الموضوع: فيكترا 95 عربية حصوة

كنت اول امبارح فى الحرفيين و انا ماشى وربنا ستر العربية صوتت
(طقم دبرياج)
اصلا كنت رايح اجيب مروحة تكييف و مساعدين بلاشتين لقدام
و بعد مجبت المروحة العربية صوتت ولانى مغير البلى كلو عرفت انو بلية الدبرياج بمجردج مسمعت الصوت رحت للميكانيكى يشوف اية محتاج يتغير و عينك ماتشوف الا النور الولا الميكانيكى قعد عشر دقايق يضرب كف على كف و انا و ابويا بنحاول نقنعة اننا جايين بيها من اسكندرية على 140 سرعة ثابتة و بتقل و تزيد حسب الطريق
و ابويا نفسة الى كان بيقولى غير بحاجة احدث قعد ماسك الحاجة الى طالعة و يضحك
المهم الحمد لله ان البلية مقفشتش وانا على الصحراوى لانها كانت اكنها مفيهاش رولمان بلى و حتى الجزء الثابت بتاعها كان بيتحرك و ياسلام لو تشوفو الديسك و الاسطوانة اكن واحد مصنفرهم و خصوصا الاسطوانة كانت على المسامير الحشو
المهم جبت ديسك استعمال بحالة الزيرو ب 120 جنية و اسطوانة و بلية المانى جداد ب 380 جنية
بس دة منة استنتاج واحد زى ما بتوع قطع الغيار و الميكانيكى قالى
(العربية دة حصوة ) وواحد بتاع قطع غيار قالى(ابنى بيضرب نفسة بالجزمة بعد مغيرها)
و سمعت فيها 45000 ودة بجد من بق واحد كان واقف بس قالى ركب المساعدين و مروحة التكييف و طقم الدبرياج و اخدها ب 42000 ب لما قلتلة ما ببعش قالى اخر كلام 45000 و تجبلى شهادة المخالفات ب بصراحة و الله صعبت عليا لانى بحبها جدا لانها عربية اصيلة و محترمة بشهادة كل بتوع قطع الغيار و المكانيكية و خصوصا بعد الموقف دة و الى سمعتة عنها و مكنتش حلاقى زيها فى التحمل و الكفائة رغم ساعات بشد فى شعرى منها
هى فيكترا 1995 1600 مانيوال
مش عارف اية علاقة الكلام ببعضة بس دة بيجاوب على اسئلة كانت اتناقشت قبل كدة عن متانة العربية و سعرها وكلامى كلام سوق مش كلام جرايد
وعلى فكرة هى مطلوبة جدا خصوصا فى القاهرة و الصعيد و المناطق الريفية
بس الغريبة محدش مقتنع ان فية 2000 سى سى مانيوال لانى كنت ناوى اجيبلها الموتور ال 2000 بالجير بكس المانيوال بس كلو قالى (دة بينزل بفتيس اوتوماتيك يا افندى)

معلش طنانى باشا هى حصوة من بق بتوع قطع الغيار و الميكانيكا يعنى عربية جامدة و اللفظ التانى الى زية هو حتة حديدة بس كلمة حصوة كانت جديدة على ودانى فعجبتنى