انا اسف على التاخير فى الرد
بصراحة انا قريت كل الردود ولقيت فيها ود وحب بين الناس اللى موجودة وفى اهتمام من كل الناس بالحضور, فحسيت منه بجمال اليوم اللى حنكون فيه مع بعض باذن الله
وبوجه الشكر لبيشوى ومحمد علاء على المجهود فى التنسيق ودعوة الاعضاء , بصراحة فعلا انتم اخوة واصدقاء محترمين الواحد بيعتز بيكم جداااااااااا
----------------------------------------------------------------
:shnory
انا جاااااااااااااااااااااااا ااااااااااي لو الظروف سمحت يا باشا
وحيكون معايا صديق ليا من بره المنتدي
اكيد من غير اى نقاش ولا كلام حتنور يا فندم وصديق حيكون فوق دمغنا ,وباذن الله ظروفك تسمح وتكون معانا
---------------------------------------------------------------
mgazaly:
يا مسهل لو كنت موجود والظروف سامحة هاكون معاكوااا
استاذ محمد حتنورنا يافندم وباذن الله الظروف تسمح , وحتى لو مقدرتش تكون موجود , فكفاية انك حاولت واكيد لو مقدرتش تيجى حنخسر انه يكون معانا صديق محترم زيك
--------------------------------------------------------------
m.mostafa80
معاكم ان شاء الله
محمد مصطفى القلب النابض لفولكس حتنورنا يافندم
----------------------------------------------------------------
mahamedaraby
ان شاء الله معاكم
وعلشان الوقت للاسف كبير فمش هقدر احدد ظروفى بس اذا الامور مشيت طبيعى هكون معاكم ان شاء الله
وانا يشرفنى ان اشوف ناس زيكم واتقابل واتكلم معاهم على الطبيعيه
ان شاء الامور تبقا ماشية تمام وتنورنا يافندم
--------------------------------------------------------------
Opelvectra
انا ان شاء الله لو ربنا اراد معاكم باذن الله و يا رب يبقا يوم جميل زيكوا كدة
ان شاء الله تكون معانا ومبروك العربية وباذن الله اسرة تيدا تكون فى ازدياد
------------------------------------------------------------------
alsab3
أستاذ /أحمد أخى وحبيبى سعيد بدعوتك والروائع التى طالما عهدناها منك.
ان شاء الله انا معاكم
ومعايا ضيف اكيد ان شاء الله سنستفيد منه الكثير فنيا وهندسيا فى قسم النيسان وعلى المستوى الشخصى
صديق وأخ ....ودى هديتى ليكم فى المقابلة ان شاء الله.اراكم 2/7 ان شاء الله
وسعيد بكل الحضور حتى الان.شكرا.
م/حاتم فوزى
حاتم باشا انت من مفاجات اليوم الجميل ده فعلا , وباذن الله حتنورنا وتشرفنا فعلا , الناس كلها نفسها تشوفك وتقعد معاك عن قرب اكتر وقت , ونفسها تردلك جزء من مجهودك وروحك الجميلة اللى بتبذلها بحب وود معانا ومن غير اى مقابل فعلا ,
وانت بجد انسان محترم فوق الوصف وربنا يقدرنا ونردك حاجة من اللى بتعمله معانا
وربنا يوفقك فى شغلك الجديد فى مجال الطيران
ويارب احاول ابيع التيدا وادييب طيارة عشان اجى وانت اللى تعملى الصيانة هههههههه
وجودك معانا شرف لينا وكمان ضيفك فوق دمغنا وحيكون منورنا وباذن الله تنسبطوا معانا ان شاء الله
-----------------------------------------------------------------
karim_monir
والله يا احمد انت عامل مجهود زي الفل تشكر علية
وان شاء الله اكون من الحاضرين يومها
واغير جو للاطفال برضه لانهم زهقو من اسكندرية والساحل
انا شاكر انك لبية دعوة الحضور , وفعلا وجود معانا بيسعدنا يا كريم باشا , وانت من مفاجات اليوم الجميل ده لان وجودك معانا بيعطى قيمة كبيرة اوىىى مش لقسم نيسان لاى مكان بتتواجد فيه
وفعلا انت انسان رائعععع جدا على المستوى الشخصى
وجدع جداااااااااااااااااااااا وتستاهل كل خير
وبالنسبة الى نقل الموضوع انا فتحت موضوع فى قسم المقابلات فى الاجتماعى وحطيت اللينك فيه وكل تمام
-----------------------------------------------------------------
sskarim
معاكم ان شاء الله..
استاذ سامح الانسان االجميل والرائع حتكون منورنا يا فندم بجد , وانا نفسى اقعد معاك فعلا , وحتشرفنا
-------------------------------------------------------------------
shnory
اوباااااااااااااااااااااا ااااااااا
بتقولها في وشي كده
زهقت من اسكندريه يا كريم
ماااااااااااشي
محروم من حضور مقابلات اسكندريه لمده اسبوعين ههههههههههه
وحعلق صورتك علي البوابات كمان
ياشنورى متظلمش كريم حرام عليك ده عايز يريح اهل اسكندرية , هو فى حد يقدر يستغنى عنكم يوم
كل مرة بس بنيجى وبنتعبكم معانا , وبصراحة نفسنا نعمل حاجة بقا ونريح اهل اسكندرية معانا وكمان كريم
لانكم دايما بتبذلوا جهد كبير فى المقابلات الاجتماعية ودايما بتسعدوا الناس وحقكم علينا نسعدكم
-----------------------------------------------------------------
mohamedbook
انا معاكم ان شاء الله
استاذ محمد فوزى بجد حتنورنا يافندم بجد وده شرف لينا
---------------------------------------------------------------
moonnight000
معاك يا باشا بإذن الله
احمد عادل باشا نجم التيد البيضا ابو قلب ابيض اللى اتشرفت بمقابلته من فترة قريبة وكنت سعيد بمقابلتك دى وحكون سعيد بحضورك طبعا مقابلة نيسان
-------------------------------------------------------------
largeman
و تتوالي مفاجأت يوم مقابلة اعضاء نيسان 2/7/2010 و هو حضور المهندس كريم اسامة
ده خبر جميل جدا يا بيشوى ,ايه الحلاوة دى امتى يجى بقا يوم 2-7 بجد
------------------------------------------------------------------
Eng_Nissan
انا معاكوا ان شاء الله بس ليه سؤال رفيع جدا ..
الناس اللي جيه ان شاء الله كله عزاب يعني اطلع فرداني ولا في حد جي مع اسرته فاجيب المدام ؟
عشان عايز اتعرف بيكوا على رواقه ونقضي وقت ظريف كلنا مع بعض ان شاء الله من غير ما اسمع من المدام (انت سايبني لوحديييي) هههههه اكيد المتجوزين عارفين القصه دي .
حتنورنا يا فندم بوجودك انت والاسرة , متقلقش فى ناس طالعة معانا وجايبين معاهم اسرهم الكريمة , وحتى منهم انا حيكون معايا المدام وحمايا وحماتى كمان ,شوفت بقا
وبعدين القرية متزهقش لان فيها مناظر جميلة
وبعدين حنخلى المدمات يقعدوا مع بعض واحنا نروح نقعد مع الشباب وحنقضى وقت جميل
---------------------------------------------------------------
المفضلات