الموضوع: لو رجع الزمن بيك 10 أو 15 سنة ... كنت حتعمل أيه ؟؟

تاخد كام وتركبنى اله الزمن دى

علشان انا طهقت

المشاركة الأصلية كتبت بواسطة terrible_darsh

لو علمتم الغيب لاختارتم الواقع .

بصراحة لو رجع الزمن مكنتش هغير غير حاجات بسيطة جدا يعنى فى حاجات مكنتش هعملها و بس على كدا .

لكن لو رجع الزمن بأهلى كانوا ممكن يهاجروا و اتولد فى بلد تانية .

آه جيت على الوتر يا معلم ممكن بقى شرح مبسط كده لمعنى لو علمتم الغيب لاخترتم الواقع

السلام عليكم

الموضوع ده عاااااجبنى موووووووووووووووووووووت بجد عجبنى اوووى

انا عندى 30 سنه يعنى لو خصمنا منهم 15 سنه حيبقى عندى 15 سنه يعنى تقريبا فى اولى ثانوى على ما اعتقد

1- اخبرنى من تصاحب اخبرك من انت ,,,,,,,,,,, فعلا صدقت هذه المقوله بالرغم ان اكتر اصحابى كانوا ناس محترمه وناااس متدينه وليهم الفضل بعد الله سبحانه وتعالى انى مبقاش عندى اميه دينينه يعنى على الاقل اعرف الثوابت الدينيه بس كان فى كذا واااحد كده كنت اعرفهم وهما دول اللى فعلا اوجدوا النقطه السوده فى ملفى زى ما بيقولوا

وتأثيرهم وضح اكتر بعد بعدت عن اصحاب الخير لظروف دراستى وشغلى فلو رجع بيا الزمن كنت قطعت علاقتى بيهم نهائيا



2- الحاجه التانيه هيا الاعتماد على النفس
انا مش عارف كنت حعملها ازاى زى بس انا بحمل واالدى جزء كبير منها لانه كان بيخااف عليا اكتر من الازم ودايما كلمه انت لسه ولامؤاخذه عيل عيل دى ممكن تخليك فعلا عيل
يعنى لسان حالى بيقول لنفسى وابويا هنا اضاعونى واى فتى اضاعوا

3- ممارسه الرياضه: ودى فعلا انا مهمل فيها جدااا ممارسه الرياضه كانت لو تمت من صغرى كانت فرقت معايا كتير بجد وكانت اديتنى جزء من الثقه بالنفس اعلج بيها المشكله رقم 2 فعلا كان نفسى امارس رياضه

4-للحياه العمليه فانا الحمد لله دخلت الكليه اللى بحبها واتخرجت منها وحاليا مهندس سيارات بس كنتى اتمنى اتقانى للغه الانجليزيه اكثر لمتطلبات الحياه العمليه والمهنيه


ملحوظه: انا تقريبا كل 5 سنين من عمرى بتمنى المرحله العمريه اللى قبلها يعنى لما كنت فى اعدادى تمنيت ارجع عيل والعب ومفيش حاجه فى دماغى زى الابتدائيه ولما روحت الثانويه كنت عاااوز ارجع لورا برضه لانى مقتنع ان زمان احلى ولما دخلت الجامعه وشوفت قرفها وجربت لاول مره فى حياتى معنى انك تشيل ماده ومادتين قولت دى ايام الثانويه كانت نعمه وكنت عااااااايش ولما اتخرجت واشتغلت وشوفت قرف الشغل وقومت بنفسى قولت ده ايام الجامعه كانت تهييس وزى ما بيقولوا احلى ايام العمر حتى بعد ما اتجوزت وربنا رزقنى بمعاذ قولت فين ايام قبل الجواز وعايش مع امه واكلى وغسيلى وكل حاجه بلاقيها جاهزه ومش لااازم ارجع البيت بدرى ودماغى فااضيه


هوا انا حفضل كده على طوووول ولا ايه؟؟؟؟؟؟؟؟؟

مافيش حد راضي عن حاله

و انا طبعا زيكم مش راضي

بس الشئ الوحيد اللي ممكن افكر فيه هو اني كنت اتمني اني اكون ملتزم دينيا اكتر من كدا و اتفرب الي الله اكتر و كانت اكيد حاجات كتير هتتغير في حياتي بسبب تقربي اكتر الي الله سبحانه و تعالي

عموما دعونا لا نبكي علي اللبن المسكوب و اللي راح ما بيرجعش و بعدين كل واحد بياخد المكتوب و المقدر اللي من نصيبه اهم شئ الحاضر و المستقبل احنا فين من ربنا
و الله يا جماعة بعدنا عن ربنا هو سبب كل المشاكل اللي احنا فيها حتي اللي مرتاح ماديا و معندوش شكوي من قلة موارد مادية يقولك انا مش سعيد انا نفسي احس بطعم السعادة و الطمأنينة الحقيقية

ربنا يرحمنا برحمته

المشاركة الأصلية كتبت بواسطة wesam_salom

تاخد كام وتركبنى اله الزمن دى

علشان انا طهقت