الموضوع: الحرارة ناااااااااااااااااااااااا ار

المشاركة الأصلية كتبت بواسطة cayman69300

من اول امبارح لما عملت الخرطوم اللى كان مقطوع بس برضوا حاسس ان العربية بتسحن شوية
يعنى فى النهار من غير تكييف من 90 : 95 & بالتكييف من 95 : 98
فى الليل من غير تكييف من 90 : 93 & بالليل بالتكييف من 93 : 96
المهم النهاردة بصيت على المية كويسة و مش ناقصة و الدورة فيها ضغط كالمعتاد " يعنى مفبهاش تسريب و الحمد لله "
روحت اشتريت جركن مية خضرا و مكنتش عايز اغير للمية الخضرا غير لما احسن ان العربية مفيهاش تسريب لانى مش ممكن احط مية خضرا و بعد كام يوم الاقيها زى الاول و اكملها مية من الحنفية . طبعا هيبقى فى قمة الهبل
المهم اشتريت الجركن اللى فى الصورة و دة 5 لتر و بسعر 45 جنية و سالت الراجل و بصراحة هو امين و راجل محترم
لو سمحت المية دى اعتبرها لعربيتك انهى الاحسن الموبيل و لا النوع دة
الراجل رد بكل صراحة و قالى : الاتنين زى بعض و النوع دة ايطالى بس 5 لتر و ارخص من الموبيل ب 5 جنية
طبعا الراجل لو كان نص كم كان هيقول الموبيل احسن لانة اغلى و اكسبلة

طلعت على بتاع الردياتير و سالته على الحرارة انها بتوصل بالتكييف 98 " الراجل دة من انضف الناس بتوع الردياتيرات فى اسيوط و فاهم جدا " رد عليا و قالى عادى لان الجو نار
و فعلا غيرنا المية العادية اللى فى الردياتير و حطينا المية الخضرا و انا حاسس ان الحرارة زى الاول بس اكيد المية الحضرا انضف من مية الحنفية
و اكيد برضوا على المشوار الطوالى هتنضف اكتر سواء لو شوية املاح فى دورة المية او اى شى تانى و هيريح الطرمبة بتاعة المية من الاملاح
انا رفعت صور الجركن بتاع المية الخضرا الايطالى
فى الوش و الضهر
و كمان صورت درجة الحرارة الساعة 13.47 ظهرا لان العربية لسة مظبوطة على التوقيت الشتوى
على فكرة قبل ما حد يقول اى حاجة المراوح شغالة سواء فى السرعة البطيئة او السرعة السريعة و انا النهاردة كانت على 94 و كانت شغالة السرعة البطيئة وقفت قدامها دقيقة و اشتغلت السرعه السريعة على 95
فالمراوح زى الفل الحمد لله
بس بصراحة مش هاين عليا اشغل التكييف و اخلى العربية على 98 لانها بتصعب عليا اوى اوى اوى

http://www.multiupload.com/erwhwyr8hf

http://www.multiupload.com/j23jnro9j5

http://www.multiupload.com/8dlzxl5fmg

بص العربية متقلقش منها لحد 98 بس هى اصلا مش العادى انها توصل لكدة
اية اخبار طلمبة المية والرادياتير

المشاركة الأصلية كتبت بواسطة ashouhdy

درجة حرارة الجو 48 ؟؟؟ معقول ؟

وساعات بتعدى ال 50
درجات الحرارة بتاعت الجرايد والنشرة دى درجة الحرارة فى الظل تخيل فى وسط الزحمة والشمس والعوادم والتراب توصل كام

متقلقش ياباشا لغايه 98 عادي جدا في الاوبل مع التكييف.