الموضوع: بتظبط أتجاهات فتحات التكييف أزاى

الحق أرد أول واحد، احتمال أكسب فى المسابقة ههههههههههه :)))).

بالنسبه لكرسى السائق فأنا بعمل زيك بالظبط يا نورمال، اما كرسى الراكب الأمامى فبعمل عكسك يعنى بخلى الفتحتين لجوه على الكرسى مش العكس.

انا بعمله زيك يانورمال كدة بس مع اختلاف ان الي ادامي مش بعمله لفوق اوي بعمله في الوسط ( اتجاه وشي يعني)

واول لما بشغله غالبا بجيبه على ال low والمروحة بتبقى اعلى حاجة لحد ميلطف الجو شوية وبعدين بهديها على 3 او 2 والتكيف عموما بحبه يبقى على 20-22

بس معظم الي بيبقو راكبين ورا مش بيحسو بالتكيف اوي وتقريبا بسبب ان المفروض الاتجهات دي ليها طريقة معينة

اكيد حد هيفيدنا اكتر في الموضوع ده

توجيه الهوا بالشكل د من الفتحات الجانبية معانه انه بيخبط في الزجاج الجانبي
وده معناه انك بتسقع الزجاج ده والمشكلة انه بيبقي اسخن حاجة لانه ملامس للهوا الخارجي وكمان بيجي منه شمس

بكده الهوا المعكوس من عليه بيكون فقد جزء كبير من برودته ودا بيقلل احساسك بالتكيف

انا عن نفسي بوجه الفتحتين اللي على الشمال مباشر عليا

ودا بيدي نتايج اسرع وفي الغالب بتبقي المروحة على درجة واحدة والحرارة 23 ونص

لو فيه حد راكب ورا بزود المروحة تبقي 2 او تلاتة
وبوجه الفتحة في النص وفي فوق



المهم اني اتفادى ان الهوا يخبطر في السقف او الزجاج الجانبي

وده بيدي شعور احسن

أنا عن نفسي مبحبش التكييف المباشر عليا بحب تكون الحرارة في كل الصالون باردة عشان كدة بظبط الاتجاهات بالشكل ده




و ده الشكل التقريبي لتوزيع الهوا بالاتجاهات دي (أهم حاجة يكونو لفوق)

موضوع حلو يانورمال احييك عليه

وانا بزبط التكيف اول شباكين بخليهم ناحيتى طبعا لول مابركب العربيه والاتنين التانين بخلى اول شباك من بعد الكاسيت فى النص ولاخير اقصى اليمين بخليه متوجه ناحيتى سنه بسيطه لتوزيع الهوا برضه واهى الدنيا بتمشى هههههههههههه

اناالمدير بتاعى ركب معايا مره ومشغل التيكف على الاخر وكان الجو حر اوى من تقريبا عشر ايام كده ولقيته بيقولى تكيف الفيرنا عندى احسن ههههههههه قولتله ولايهمك احسن احسن ماهو المدير بقا ههههههه