انت جايب السبويلر ده منين وبكام يا h
عرض للطباعة
انت جايب السبويلر ده منين وبكام يا h
بص يا سيدى الاسبويلر دة لة حكاية انا قعدت ادور الاول على اسبويلر ينفع يركب على التمبرا لازم المقاس بال سنتى و يتحط على العربية كتجربة للتاكد و لفيت شارع دمشق لقيت الاسعار بحوالى 450 و 500 جنية و بعدين فية محل اسمة على رضا فى مدينة نصر لقيتة عندة و النوع دة المستورد لقيتة ب 500 جنية و مش مدهون طبعا و النوع الى مدهون و جاهز يبدأ من 600 جنية بس مفيش اللون طبعا و الاسبويلر دة بيركب على الانسر و طبعا ما اشترتش لانة كدة غالى و رحت على الحرفين و لفيت فية منة مصرى بس خامة تعبانة جدا و بعدين لقيت المستورد ( صينى ) او تايوانى مش متاكد لقيتة ب 280 تقريبا مش متذكر بالظبط و الراجل ركبة ووصل الكهرباء بتاعت الاستوب و جنب المحل عندة بتاع دوكو رشيتة عندة و التكلفة الاجمالية تقريبا 400 جنية بالرش و اتعرفت على الراجل بتاع الدوكو و بقى حبيبى و رشيت عندة العربية ال 127 فرن و رشيت عندة عربية اخى هيونداى اكسيل الحياة يا صديقى العزيز علاقات اجتماعية تبدأ بحاجة صغيرة جدا و تنتهى بشبكة علاقات عامة جيدة للغاية و على فكرة موضوع الرش و التركيب أخد حوالى 3 ساعات بأقل تقدير و عندى لة صور هيييييييييييية على الكمبيوتر بتاعى فى البيت حا ابقى انزلها لك
هشام بصراحة انت موسوعة
ربنا يكرمك ويحبب فيك خلقه
بس انا هأجل موضوع الشراء شوية ( المصيف ومصاريفه كل سنه وانت طيب )
هأقولكم على تجربتى اليوم بالنسبه للحرارة وهى تجربه مفيدة جدا وبسيطه اوى شوف يا سيدى رحت غسلت دورة التبريد لان الحرارة عندى كانت بتوصل لغايه 97 وبعدين تنزل ل 92 كدة العربيه سخنه على طول والمياة فى حاله غليان مستمر ودة غلط جدا المهم ما سكتش على الموضوع انا لسه شارى العربيه امبارح بس بس انا بركب عربيات من اكتر من 15 سنه يعنى الحمد لله عندى خبرة كويسه بالعربيات المهم لما غسلت دورة التبريد عشان الحرارة تنزل مكنش فيه تقدم رحت رايح على محمد يوسف اللى فى الدقى سألتو عندك ترموستات تمبرا واطيه طلعى ترموستات اسبانى سعرها 60 جنيه درجه الحرارة بتاعتها 92 87 العالى والواطى 87 82 قولت فل اوى هو دة المطلوب لان اللى راكب 97 92 و 92 87 يعنى الجديد اقل خمسه درجات وهو المطلوب اثباته اشتريتو ورحت ركبت تخيلو ايه اللى حصل لاقيته بيشتغل عند درجه حرارة 100 وينزل 95 اقل حاجه مصيبه سودا يضرب الجوان على طول المهم فقيته تانى ورحت مخلى الرراجل بتاع الردتير يصنفر القديم كويس لان عوامل السخونه فى الميه بتصدى وبيخلى الترموستات تفقد حساسيتها وهى اصل شغلها الحساسيه بعد ما اتصنفر كويس ركبتو بصراحه العربيه اتظبطت فى الحرارة اقصى حرارة توصلها 92 وبتنزل الى 85 تقريبا ان شاء الله لما اشغل التكييف هقولكم الحرارة زى ما هى ولا فى تغيير
على فكرة يا جماعه المقاومه اللى فى المروحه دى مسؤله عن السرعه البطيئه لانها مقاومه يعنى خافضه للتيار
وانتظرونى فى الجديد
مبروك العربية يا باشا و ربنا يديلك خيرها و 1000 مبروك
الله يبارك فيك ياباشا والله انتو اللى حببتونى فى التمبرا وبصراحه هى عربيه تحفه ناعمه جدا
وعايز اسالكم على حاجه فى حد قبل كدة اشترة كتاوت التكييف استيراد وكان سعرو كام لو حد اشتراة او يعرف سعرو
دى الى عليها دايرة بالاصفر http://img13.imageshack.us/img13/2251/29042010356.jpg
الكتاوت اللى عندى راكبه تحت التابلوة فى الصدر خلف شنطه التابلوة ولها رقم b837 انا سألت عليه جديدة كانت ب 380 طبعا غاليه جدا لانها عبارة عن مقاومه و ريلاى ومبرد يعنى لو هى مفتوحه كنت عملتها على ايدة بس المشكله انها كلها طبخ عشان محدش يعرف ايه اللى جول من اللى برة على فكرة يا جماعه اللى عايز ايه حاجه من الكتالوج الاصلى بتاع العربيه موجود عندى كل حاجه فى العربيه الموديل اللى عندى 96