الموضوع: ايه رأيك في كثرة الواعظين في المنتدى ؟

المشاركة الأصلية كتبت بواسطة ams

المشكلة فى الارهاب الفكرى و عدم تقبل الاخر او حتى ان يكون له رأى او منهج مختلف
"الملتزمين" دينيا بيشوفو "المتحررين" عصاة و غافلين و مضحوك عليهم
"المتحررين" بيشوفو "الملتزمين" معقدين و رجعيين و متخلفين

متفق تماما :) , كل طرف بيعمل اللي شايفه غلط من الطرف التاني !!

المشاركة الأصلية كتبت بواسطة hamadamdph

عملا بدعاء سمعته من زمان وعجبني: "اللهم اني اعصيك ولكني احب من يطيعك فاجعل حبي في من اطاعك شفاعة لي في معصيتك"

الله يفتح عليك يا باشا بصراحة الدعاء ده من اعظم الاقوال المأثورة و الادعية للامام المحدث فضيلة الشيخ محمد متولي الشعراوي رحمة الله عليه و انا متفق مع وجهة نظر حضرتك تماما

المشاركة الأصلية كتبت بواسطة pro_samir

وذكر فإن الذكري تنفع المؤمنين

يعني بشكل عام الطبيعي انك لو شايف حد بيعمل أو بيقول حاجة لا تصح شرعا المفروض تنبهة لكدة

زي ما بنعمل في العربيات لو حد فاهم حاجة غلط بنقولة الصح فا الدين أولي لأنة منهج حياة

لكن بصراحة في ناس احيانا بتزودها مع ان الموضوع مبيكونش مستاهل أو بيكون محدش غلط أصلا

بالرغم من ان معظم الردود قيمة جدا و محترمة الا انني وجدت رأيك يا بشمهندس و رأي الاخ حمادة لخصوا آراء الجميع و احب ان اضيف شيئا صغيرا هو انه اهم ما في الموضوع شخصيىة المتلقي للنصيحة فأذا كان شخصية متفتحة و مستنيرة فهما كانت النصيحة حتي و لو كانت تحمل معني آخر غير النصيحة فأنه سيتقبلها فأنا بكياستي و فطنتي و هكذا المفروض ان يكون عليه المسلم سأتمكن ان اعرف نوايا ناصحي فأذا كانت طيبة فسأتقبلها منه بصدر رحب جدا و اشكره و اشجعه علي الاستمرار و ان شعرت بسوء نية من ينصحني لانه توجد بعض الشخصيات المريضة التي تريد ان تنصح و تحرج و تجرح فأنا ايضا قادر ان اكشف له حجمه الطبيعي و بنفس الصدر الرحب ايضا و لكن رسالتي ستصله
و اخيرا انا احيي صاحب فكرة الموضوع علي الطرح الطيب

الوعظ دة بقى ثقافة مستشرية فى المواضيع بشكل ممل لا يحتمل والحل بسيط جداً هو تدخل من إدارة المنتدى.
الطبيعى إن أى مشاركة لا تصب فى محتوى الموضوع تحذف وتعتبر Spam.

فيه قاعدة أنا لاحظتها فى المنتديات الأجنبية اللى شاركت فيها بيتم تطبيقها على الأقسام اللى تشبه الإجتماعى ، اللى فيها نقاشات وحوارات ، وهى إن أى مشاركة خارجة عن الموضوع ولا تضف له قيمة تعتبر Spam ويتم التدخل من الإدارة بالتنبيه والتحذير.

الوعظ دة يندرج تحت بند الخروج عن الموضوع ومن المشاركات التى لا تضيف أى قيمة لمحتوى الموضوع و الواجب التحذير عليها.

واحد فتح موضوع بتسمع ايه وانت سايق ، معنديش أى مشكلة انك تدخل تقول "بسمع قرآن".

إنما لما حد يفتح موضوع ويقول "بتسمع موسيقى ايه وانت سايق؟" ، مش طبيعى أبداً تدخل تكتب أنا بسمع قرآن!!! عدد كبير من المشاركات "أنا بسمع قرآن" ، طب وهو القرآن موسيقى؟.

ولا يتوقف الموضوع عند هذا الحد ، فتلاقى المشاركات إن لم توجه بشكل مباشر فهتلاقى فيها همز ولمز واللى بيسمع موسيقى دة كافر زنديق أو يحكيلك قصة حياته مع الأغانى وقد ايه كان عاصى وكله ذنوب وبيسمع أغانى وبعدين ربنا كرمه وهداه وبقى حافظ القرآن كله!! ، أو تيجى مشاركة مباشرة تقلب كيان الموضوع كله وينزلك فتوى الشيخ مش عارف مين بشأن الموسيقى والغناء ، أو يحطلك لينك لنفس المحتوى!!

بغض النظر عن كون المشاركة وعظ أم لا ، المفروض الإدارة تأخذ فى اعتبارها إن أى مشاركة لا تصب فى محتوى الموضوع تحذف ويتم التحذير عليها والتعامل معها على انها مخالفة ، سواء المشاركة كانت وعظ أو غيره.

والى أن يتم هذا الأمر فلابد أن نتعامل مع هذه المشاركات بالتجاهل التام ، لكن بدون تدخل الإدارة سيبقى الحال كما هو عليه ، موضوع زى دة ممكن ينشر الوعى ، لكن لن يقضى على الظاهرة.

أنا عادة بتجاهل المشاركات دى وفى بعض المواضيع لا تمثل مشكلة ، إنما أحياناً الموضوع بيزيد عن حده.

على خلاف ما قد يتوقعه الكثيرون فأنا سعيد بإعادة فتح هذا الموضوع في هذا التوقيت...في الحقيقة مش عشان المناقشات..لأ..الكلام اتقال قبل كده ألف مرة في المنتدى وبره المنتدى..وفي النهاية الحق يسطع ويقطع..والزبد يذهب جفاء وما ينفع الناس يمكث في الأرض
أنا سعيد لأسباب أخرى
منها عدة أسباب موضوعية جدا ومنها أسباب فكاهية لا داعي لذكرها (ولكنها موجودة على أية حال)
ومن أهم الأسباب الموضوعية...أنني تأملت في حال بلادي ووجدت أنها على طريق خير إن شاء الله برغم التشتت والضعف وشدة الانحرافات إلا أن الأمل موجود وقوي ومبشر بالخير

طالما أن من يرتكبون الخطأ ولا يحبون النصيحة ويحبون تنحية الدين -مهما حاولوا التجمل- طالما يشعرون بالغربة ويحاولون تقليل الشعور بالاغتراب بأي وسيلة حتى لو كانت تحصيل حاصل..فإن معنى هذا أن المعادلة العامة في طريقها للاعتدال إن شاء الله

كلامي السابق مجرد دعوة للتأمل فقط وليس دعوة للمناقشة لأن الموضوع تمت مناقشته كما ذكرت مئات المرات...فقط لو كنت موافقا أو مخالفا للفكرة أعلاه...امنح نفسك فرصة للتأمل

خايف أقول إنه موضوع مميز ومفيد جدا حد يفهمني غلط من الأجيال الجاية..لكنني في الحقيقة لا أستطيع إخفاء إعجابي بالموضوع لأسبابي الخاصة كما ذكرت
أتمنى أن يظل الموضوع هادئا دون الدخول في احتدادات أو حتى مناقشات حتى يتحقق أكبر قدر من الفوائد

المشاركة الأصلية كتبت بواسطة بحري

أنني تأملت في حال بلادي ووجدت أنها على طريق خير إن شاء الله برغم التشتت والضعف وشدة الانحرافات إلا أن الأمل موجود وقوي ومبشر بالخير

انا ايضا يا دكتور بحرى عندى نفس الاحساس و الحدس ان الفجر حيطلع و يكشف كل الظلام
و متفائلة بالايام القادمة جدا مع كل التوترات والاحداث و التطورات الحالية و المتوقعة قريبا
و مش عارفة معايا حق ولا لأ
بس خير ان شاء الله " تفاؤلوا بالخير تجدوه"

الحمد لله وصلنا لمرحلة لما حد ينصح حد يبقى فشخرة ومنظرة وواعظوالاستاذ يسالك بكل بساطة "ليه تدخلوا الدين فى كل حاجة" اه فعلا حاجة غريبة اوى الدين يجماعة فى الجامع بس وبالكتير اوى تروحه يوم الجمعة ولو مرحتش مش مشكلة يعنى المهم قلبك يبقى نضيف

المشاركة الأصلية كتبت بواسطة spear

لأن الهوس الديني أصبح من الأمراض المسيطرة على المجتمع بداع او بدون داع
فأصبح الفكر الديني هو الأسلوب القمعي لوأد أي فكرة او طريقة للتعبير عن الرأي

تقول مثلا : التأمين يا جماعة .....يقولك خلّيها على الله او ان التأمين حرام !!!!
تقول : بتحبوا مزيكا ايه؟ .....يقولك المزيكا مزامير الشيطان و أبواق الجحيم
تقول : حلّوا عن تيت ابونا بقى و متقرفوناش .... يقولولك انت انت فاجر و ممكن كافر لو لزم الأمر

الشعوب التي لا تنتج الا هذا الهراء الفكري لن تتقدم خطوة واحدة الى الأمام في اي شيء
فاللعن و السب في العالم هو فكرها الوحيد
حتى انهم يظنون ان العالم المتقدم ما هو الا اناس مسخرين لخدمتنا فقط

الى مزبلة التاريخ و العالم ايها الظلامييون

لما الناس تهتم بالدين وتنصح يبقى هوس دينى؟؟؟؟؟؟؟؟؟؟ وظلاميون يستحقوا مذبلة التاريخ؟وكمان هراء فكرىانا مش مصدق ان المشاركة دى عدت من غير انذار حتى للاسلوب