الشراء بالتقسيط

**zenon** · 15-02-2008 11:49 AM

سلام عليكم
يا جماعه ممكن حد يدلنى اية العمل لو اشتريت عربية بالقسط و بعد سداد القسط لمدة سنة مثلا ظروفى المادية اختلفت و مبقيتش قادر اكمل قسطها الشهرى
انا عارف ان الرخصة بيكون عليها حظر البيع
فى الحاله دى اية العمل اضحى باللى دفعتة وارجع العربية للبنك ولا ايه
و شكرا

**okky222** · 15-02-2008 01:22 PM

يا ريت فعلا رد على الموضوع ده لأنى كنت لسه بفكر لو مفاوضات تقسيط المستعمل فشلت و اضطريت اجيب الزيرو تبع البنوك و لم استطع التكملة ؟. فماذا افعل ؟
و شكرا

**tohamy007** · 15-02-2008 10:37 PM

معلوماتي المتواضعة ان يمكنك البيع عن طريق مكتب سيارات لاكن بيكون البيع سورى بمعني ان بيكون في عقد بينك وبين الشاري عن طريق المكتب وهو بيكمل الاقساط الباقية وطبعا بيكون السعر حسب حالة العربية .... لاني اشك اصلا ان البنك ممكن يوافق انك ترجع العربية وتقولة والله شكرا مش بقدر اكمل !!! مكنش حد غلب وكل واحد اخد عربية استعمالها سنة واخد خيرها وراح للبنك قالة شكرا مش قادر اكمل !! والله اعلم

**boody2** · 15-02-2008 11:46 PM

مع احترتمي لكلام الاخ تهامي ما ينفعشي ان المكتب يسدد الاقساط لسبب بسيط جدا لان شيكات البنك باسم صاحب السيارة طيب افرض ان المكتب ما دفعشي الشيكات و بعدين الرخصة باسم مين...؟؟
الوضع كالاتي

افرض ان حضرتك اشتريت سيارة من البنك ب 50,000 جنيه و بعد الفوائد حتقف ب 60000 جنيه علي 5 سنوات سيكون القسط الشهري 1000 جنيه و بعد سنة تعثرت في السداد و في هذه الحالة حتعرض السيارة للبيع و سيحضر المشتري و ستذهب للبنك و حيكون هناك سداد المتلبقي من القرض بعمولة سداد معجل للبنك (الباقي من قيمة الاقساط )مع خصم فوائد الاربع سنوات المتبقية من القرض و ستاخذ جواب من البنك بيفيد فك الحظر و عن طريق الجواب بتقدير تنقل الملكية للمشتري و ما تنساش تاخد الشيكات من البنك

ارجو ان اكون افدتك

**moody2002** · 09-03-2008 12:34 PM

الحل الاكيد للموضوع ده انك تبيعها لواحد معرفه تثق فية وفى حاجه اسمها عقد اتفاق بنية البيع بتعمله توكيل بالادارة والقياده وبتذكر فى العقد انه يوجد اقساط على السيارة يقوم المشتر بتسديدها ويفضل انه يكمل الاقساط ولازم يكون انت اللى ماسك الموضوع
على الاقل تقبض نصف ثمن السيارة وتقسط الباقى وتقوم انت بالذهاب للبنك ودفع الاقساط انما لو واخدها من شركه وعامله حظر اذهب انت وصديقك وغير جواب للمرور باسم صديقك من الشركه وانقل كل الورق باسمه والموضوع محلول لو فى ثقة فى الشخص ولا تخف كتير يبقبل يشترى منك على هذا الوضع