المشاركة الأصلية كتبت بواسطة mmedali1978
يا استاذ ممدوح اقسم لك بالله انى متأكد 100/100 ان احنا اللى عملنا كده عارف ليه
لانى شغال فى المطار وكانت عندى نبطشيه فى اليوم ده والمطار اصلا كان فى توضيبات بتتعمل والاسفلت مكسر على الارض بألاكوام والجماهير والله والعساكر خد عندك على قد ما تقدر انا عمرى ما اكذب لان الكلام ده ربنا هيحاسبنى عليه ولازم حضرتك تعرف ان احنا دايما كمصرين بنفتكر بس احاجات اللى ضدنا مبنفتكرش اللى علينا لو حضرتك تفتكر الاهلى لما كسب بطوله افريقيا اللى كانت فى تونس من الصفاقسى محصلش اى حاجه والاهلى احتفل بالبطوله عادى خالص مع ان كان هناك ظلم تحكيمى ضد الصفاقس فى هدف ملغى 100/100 مع انى اهلاوى بس لازم اقول الحقيقه وبعدين لما النجم الساحلى كسب الاهلى هنا فى القاهره قمنا قطعنا النور عليهم فى الاستاد والجماهير اشتبكت معاهم وطلعنا نسب ونلعن فى الحكم وانه مرتشى وغيره ونسينا اللى حصل فى تونس قيل كده
الاسلام مش دين عداء حتى اليهود لما عذبوا سيدنا محمد مرضيش يدعى عليهم واحنا ليل نهار نشتم ونشمت فى كل الدول العربيه والمسلمين وانا لا اكره اى دوله عربيه ولا شعب عربى اى كان لان ذى ما هم عندهم ناس متعصبه احنا عندنا اكثر واسف للاطاله بس حبيت اوضح لحضرتك بعض الامور