لو رجع الزمن بيك 10 أو 15 سنة ... كنت حتعمل أيه ؟؟

**korkor** · 16-06-2010 03:01 PM

اكيد ماكنتش هاخش هندسه كنت هاخش تجاره
كنت هقلل من وزنى شويه علشان مايجنيش سكر فى السن دى
ناس كنيره من اللى اعرفهم كانت نظرتى ليهم كانت هتتغير بعد ماشوفت تصرفاتهم دلوقتى
ماكنتش هتجوز وانا عندى 25 سنه كنت هاتجوز وانا عندى 30 سنه

**osoliman88** · 16-06-2010 03:10 PM

في حاجات اتنية افتكرتها
حأحاول أسمع أكتر من اني اتكلم ، وابطل أصر على أن أمشي الناس على مزاجي ، وأبطل تنصيب نفسي النائب العام عن الناس وحقوقها مع أنه في معظم الحيان محدش طلب مني الدفاع عنه ، يعني مش شرط الواحد يعمل فيها رأس وزة ، وأخيرا حأبطل التسرع في الحكم على الناس سواء بالسلب أو الايجاب.

ولو أفتكرت حاجة تاني هأقولها اكيد

**shaddadfalcon1** · 16-06-2010 04:34 PM

لو رجع بيا الزمن 6 سنين وانا لسه في الكليه كنت هتعلم اكتر واركز اكتر علي العملي مع اني كنت عملت كده بس اخر سنتين بس

ولو رجع بيا الزمن 3 سنين كنت هرفض اني اتجوز في بيت العيله عشان الموضوع ده بهدلني كتيير وجبلي مشاكل كتيير كنت في غني عنها والحمد لله دلوقتي قاعد في شقه ايجار بس مستريح

طبعا لو رجع بيا الزمن مكنتش هتجوز غير مراتي وخصوصا من اللي بسمعه وبشوفه كل يوم

ولو رجع بيا الزمن سنتين كنت قبلت بعرض شغل في كندا باكتر من 80دولار في الساعه يعني كان زمان دلوقتي جايب كل اللي انا عايزه وعايش عيشه محترمه

كنت هفضل امارس رياضه لاني دلوقتي حاسس اني مقدرش اطلع حتي السلم مع اني ايام السنوي كنت بشيل شكارة الأسمنت ال 50 كيلو كانها لعبه

كنت مش هرتكب ذنوب كتيره تاثر عليا بعد كده مع اني الحمد لله دلوقتي متدين والفضل لله اولا وصحابي في الكليه واخيرا مراتي

الحمد لله كل واحد بياخد نصيبه وماالدنيا الا بيت ندخله من باب ونخرج من الباب الأخر

**MotorX** · 16-06-2010 11:10 PM

المشاركة الأصلية كتبت بواسطة hesham_tawfiq

كنت هصمم على رايى اودام والدى واعيد ثانويه عامه علشان ادرس واشتغل المهنه اللى بحبها انما ملحوؤه ان شاء الله ومش ناوى اكرر نفس الغلط مع بناتى وهسيبلهم الحريه فى دراسة اللى يحبوه

انا سني 38 سنه ونفسي الزمن يرجع بيا 20 سنه لورا علشان اعمل العكس لأني للأسف ماعرفتش قيمة المثل اللي بيقول اكبر منك بيوم يعرف عنك بسنة إلا على كبر ، عموما كل واحد بيبقى مسؤل عن إختياراته والحمد لله على كل حال.

تحياتي.

**ah-gawad** · 16-06-2010 11:22 PM

لو من 15 سنه الواحد كان يعرف الغيب كان حول كل فلوسه دولارات و بعدين حولها مصري تاني لما الدولار عدي ال 7 جنيه و بعدين كان اشتري بالفلوس كلها شقق لما كان احسن حتة في سموحه بالاسكندرية ميعديش 1500 جنيه للمتر و باع دلوقتي لما المتر عدي ال 10000 جنيه ياااااه دي كانت هتباه ثروة بس طبعا الحمد لله علي اللي الواحد فيه لان اكيد اللي ربنا قدره لاي انسان هو افضل شيء له علي الاطلاق و ان بدا في بعض الاحيان لضعاف النفوس عكس ذلك و الحمد لله علي كل حال

**2faster** · 17-06-2010 02:47 AM

المشاركة الأصلية كتبت بواسطة fdido26

لو من 15 سنه الواحد كان يعرف الغيب كان حول كل فلوسه دولارات و بعدين حولها مصري تاني لما الدولار عدي ال 7 جنيه و بعدين كان اشتري بالفلوس كلها شقق لما كان احسن حتة في سموحه بالاسكندرية ميعديش 1500 جنيه للمتر و باع دلوقتي لما المتر عدي ال 10000 جنيه ياااااه دي كانت هتباه ثروة بس طبعا الحمد لله علي اللي الواحد فيه لان اكيد اللي ربنا قدره لاي انسان هو افضل شيء له علي الاطلاق و ان بدا في بعض الاحيان لضعاف النفوس عكس ذلك و الحمد لله علي كل حال

ههههههههههه

ممكن نشتري اله الزمن زيرو من التوكيل او خليجي مش فارقة

ونخش مع بعض في الصفقة دي

بس الخليجي فيها مواصفات اكتر