اقتباس المشاركة الأصلية كتبت بواسطة dr_eid مشاهدة المشاركة


بيان هااااااام
علشان ماحدش تاني يقول لي انت سوري( من سوريا) و لا اسمك دكتور دريد. قررنا تغيير اسمنامن drdreid الى dr_eid و يا خسارة ال 75 مشاركة اللي جمعناهم بالعافية و لسة برضه عضو جديد. ادينا هنبتدي من الأول
اما بخصوص مقابلة فايد
فأنا مش هاشكر احمد مصطفى
انما انا هارشحه لعضوية مجلس الشعب عن الدايرة الأولى في محافظة نايل موتورز.
كمان بيشوي كان سكرة
محمد علاء كان زي الدينامو و منتهى الذوق و الإحترام
حاتم فوزي حبيبي من ايام الجيزة
المهندس سامح كانت بجد فرصة سعيدة
محمد قاسم اتشرفت بمعرفتك
محمد رماح و احمد عادل و يوكو و اوكتو و وليد من مركز السبع و كل الحبايب اللي مش متذكر اساميهم ( معلش الزهايمر بيحكم)
انما لي ملاحظتين
اولا ايه كل الشباب الصغيرين اللي زي الورد دول... بس برضه الحمد لله لقيت شوية عواجيز من دوري نتكلم معاهم
ثانيا: المنتدى ده مليان مهندسين بشكل يغيظ، المهندس فلان و الباشمهندس علان و اللي فيهم مش مهندس يبقى طالب في كلية هندسة. ده لولا ابننا احمد عادل كان الوضع يبقى غريب جدا
عموما اهي كانت فرصة اننا كدكاترة ننزل من برجنا العالي ( برج الأطباء 55 ش الجيش الدور التاني ت 1234567890 يوميا من 7 الى 10 ماعدا الجمعة و الكشف ب...........ولا بلاش ) و نقعد مع عامة الشعب. و الله كان يوم ظريف يا شعب.
طبعا هذا الكلام لا يخص الأخ اللواء المستشار الدكتور الوزير المحافظ شنوري كبير عموم نواحي الإسكندرية.
اللي بالرغم من اننا ما تبادلناش غير كلمات قليلة الا اني لمست طيبة قلبه و روحه الحلوة و اكتر حاجة عجبتني بجد بره بأهله. تعظيم سلام لسيادته
عموما كان يوم جميل و خروج عن الروتين و اتمنى اشوفكم تاني قريب.
مع تحياتي للجميع
د. عيد
والله يا دكتور الناس اللي زي حضرتك..بيضيفوا للمقابله مكانه كبيره والله..
بالنسبه لإسم حضرتك...ممكن تقدم طلب فى قسم الإقتراحات أو فى اللينكات دي مباشرة طلب بتغيير إسم العضويه القديمه للإسم اللي حضرتك عايزه..
بس تبغلهم بحذف العضويه الجديده دي...لإنها مخالفه ...
وده لينك الموضوع...
http://www.nilemotors.net/Nile/41838-a.html
http://www.nilemotors.net/Nile/90101-a.html
عشان بس حضرتك تحافظ على المشاركات اللي حضرتك عملتها...