كاركير ومغسلة

**sampo1100** · 13-06-2010 02:31 PM

السلام عليكم ورحمة الله وبركاتة

شباب انا مصرى مقيم فى الكويت وعايز انزل افتح مشروع مغسلة وكاركير فى مصر
ممكن حد يفيدنى فى شروط ترخيص المغسلة والمعدات اللازمة للكاكير فى مصر

**sampo1100** · 14-06-2010 12:36 PM

اية يا جدعان ناس كتير شافت الموضوع ومحدش عارف يرد
يا ريت الى عندو خلفية يفيدنا بخبرتة لان الموضوع ضرورى جداجدا

**tamertamer** · 15-06-2010 03:12 AM

اولا لازم يتفتح فى مكان مخصص بمول تجارى للمدينة وهى تعتبر خدمات اولا عندك ترخيص فى الحى وترخيص الامن الصناعى والكهرباء والمياة والتامين هدوخ شوية بس هيتعملو بس لازم عشان المباحث مبتسبش حد وانت بردو فتح مخك معاهم
المكان وتجهيزة اولا
هتحتاج تعزل الحوائط والارضية عشان الاثاث عشان المية قلى طول الليل والنهار دية وكمان هتحتاج معدات كمبرسور (فوم وهواء )
وهتحاج مكنة بالبوخار للتنظيف ودية عشان الفرش والابواب
وكمان هتحتاج متور مية قوى عشان الغسيل
وطبعا غير المواد التنظيف وتجبلك صنيعى ولا اثنين وانت تشرف على المكان ويستحسن يكون كبير ويغلق علية العربية وعلى فكرة فى شركات بتجهز المكان اظن من 10 الى 18 الف بس الاهم المكان ومنصحكش فى عمارة عشان المشاكل ووجع الدماغ

**sampo1100** · 15-06-2010 08:22 AM

تسلم يا باشا والف شكر
طيب انت رايك الموضوع دة مربح وترشحلى المكان فين
واية هيا الشركات الى ممكن تجهز المكان كلة ممكن معلومات عنها

**tamertamer** · 15-06-2010 11:45 AM

بص دة رزق يعنى محدش يقدر يقول هيجيلى كام نصيب بس هو كويس لو هتفتح فى حتة رقية هتكسب كويس بس مش هتسلم من المشاكل شكاوى طلعلك حد ظابط فى العمارة قلى قدامك هيعد يقرف فيك لكن فى الحتت العادية الناس غلابة اصلا وبينامو ميدروش بحاجة اصلا المحلات ارخص اهم حاجة المكان لانة بيندرج تحتيها كل شىء هو مشروع كويس ومربح
فى شركات كتير فى وسط البلد التوفقية انزل شوف العروض والاهم المعدات لان المعدات غليت من ساعت مالوزير امر بستخراج شهادة جودة لكل منتج طالع من الصين ودة عمل عباء على العمونتج وطبعا الاسعار عليت جامد ربنا يكون فى عون البلد

**sampo1100** · 15-06-2010 12:29 PM

ربنا يكون فى عونا كلنا
طيب بص ياباشا انا قدى نظام غسيل بالبخار من برة ومن وجوة والموتور
دة جهاز بيغسل العربية كلها بالبخار وبيدها لمعة لان معاة مادة ملمعة
مش عارف اذا كان موجود فى مصر ولا لاء معلش انا تعبك معاياة بس بجد انا ما صدقت ان حد يفيدنى فى المشروع دة

**tamertamer** · 15-06-2010 03:05 PM

مرة الجهاز دة شفتة فى المانيا لما كنت مسافر اظن فية منة فى مصر بس دة هيكون غالى جدا هيعدى سعر انا كنت سائلت على جهاز مشابة لكدة كانو بيتكلمو فى 80 الف بس جهاز بتخش جواة العربية حوار جامد اوى والموضوع مش هيبقا سهل بس الاهم من كل دة المكان وسال برحتك