بي ام ولا لانسر!!!

**M.Akef** · 13-06-2010 11:51 AM

اخباركم يا جماعه عملين ايه
انا دلوقتي بشتري لانسر 1.6 منيول 2008 لاني من هواه الجري و اللعب الكثير
لكن كنت من كام يوم معدي علي اجنس بي ام بس و اتفرجت علي العربيات الي عنده عنده من 316 ل330 كابورليه بس مرضتشي اتفرج علي الفئه الخمسه عشان متعقدشي

و الحقيقه اعجبت جدا ب318i 1999 يعني الشكل القديم الي ابل الموجود ده العربيه 6 اير باج و تكييف تاتش و طبعا موتور 1.8 و جنط 16 و كراسي كهرباء بس الي مدايق منه مفيش ولا عربيه فبريكه كله راشش بره

و ولله انا زهقت من التفكير صحابي يقولو بي ام ايه و وجع دماغ احنا لسه طلبه جامعه هتخرب بيتك و حرام عليك تبهدلها تخميس و حرق كل يوم و مش هتتبع و قطع غيار نار و صيانه نار و كرهوني فيها كالمعتاد في اي عربيه عجباني

غير الانسر
و ناس تينا تقول صيانه ايه بس الي بدور عليها دي بي ام يا حبي بترمي القطعه و تنساها و هي دي اصلا عربيات الجري بهدل زي ما نات عاوز مش هتقول لا و هو انت بتشتري العربيه عشان تبعها دي معاك ل10 سنين علي الاقل تاخد كل خرها و حببوني في البي ام

هو عن نفسي لا عاوز اركب لا لانسر ولا بي ام انا عاوز اركب هندا او مرسيدس هما دول الي انا بحبهم فعلا بس في مصر الحبيبه العالم مختلف و بنشتري الي منتشر و بتحبه الناس

عاوزكم يا جماعه تشاركوني الاختبار و كل واحد يقول وجهة نظره عشان اشتري عن يقين لاني مبحبش اشتري اي حاجه الا لما اكون واثق انها الافضل

**M.Akef** · 13-06-2010 02:13 PM

ايه يا جماعه مفيش ولا رد!!!!!!!!!

**midomizo** · 13-06-2010 02:19 PM

لو انت بتاع شد وجرى انصحك تبعد عن لانسر نهائى

لان لانسر بتاعت سرعات

وسحبها كويس بس على الاربى ام العالى

**M.Akef** · 13-06-2010 09:18 PM

المشاركة الأصلية كتبت بواسطة midomizo

لو انت بتاع شد وجرى انصحك تبعد عن لانسر نهائى

لان لانسر بتاعت سرعات

وسحبها كويس بس على الاربى ام العالى

انا بردو لحظت الحته دي و كان عليها موضوع كبير اوي لكن في النهاياه هنقول متسوبيشي عمله دا عن قصد و مزلت معاه الفتيس الcvt عشان يولعو الدنيا مع بعض لان في الcvt الrbm عالي ديما زي ما انت عارف فكدا كدا اداء عالي
و لما فكرت العربيات الي بتصل لاقصي عزم عند 3500 دا لانها غير مصممه للجري و الحرق لكن لانسر معموله كدا عشان تحرق و تجري و كدا كدا حتي لو العزم الاقصي بتاع بيطلع عند 3500 و انا 4300 فلو فرق في الطلعه الاولي فمجرد النقل الي الثاني تتحدث المحركات لان زي ما انت عارف في الحرق الrbm مش بينزل عن 4 في اي نقله لاننا بنحرق علي الي قبلها لاخرها
ولا انت رأيك ايه يا مان؟
و لو مش بتنصح بالانسر رأيك اجيب ايه؟

**د.محمود صلاح** · 13-06-2010 09:47 PM

لانسر مانيوال 1600 خيار ممتاز ومش هتتعبك لا في الصيانة ولا في البيع فيما بعد

**SAMEH_FOUAD** · 14-06-2010 09:32 PM

المشاركة الأصلية كتبت بواسطة medoakef

ولله دي من اكثر الحجات الي شداني ليها و كمان تعديلاتها و كل حاجه لها موجوده بسهوله جدا و ده حسيته اوي في عربيتي البومه ال1.3 و الحقيقه انا مكنتش بحبها خالص لكن بعد ما امتلكتها حبتها

بس رأيك يا مان هي ولا الانترا منيول في الجري لاني عقده حياتي هي الانترا الحقيقه:n_no[1]:

انت بتقارن عربية 1300 ب1600 طيب ازاى لو عايز تقارن بين الالنترا يبقى تقارن بينها وبين اللانسر 1600 سوبر اكشن

وطبعا البى ام دبليو تحفة وماتورها بيخرج 136 حصان وصاروخ بجد واوبشن وشكل وبريستيج

ولو عايز هوندا فطبعا الهوندا صاروخ بس اتوماتيك وعيبها انها تقيلة فى السحبة شوية بس بعد كدة انسى

**SAMEH_FOUAD** · 15-06-2010 03:19 PM

المشاركة الأصلية كتبت بواسطة medoakef

ما انا يا مان اصدي لانسر 1.6 مش 1.3 طبعا هي ولا الانترا في الجري؟(هما الاثنين منيول)

و انا سمعت ان السوبر اكشن موتورها مختلف عن الاسبورت و الكلاسيك بأنه مصنع من الامونيوم هل ده صحيح الي اعرفه انه الامنيوم هو الميفاك!!!
عن البي ام انا شلتها من دماغي و خلاص لو ربنا سهل و هجيب الماني هيبقا مرسيدس و هجبها موديل السنه بلاش عربيه مشيه 10 سنين منعرفشي تاريخها فيه ايه

ولله انا بحب السفك جدا طبعا لكن هدفع حوالي 30 الف فرق عشان اجيب واحده يوزد 2008 مثلا فنفض انا لسه طالب جامعه ملهوش لزمه عربيه محترمه من الاول كدا

لو هتجيب 1600 عادى الالنترا هاتشد اكتر
لكن لو جيبت السوبر اكشن تجميع اللانسر هيبقى سريع ويقدر يسد معاها بس ابقى سقط الds من بعد سرعة 30 مش من وانت طالع هيفرق معاك كتير

وبالنسبة للماتور مافيش ياباشا عربية ب110 الف ولا 120 هتلاقى ماتورها المونيوم لان تكلفتة غالية اوى هو ممكن يبقى فية اجزاء قليلة بس