الموضوع: سؤال لمحترفي الفئة c

كل الناس قاعدة تقول 92 و 95 و كأننا في تنسيق الثانوية العامة

هو في واحد فينا ضامن البنزين اللي بيحطة دة بنزين 92 ولا بنزين 30 حتي ؟!!!!!

اتكلوا علي الله و امشوا و خلاص و ربنا يستر

و فعلا في أحد التعليقات حد قال مواتير الكومبريسور شغالة في مصر من سنة 2001 و مكانش في غير بنزين 90 و بس و عايشة لحد دلوقتي و زي الفل، و لو تفتكروا زمان اول ما التسعين طلع برضة و كانت البنزينات بتسمية بنزين ممتاز كان دايما الناس بتقول التسعين هو التمانين و بيضحكوا علي الناس و خلاص بس كان الفرق 10 قروش فمكانتش الناس بتفرق معاها قوي الفرق البسيط

المشاركة الأصلية كتبت بواسطة M.Mokhtar

يا باشا هو الكومبريسور ده مرسيدس اللى مركباه ولا حد من بره الشركه؟
أكيد مرسيدس فاهمه الكلام ده
واكيد حاسبه الانضغاط والكمبوريسور شغال
والا هيبقى عليها مسؤليه قانونيه لو موتور حصله حاجة بسبب البنزين
عشان فى دليل السياره مكتوب الانضغاط بتاع المحرك اللى الناس على اساسه بتحدد نوع البنزين

فاعتقد ان نسبة الانضغاط دى محسوبه مع التربو مش الموتور لوحده

الكلام دة كان رد على نقطة معينة ، وهي إن نسبة الإنضغاط بتحدد رقم الأوكتين المطلوب ، و الرد كان إن دة ينفع فقط في حالة المواتير العادية، لايكن ماينفعش يستخدم كمقياس لتحديد الأوكتين في حالة المواتير ال-Kompressor

في المواتير الكمبرسور لزم تستخدم الرقم إلي الشركة محدداه في الكتالوج ، مش بناءً على نسبة الإنضغاط للموتور ، لأنه مش معلومة كافية .


تصحيح بسيط لمعلومات حضرتك ، نسب الإنضغاط بتقاس على المحرك كحجم هندسي في الفراغ (Volume/Volume) وبالتالي ملوش دعوة الموتور شغال ولا لأ ، وبالتالي مش داخل فيه تأثير الشاحن خالص .

المشاركة الأصلية كتبت بواسطة farahat

مع كامل احترامي للردود المذكورة، ممكن تسمحلي بكام دقيقة من وقتك أحاول أوضح لك الفكرة و حضرتك تقرر بعد كدة
البنزين بيشتعل في وجود حرارة و هوا ، و دة داخل السيلندر بيكون في وجود شرارة الإشعال مع وجود الهوا اللي داخل إلى الموتور من برة ، الفكرة بقى إن مع الضغط الزيادة داخل السيلندر أو السخونة الزيادة للموتور ممكن البنزين يشتعل لوحده من غير شراره ، و دة اللي بيعمل صوت التسقيف لم نقرس على الموتور أو لم يسخن .


رقم الأوكتين هو عبارة عن رقم بيبين أد إيه البنزين ممكن يستحمل حراره و ضغط من غير ما يشتعل لوحده داخل السيلندر ، كل ما الرقم علي كل ما كان البنزين يستحمل ضغط أعلى و حرارة أعلى قبل الاشتعال الذاتي ، يعني بالبلدي مش هيولع غير لما تجيله شرارة من البوجيه ، و بالتالي يولع صح و يطلع طاقة صح و ميعملش تسقيف (صوت الكركرة اللي احنا كمصريين عارفينه )


عشان كدة كل ما نسبة الإنضغاط للمحرك زادت كل ما إحتاج بنزين أوكتينه أعلى ، و كل ما كان الجو سخن و الموتور بيسخن جامد كل ما إحتاج بنزين أوكتينه أعلى ، و كل ما الحمل و القرص على المطوي زاد كل ما إحتاج اوكتين أعلى .


في حالة حضرتك كمان بيزيد عمل مهم جداً و هو وجود كومبرسور أو شارجر ، و دة بيخلي الضغط داخل السيلندر أعلى ،و بالتالي إمكانية حدوث تسقيف أعلى ، و نسبة الإنضغاط عندك مش دلالة على حاجة ، لأنها طبيعي في المواتير اللي فيها شارجر بتكون قليلة جداً ، يعني ضغط الموتور نفسه بيكون قليل و- بيعوضه الشارجر بضغط الهواء الداخل .


الخلاصة .. لو حضرتك هتسوق بهدوء ديماً و بدون قرص أو تحميل على الموتور و تضمن إن ديماً الموتور عندك مش هيسخن يبقى 92 مناسب جداً ، لو ناوي تستفيد من كل طاقة الموتور و تحس بقيمة التربو و تجري و تحمل العربية عادي يبقى أفضل ليك بنزين 95 .


الموضوع مالوش دعوة بشوائب ولا كلام من دة ، ولا حتى توفير ، الموضوع كله أداء ، و دة مش هتحس الفرق فيه غير لما تكون متعود على العربية و اداءها الطبيعي ، عشان تحس الفرق لما تغير .


واحسبها في التفويل كل شهر و شوف بتفول كمية أد إيه ، و تمنها بكام لو 92 وبكام لو 95 ، و يشوف بالنسبة لظروفك إنت الشخصية الفرق دة يستاهل استمتاعك ولا إنت بتفضل الهدوء و الحرص في القيادة و توفر 30% من تمن البنزين الشهري (مع التشديد على موضوع الحرص دة لأن التسقيف دة فعلاً مدمر للموتور ، و لازم تخلي بالك أول ما تسقف تخف رجلك خالص ).


دي كنت نصيحتي لحضرتك ، و تحليل بسيط للموضوع اتمنى يكون مفيد


تحياتي و مبروك على العربية

الكلام دة كان رد على نقطة معينة ، وهي إن نسبة الإنضغاط بتحدد رقم الأوكتين المطلوب ، و الرد كان إن دة ينفع فقط في حالة المواتير العادية، لايكن ماينفعش يستخدم كمقياس لتحديد الأوكتين في حالة المواتير ال-Kompressor

في المواتير الكمبرسور لزم تستخدم الرقم إلي الشركة محدداه في الكتالوج ، مش بناءً على نسبة الإنضغاط للموتور ، لأنه مش معلومة كافية .


تصحيح بسيط لمعلومات حضرتك ، نسب الإنضغاط بتقاس على المحرك كحجم هندسي في الفراغ (Volume/Volume) وبالتالي ملوش دعوة الموتور شغال ولا لأ ، وبالتالي مش داخل فيه تأثير الشاحن خالص .

+111111111111
الكلام دة صح جدا
دائما المواتير ال super charged بتحتاج اوكتان اعلى من المواتير العادية
نسبة الانضغاط زى ماقال الاستاذ فرحات قياسات حجم على حجم ليس لها علاقة بالموتور شغال ولا مش شغال ولا الظروف اللى شغال فيها الموتور ولا داخل فى الحسابات تأثير التربو على الضغط جوة الموتور والدليل على كدة لو حولت موتور من naturally aspirated to supercharged لازم تقلل نسبة الانضغاط داخل الموتور لأن دة اجهاد زيادة على جسم الموتور

كلام التوكيلات فية كتير كلام تجارى على شوية عدم خبرة
عربيتى فورد فوكاس حسب الكتالوج اقل اوكتان هو 95 , حسب التوكيل ممكن 92 من بعض محطات البنزين مش من اى محطة زى بعض فروع موبيل او امارات مصر
النتيجة :
95 اداء عالى بدون تسقيف وصوت الموتور هادى
92 ايا كانت البنزينة تسقيف واداء اقل وصوت الموتور اعلى

طبعا فرق سعر 95 من 92 على المدى البعيد فرق كبير وبالتالى بحط 92 وكل كام شهر لما بحس الاداء قل بحطلها منظف دورة بنزين واوكتان بوستر

نصيحة لو عايز تحس بفرق الاداء بين 95 و92 حط البنزين وامشى علية فترة مش مجرد تفويلة