كتبت بواسطة ahmedateya

الموضوع ده أقدمه كخدمة عامة(بعد إذن الإدارة طبعا) لرواد المنتدى و مفتوح لأي أسئلة أو إستفسارات عن أي شيئ يتعلق بالمعدات الصوتية في سيارتك من أول الوحدة الرئيسية حتى الصب ووفر

إسأل قبل ما تشتري.....و تفاصيل صغيرة ممكن تفرق كتييييييييير

و إستفسارك لن يزعجني ابدا بل سيسعدني وسيزيدني معرفة و هيشرح كتير عن مجال متشعب للغاية به عشرات العلامات التجارية و آلاف الأنواع

و أنا تحت أمركوا

احمد عطيه ازيك يا زعيم انا اسمى احمد و عندى عربية هوندا سيتى 2008 1300 cc و طبعا زى ما انت عارف لقيت مفيش سماعات ورا لاكن فى سماعات فى الابواب الامامية بس .
بس الميزة انهم عاملين مكان السماعتين الخلفيتيين و مفتوح من الشنطه انا شوفتها .
المشكلة بقه انى عايز اركب سماعات و انا مش فاهم اى حاجة لا وات و لا اى حاجه و خايف حد يبوظها عشان انا لسه فى الضمان و عايز نصيحتك اركب سماعات كام و فين لو ممكن. هوا التوكيل قالى ان الكاسيت السىدى اظن 150 وات بس انا مش متأكد و خاصة انه مالوش ماركه ده بتاع التوكيل و كنت اتمنى مساعدتك .
شكرا

شكرا للأخ كوداك على مباشرتك للموضوع

طب كام سؤال فني كده...ليه صوت الجي ام بيوطى بعد الاستعمال لفترة ربع ساعة او نص ساعة كده عن صوته في اول التشغيل؟
و فيه نوعين من الجي امات بمروحة و من غير مروحة بنفس القوة و نفس الشركة المصنعة؟ ايه الفرق و ده لأيه و ده لأيه؟
و لو عايز بطارية تستحمل عدة صوت مهولة و أقدر اشغل العدة عليها ساعة مثلا بدون دوران الموتور؟ هل فيه حاجة زي كده في مصر؟ و الاقيها فين؟
ايه هية الفئة من الجي ام الأفضل للصبات و محتاج جي ام قد ايه لصب بيونيير 1200 وات؟

و شكرا

المشاركة الأصلية كتبت بواسطة kodak_gti

الشكر ليك يا اخ تيكوس ويارب الاسم اكون نطقته صح
الجى ام ميوطاش بعد التشغيل دى غريبة وبعدين الجى ام نوعه ايه وانا اعتقد انه سيمفونى
وبالنسبة لموديلات الجى ام ام مراوح دى كانت موديلات قديمة زى البايونير والكينوود ودى كانت لتجديد اشكال فقط ليس اكثر
وبالنسبة للبطاريات انا مسألتش عن حاجة زى كده بصراحة
بس هى هى ال 70 امبير بتاعة العربية
وحرام انك تشغل الساوند لفترة طويلة ده الكاسيت مينفعش تشغله اكتر من 3 ساعات متواصله
مابالك بقة بجى ام وصب وسماعات وكاسيت كل ده حمل غلط على البطارية هتلاقيها عملت كده منك :k29:
انا بشوف فى العدد بتاعة اوروبا والدول المتقدمة بيركبو بطارية تانى للجى إمات
بالنسبة لسؤالك الاخير الجى امات الكويسة كتير بس غالية جدا
احنا هنتكلم فى الماركات اللى فى حدود امكانيتنا هو البايونير والكينوود
وافضل جى ام للصب البايونير هو البايونير 400 وات 2 تشانيل فى حدود 500 جنيه

شكرا لردك استاذ كوداك....
اقولك شوية من معلوماتي البسيطة يا شقيق

الجي ام النضيف بس هوة اللي بيوطى شوية بعد ما يوصل لدرجة الحرارة اللي المفروض يستقر عندها و ده علشان يحمي نفسه من الحرارة الزايدة وممكن ساعات التحميل الزيادة و درجة حرارة فصل الصيف تخللي الظاهرة دي اوضح و سيمفوني المعفن "و طبعا لا عمري جبته ولا هجيبه" مفيهوش نظام الحماية ده و ممكن يسخن لغاية لما يتحرق كمان مفيش مشاكل عنده خالص

موديلات الجي امات المبنية على نظام تبريد بمراوح فدول مش قدام ولا حاجة زي ما قلت لكن فيه دايما سبب لكل حاجة....و السبب ان : الموديلات المزودة بمراوح علشان تبريد المكثفات و ده بيحافظ على صوت التويترات كريستالي نقي للغاية و هوة في الاساس مش مصمم للصبات و لاحظ ان كل ما التبريد يزيد كل ما فقد الحرارة و الطاقة يقل و الجي ام يقوم بعمله على الوجه الأمثل
"راجع ICE تيكنولوجي من شركة KENWOOD" و هتعرف المغزى من فكرة المراوح و ان ده مش دقة قديمة ولا حاجة

تعالى بقى للبطارية...فيه نوع اسمه OPTIMA Yellow Top Batt و دي اشهر مصنع للبطاريات في العالم و بيعمل بطاريات لأغراض كتير منها الصوت..و النوع الاصفر منها اللي مركبه في العربية حاليا ده عبارة عن بطارية مكونة من ست اسطوانات كربون كل واحدة فيهم محشية ببودرة حمض الكبريتيك باختصار كل سلندر من دول بمقام شحنة بطارية 70 امبير كاملة و دي ممكن تركنها 12 شهر بدون اي استعمال و هية في العربية و تعالى دوور هتلاقيها دارت معاك قشطة و بتشحن اسرع 3 مرات من البطاريات الجافة العادية " و هية برضه اكيد جافة" و عمرها اطول من العادية 5 مرات و اهم ميزة فيها انها بتدعم كل الاحمال الكهربية العالية زي الجي امات الSPL و وحدات الرفع و مكن الازاز و الاضاءة و غيره ده غير انها بتريح الدينامو لأن مقاومتها 1\80 من مقاومة البطاريات العادية للشحن و بتفقد الشحنة بسرعة كبيرة برضه لتلبية احتياجات النظام الصوتي بسرعة فائقة..... السعر بالمناسبة 1800جنيه
و اكبر فكرة خاطئة متداولة تركيب بطارية تانية للعدة علشان ده بيحمل جامد على الدينامو و بيسبب تلفه بسرعة و لو حد عايز يعمل الفكرة دي صح لازم يركب بطاريتين على التوازي مش على التوالي و يكونوا متطابقين في الحجم و النوع و يتوصلوا موصلات قليلة المقاومة

جي ام الصب....الاصل ان الواحد يشوف الRMS كام الاول و بعدين يقرر يعني : ال1200 البيونير ده محتاج صافي 400 يعني مش محتاج اقل من خرج امليفاير 300 واط صافي يعني محتاج جي ام 600 وات على الأقل علشان نكون في الامان و طبعا الKENWOOD ال600 2 تشانيلز يادوب هيدينا ال300 وات دول و سعره 640لحلوح لكن البونير اللي بتقول عليه ده خرجه 170 وات صافي بس

و تصبح على خير

المشاركة الأصلية كتبت بواسطة TICOXX

شكرا للأخ كوداك على مباشرتك للموضوع

طب كام سؤال فني كده...ليه صوت الجي ام بيوطى بعد الاستعمال لفترة ربع ساعة او نص ساعة كده عن صوته في اول التشغيل؟
و فيه نوعين من الجي امات بمروحة و من غير مروحة بنفس القوة و نفس الشركة المصنعة؟ ايه الفرق و ده لأيه و ده لأيه؟
و لو عايز بطارية تستحمل عدة صوت مهولة و أقدر اشغل العدة عليها ساعة مثلا بدون دوران الموتور؟ هل فيه حاجة زي كده في مصر؟ و الاقيها فين؟
ايه هية الفئة من الجي ام الأفضل للصبات و محتاج جي ام قد ايه لصب بيونيير 1200 وات؟

و شكرا

المشاركة الأصلية كتبت بواسطة TICOXX

شكرا لردك استاذ كوداك....
اقولك شوية من معلوماتي البسيطة يا شقيق

الجي ام النضيف بس هوة اللي بيوطى شوية بعد ما يوصل لدرجة الحرارة اللي المفروض يستقر عندها و ده علشان يحمي نفسه من الحرارة الزايدة وممكن ساعات التحميل الزيادة و درجة حرارة فصل الصيف تخللي الظاهرة دي اوضح و سيمفوني المعفن "و طبعا لا عمري جبته ولا هجيبه" مفيهوش نظام الحماية ده و ممكن يسخن لغاية لما يتحرق كمان مفيش مشاكل عنده خالص

موديلات الجي امات المبنية على نظام تبريد بمراوح فدول مش قدام ولا حاجة زي ما قلت لكن فيه دايما سبب لكل حاجة....و السبب ان : الموديلات المزودة بمراوح علشان تبريد المكثفات و ده بيحافظ على صوت التويترات كريستالي نقي للغاية و هوة في الاساس مش مصمم للصبات و لاحظ ان كل ما التبريد يزيد كل ما فقد الحرارة و الطاقة يقل و الجي ام يقوم بعمله على الوجه الأمثل
"راجع ICE تيكنولوجي من شركة KENWOOD" و هتعرف المغزى من فكرة المراوح و ان ده مش دقة قديمة ولا حاجة

تعالى بقى للبطارية...فيه نوع اسمه OPTIMA Yellow Top Batt و دي اشهر مصنع للبطاريات في العالم و بيعمل بطاريات لأغراض كتير منها الصوت..و النوع الاصفر منها اللي مركبه في العربية حاليا ده عبارة عن بطارية مكونة من ست اسطوانات كربون كل واحدة فيهم محشية ببودرة حمض الكبريتيك باختصار كل سلندر من دول بمقام شحنة بطارية 70 امبير كاملة و دي ممكن تركنها 12 شهر بدون اي استعمال و هية في العربية و تعالى دوور هتلاقيها دارت معاك قشطة و بتشحن اسرع 3 مرات من البطاريات الجافة العادية " و هية برضه اكيد جافة" و عمرها اطول من العادية 5 مرات و اهم ميزة فيها انها بتدعم كل الاحمال الكهربية العالية زي الجي امات الSPL و وحدات الرفع و مكن الازاز و الاضاءة و غيره ده غير انها بتريح الدينامو لأن مقاومتها 1\80 من مقاومة البطاريات العادية للشحن و بتفقد الشحنة بسرعة كبيرة برضه لتلبية احتياجات النظام الصوتي بسرعة فائقة..... السعر بالمناسبة 1800جنيه
و اكبر فكرة خاطئة متداولة تركيب بطارية تانية للعدة علشان ده بيحمل جامد على الدينامو و بيسبب تلفه بسرعة و لو حد عايز يعمل الفكرة دي صح لازم يركب بطاريتين على التوازي مش على التوالي و يكونوا متطابقين في الحجم و النوع و يتوصلوا موصلات قليلة المقاومة

جي ام الصب....الاصل ان الواحد يشوف الRMS كام الاول و بعدين يقرر يعني : ال1200 البيونير ده محتاج صافي 400 يعني مش محتاج اقل من خرج امليفاير 300 واط صافي يعني محتاج جي ام 600 وات على الأقل علشان نكون في الامان و طبعا الKENWOOD ال600 2 تشانيلز يادوب هيدينا ال300 وات دول و سعره 640لحلوح لكن البونير اللي بتقول عليه ده خرجه 170 وات صافي بس

و تصبح على خير

أنا بصراحه مش فاهم....
لما عندك كل المعلومات ده.. سألت ليه؟ و رديت على نفسك...

بساعد الراجل يا سيدي و اهو كلنا بنعللم بعض؟
و يموت المعللم ولا يتعلم