مطلوب معلومات عن اوبل فيكتورا 97، 98

**mastersami1** · 15-02-2008 11:52 AM

مطلوب معلومات عن اوبل فيكتورا 97، 98
من حيث اسعار اكبر قدر ممكن من قطع الغيار و انا عافر ان سعر السياره حسب الحاله بس لازم هيكون فيه حدود يعني مش هيزيد عن سعر معين بسبب الموديل و ايه اخبار السايره دي هل هي عاليه مع الحمل فيها ما تخبطش في المطبات و نسبة الامان فيها ايه ايه عيوبها و مميزاتها ، لا انا معي تقريبا 50 او ممكن تبقي 55 لوهاجيب ممكن اجيب ايه الاوبل دي ولا تنصحوني بحاجه تانيه شكرا

**Xpert** · 15-02-2008 12:11 PM

اللي اقدر افيدك فيه .. العربيه دي مالهاش حظ .. فاتكلم في السعر علي قد ما تقدر .. الموديلات المصري منها مش مطلوبه اللي بيبقي مكتوب عليها منصور من ورا دي ..
هات دوجان يا عم يا بلدياتي يا بتاع الصعيد انت هيا اللي هاتسد معاك هههه (بني سويف علي فكره )

**delmero** · 15-02-2008 05:08 PM

بسم الله الرحمن الرحيم

اوبل فيكترا عربية ممتازة....بس السعر اللي معاك عايز يزيد عشان الفيكترا 98 او 97 بتعمل في حدود 65 -70 على حسب حالة العربية ....و بلانسبة للعربية مصري او الماني ...فالفرق بيبقى بس في التقفيل اما اللاساسيات هيا هيا......يعني المورتو و العفشة و الكومبيوتر الماني الصنع لان مصر اصلا مابتصنعش الحاجات دي....بس اهم حاجة تكشف عليها في التوكيل عشان تكون مطمن

**abdelaziz-waleed** · 15-02-2008 11:38 PM

بص يا سيدي. العربية دي فعلاً ممتازة هي ممكن يكون سحبها مش جامد أوي بس ثبات عالي جداً وكمان متصدقشي اي حد يقولك ان قطع غيارها غالية لأن دلوقتي السوق مليان قطع غيار استيراد حتى القطع الجديدة ماتعتبرشي غالية بالمقارنة بالسيارات الحديثة ثانياً قطع غيارها معمرة جداً
اما بالنسبة للسعر فيتراوح مابين

62 – 70 الف على حساب الحالة

اما بالنسبة لأسعار بعض قطع الغيار فيمكنك مراجعة الموضوع التالي

http://www.nilemotors.net/Nile/showthread.php?t=13770