عطل لا على البال و لا على الخاطر - للمرة الثانية

**cayman69300** · 16-06-2010 01:37 AM

السلام عليكم يا رجالة
يوم الخميس اللى فات رحت اغير الزيت اللى جايبة من حوالى اسبوع و قاعد فى شنطة العربية " شل الاصفر بـ 98 جنية " و جبت فلتر جى ام و رحت للميكانيكى
المهم فضيت الزيت و فكيت الفلتر و تم تركيب الفلتر الجديد و الزيت الجديد و دورت العربية و بسم الله ما شاء الله الموتور بقى فى غاية من النعومة & رحت قلت للميكانيكى بالمرة فك فلتر الهوا و انفخة بالهوا و بالمرة فلتر البنزين و شوفة مسدود و لا كويس و انفخة بالهوا برضوا
و الحمد لله كلة تمام التمام
يوم الجمعه طلعت بالعربية لشوية طلبات و رحت صليت و رجعت البيت
يوم السبت كالمعتاد office work و نفس الحوار السابق طلعت بالعربية الساعة 10 باليل و عدى عليا واحد زميلى بعربيتة اللادا و ركن مكانى و انا مدور العربية علشان تسخن
جيت قبل ما اطلع ببص على قربة المية - بعيد عنك و لا نقطة مية فى القربة - رحت مزود القربة مية لحد العلامة و شوية كدة لقيت واحد فى الشارع بيقولى العربية فى حاجة بتنقط تحتيها - المهم بصيت لقيتة بنزين
طبعا قلبى كان هيقف و رحت راكن العربية و طلعنا باللادا و انا برة قلت فى نفسى ازاى هسافر بكرة و العربية ممكن يكون تحتها بنزين و واحد حلو ممكن يرمى عقب سجارة و يظبطنى . يالا يا واد روح للميكانيكى علشان يشوف التنقيط دة بتاع البنزين جاى منين - و فعلا رحت للميكانيكى على الساعة 11 م و طلع قفيز الفلتر مكنش مربوط كويس
الحاجة التانية الغربية لقيت الحرارة على 98 و دى غريبة شوفت المية لقيت القربة على شوك انها تضرب و المية عمالة تغلى
روحت البيت علشان اركن العربية و اشوف حكاية القربة دى و برضوا لقيت العربية مفيهاش و لا نقطة مية
توكلت على الله و غطيت العربية و سافرت و رجعت النهاردة على العربية على طول
اول حاجة لقيت الغطا بتاع العربية اتسرق و دة للمرة التانية
و رجت لبتاع الردياتير بص و قالى الردياتير جديد و لسة مغيرينة من شهرين و زى الفل و قعد يبص لقى تسريب مية من الخرطوم بتاع التكييف - و قالى على طول على الميكانيكى
فعلا رحت للميكانيكى و فكينا الدينامو و طلعنا الخرطوم اللى تحت خرطوم اللى عند حساس الكولانت اللى داخل على دورة المية السخنة بتاعة التكييف و اشترينا واحد تانى و جبنا قفيز جديد لان القديم كان مصدى على الاخر
الميكانيكى اخد 15 جنية فقط بتمن الخرطوم و 2 قفيز " كولية " و الحمد لله العربية ظبطت و بقيت زى الفل
الخلاصة
افيد بالشكر لله سبحانه و تعالى انها اتحلت و طلعت المشكلة سهلة
افيد بالشكر لمحمد طنانى اللى طمنى على ان الموضوع دة مش ممكن يكون جوان وش السلندر
افيد بالشكر لمحمد طنانى لانة تانى يوم اتصل يطمن عليا و على الاخبار طلعت اية
و فى الاخر العربية دى حساسة جدا و عايزة اهتمام و ممكن حاجة صغير زى 2 كولية " اللى تمنهم جنية و نص " ممكن يخربوا الدنيا
و الله شكر ليكم يا رجالة على طول بالك لقراءة الموضوع

**waelfarid** · 16-06-2010 01:46 AM

الحمدلله من قبل ومن بعد

**hobaz** · 16-06-2010 01:55 AM

الحمد لله على كل شيء وكويس انها جت على قد كده وربنا يحفظهالك من كل سوء باذن الله....

**cayman69300** · 16-06-2010 02:06 AM

الف شكر يا جماعة على ردودكم
بس بامانة انا فكرت فى راى الباشمهندس احمد لما قال لعمرو الفى ممكن يكون اللى حصل عنده و هو هو نفس اللى حصل عندى يكون تسريب من جوان وش السلندر و بيطلع كبس هوا على دورة المية
لانى بصراحة لو كنت فكتي وش السلندر كنت اتعقدت من العربية و قرفت منها و بعتها
فالحمد لله انها جت على اد كدة

**ENG\AHMED** · 16-06-2010 02:24 AM

المشاركة الأصلية كتبت بواسطة cayman69300

الف شكر يا جماعة على ردودكم
بس بامانة انا فكرت فى راى الباشمهندس احمد لما قال لعمرو الفى ممكن يكون اللى حصل عنده و هو هو نفس اللى حصل عندى يكون تسريب من جوان وش السلندر و بيطلع كبس هوا على دورة المية
لانى بصراحة لو كنت فكتي وش السلندر كنت اتعقدت من العربية و قرفت منها و بعتها
فالحمد لله انها جت على اد كدة

يادكتور الوضع عند عمرو مختلف الحرارة بتزيد مع السرعة

**tamertamer** · 16-06-2010 02:33 AM

جت سليمة الا دورة التبريد بذات عشان كدة انا عينى ديما على الحرارة وحصلت مرة وراحت فيها القربة وربنا ستر

**cayman69300** · 16-06-2010 08:30 AM

المشاركة الأصلية كتبت بواسطة eng\ahmed

يادكتور الوضع عند عمرو مختلف الحرارة بتزيد مع السرعة

هنا هنلاقى سببين
السبب الاول : انى من حوالى عشر ايام مسافر بالعربية على الصحراوى و انا على الطريق كانت الحرارة بتوصل 95 و انا على سرعه من 110 : 150 كم / س و دى كانت غريبة
السبب التانى : الايحاء . من ساعة لما حسيت ان العربية بترفع كدة عى الطوالى . فحسيت ان فى حاجة غلط و مش مظبوطة . فعلشان كدة قلت فى بالى يمكن الحكاية دى تكون زى اللى حصل عند عمرو الفى
لكن الحمد لله على كل حال

**ameros** · 16-06-2010 10:59 AM

الحمد لله وجت سليمه وربنا يحفظهالك

**islambana** · 16-06-2010 12:45 PM

الحمد لله انها جات سليمه اما بالنسبه للغطاء انت تغطي العربيه من غير ماتقفل السنتر وبعد ماتغطيها كلها تجيب قماشه او فوطه وتفتح باب السواق او اي باب وتحط الفوطه في وسط الغطاء وتقفل عليها الباب وتقفل السنتر وان شاء الله الغطاء مش هيتسرق تاني

**amralfy** · 16-06-2010 01:26 PM

الحمد لله يا دوكتور انها جت سليمة انا بترب من موضوع الحرارة ده لان قبل كدة كنت سايق عربية والدى 132 و المتور قفش بسبب الحرارة.

على فكرة انا الحمد لله بردو ربنا سترها معايا بالرعم من ان الزيت اتحرق من السخونة و كان الكبوت كله دخان زيت لكن ربنا ستر و المتور محصلش فيه اى حاجة و كان العيب ان ترموستات الكوعة قافش و مش بيدخل المية للردياتير علشان تبرد ومن كتر الضغط الفبرة اللى مجمعة خراطيم المية اتكسرت, و الميكانيكى اللى على الطريق عمل مصيبة انو حط فيها مية و الحرارة على الاحمر و بردو ربك كريم وعالم بالحال محصلش حاجة, الحرارة دلوقتى لى 140 ومشغال التكيف مبتعديش ال90 و ده بفضل الله قبل كل شىء ثم اتقان الصناعة الالمانى المحترمة.

ان الله يحب اذا عمل احدكم عملا ان يتقنه. سبحان الله احنا بقى مبنتقنش ولا 1\50 من الالمان

الموضوع: عطل لا على البال و لا على الخاطر - للمرة الثانية

LinkBack

أدوات الموضوع

عرض

عطل لا على البال و لا على الخاطر - للمرة الثانية - انشر الموضوع فى :

-

-

-

-

-

-

-

المواضيع المتشابهه

الحمدالله جين 2 للمرة الثانية

عطل العربية .... لا على البال و لا على الخاطر

للمرة الثانية الريداتير بيسرب مياة

الكلمات الدلالية لهذا الموضوع

المفضلات

المفضلات

ضوابط المشاركة