أرجو الافادة في موضوع في منتهي الخطورة

**zomzom11** · 14-06-2010 03:15 PM

الدعامه الى بين المساعدين دى نجيبها منين وبكام انا بدور عليها لو حد يفيدنا ربنا يكرمه

**mesbah1971** · 14-06-2010 03:24 PM

الركبة دي اللي بيتربط فيها المقص .... المقص بيبقي ليه 3 اتجاهات ناحية في الفردة نفسها وناحية في العربية من تحت وناحية في الركبة المقصودة ودي بتبان ورا فردة الكاوتش علي طول .... السؤال هل الركبة دي بتتغير لأني فعلا اكتشفت ان كان فيها لحام قديم

**mesbah1971** · 14-06-2010 03:27 PM

المشاركة الأصلية كتبت بواسطة zomzom11

الدعامه الى بين المساعدين دى نجيبها منين وبكام انا بدور عليها لو حد يفيدنا ربنا يكرمه

السمكري اللي في الحرفيين نصحني بالدعامة دي وهي بتتعمل عمولة وهي فكرتها انها بتمسك الركبتين من تحت حتي لو الركبة دي اتشرخت فالدعامة بتخليها متفتحش وربنا يسترها علي الجميع

**mesbah1971** · 14-06-2010 03:29 PM

المشاركة الأصلية كتبت بواسطة mahmoudysf

انت قصدك بالركبة الشمعدان لو كدة كان الاحسن تجيب واحد استيراد
لان اللحام مع الجهود الواقعة عية هيفتح تانى

الركبة دي اللي بيتربط فيها المقص .... المقص بيبقي ليه 3 اتجاهات ناحية في الفردة نفسها وناحية في العربية من تحت وناحية في الركبة المقصودة ودي بتبان ورا فردة الكاوتش علي طول .... السؤال هل الركبة دي بتتغير لأني فعلا اكتشفت ان كان فيها لحام قديم ....

**mesbah1971** · 14-06-2010 03:31 PM

المشاركة الأصلية كتبت بواسطة waelfarid

ممكن حد ينزل صورة يوضح ويشرح لنا ايه المقصود بالركبة في العربية
والحمد لله علي سلامتك

هحاول أصورها وانزل صورها النهاردة ان شاء الله

**mesbah1971** · 14-06-2010 03:40 PM

المشاركة الأصلية كتبت بواسطة faron525

معقولة عربية 2002 ويحصل فيها كده بصراحة كده انا قلقت من عربيتي لو سمحتوا يا خبراء لوحد يعرف طريقة نتلاشي بيها هذا العيب ممكن يفيدنا وايه اعرض العيب ده ولكم جزيل الشكر

ممكن عربية 2010 ويحصل معاها كدة . دي كلها أقدار بس الحمد لله انه بيسترها ... بالنسبة للأعراض انا فعلا حسيت بتغيير في العربية قبل مايحصل اللي حصل ونزلت بصيت بس ماشفتش حاجة ومشيت وحصل الموضوع بعديها ب10 دقايق تقريبا .... أولا لقيت العربية بتحدف يمين ولقيت العربية عشان تمشي في خط مستقيم تارة الدركسيون بتبقي مكسورة شمال شوية وكل دة مكنش موجود .... ونصيحة لجميع الأخوة أول ماتحس بالأعراض دي مرة واحدة ياريت ماتمشوش بالعربية قبل الكشف عليها لأني اول مرة تحصل معايا الحكاية دى وفعلا ربنا سترها معايا بجد وكان ممكن النتايج تبقي أخطر من كدة وربنا يكفينا شر عربيتنا جميعا

**mesbah1971** · 14-06-2010 03:42 PM

المشاركة الأصلية كتبت بواسطة mahmoudysf

انت قصدك بالركبة الشمعدان لو كدة كان الاحسن تجيب واحد استيراد
لان اللحام مع الجهود الواقعة عية هيفتح تانى

والله معرفش اسمها بالظبط بس هي الركبة اللي بيتربط فيها المقص ورا الكاوتش لما بتكسر العجل بتبان .... السؤال هل ممكن تغييرها ؟؟؟؟؟

**Shiref_mohamed** · 14-06-2010 11:26 PM

الركبة ديه هيا الجزء الى بيركب عليه المقص والمتصل بشاسيه العربية اما الشمعدان ده الجزء الى بيركب جواه المساعد الأمامي وبيتصل بالمقص عن طريق بيض المقصات ..
موضوع كسر الركبة ده شفته قبل كده في عربية لانوس كانت بتتأجر وكان العفشجى بيلحم فيها من تحت ولما سألته عن السبب قالى زي ما انتا شايف العربية كلها متدمرة وكمان ماشية بالمساعدين بايظة بقالها سنين..
انا كمان بشوف عربيات بتيقى حوالين الثلاث مسامير بتوع البطاحه بتبقى متكسرة برضه ...

ورأيي في الموضوع ده ان الموضوع بيرجع لنظام صيانة العفشة الدورى وتغيير المساعدين التالفة لآن كل التكسير ده بيحصل بسبب المساعدين التعبانة ..

**mesbah1971** · 15-06-2010 12:18 AM

المشاركة الأصلية كتبت بواسطة shiref_mohamed

الركبة ديه هيا الجزء الى بيركب عليه المقص والمتصل بشاسيه العربية اما الشمعدان ده الجزء الى بيركب جواه المساعد الأمامي وبيتصل بالمقص عن طريق بيض المقصات ..
موضوع كسر الركبة ده شفته قبل كده في عربية لانوس كانت بتتأجر وكان العفشجى بيلحم فيها من تحت ولما سألته عن السبب قالى زي ما انتا شايف العربية كلها متدمرة وكمان ماشية بالمساعدين بايظة بقالها سنين..
انا كمان بشوف عربيات بتيقى حوالين الثلاث مسامير بتوع البطاحه بتبقى متكسرة برضه ...

ورأيي في الموضوع ده ان الموضوع بيرجع لنظام صيانة العفشة الدورى وتغيير المساعدين التالفة لآن كل التكسير ده بيحصل بسبب المساعدين التعبانة ..

كلامك معقول جدا بس انا بعدماشتريت العربية اكتشفت ان الجزء ملحوم قبل كدة وبعمل صيانة للعفشة باستمرار والمساعدين غيرتهم وحالتهم جيدة ومفيش اي تكسير ظاهر خالص في الحوض تقريبا ان اللحام القديم مع الوقت فتح تاني ... السؤال - هل الجزء دة بيتغير ولا لأ ؟ ... ولك الشكر