زيت الموتور بينقص ؟؟

**moudy2002** · 15-02-2008 02:34 PM

اخوانى واحبائى فى الله
معلش انا بسأل كتير بس ما خاب من استشار ..
المهم . العربية عاملة 100.000 ك والنهاردة الصبح لقيت زيت الموتور ناقص حوالى ربع لتر او اكتر حاجة بسيطه انا لسة مغير زيت توتال 5000 ومشيت 500 ك ولاحظت موضوع النقصان دة . المهم انى تغيرة الزيت الى قبل هذة المرة حاطيت زيت امارات مصر وغيريت الفلتر ويعد فترة لاقيت برضة الزيت نقص وقلت بدل مازود زيت اغيرة خالص وحطيت توتال . بس مغيرتش الفلتر لانه مكملش حوالى 4000 ك

الموتور مش بيرشح زيت من تحت ومفيش دخان ابيض او ازرق الصبح وانا بسخن . العادم ملوش لون خالص بس فى هباب على فتحة الشكمان .
بس فى ترشيح زيت بسيط على وش الموتور من قدام ( تحت مكان البوجيهات ) بس مش ترشيح كتير بس واضح ..
كمان المياة فى القربة مش لونها طحينة هى فيها شوائب صدا بس . يعنى مفيهاش اثار زيت خالص ..
معلش طولت عليكو بس ازود ربع لتر فى 500ك حاسسس انه فى حاجة غللط ومش عايز حد من الميكانكية يشتغلنى
العربية اكسنت 1500 انجيكشن
واسف على الاطالة وشكرا

**SAbuhashem** · 15-02-2008 04:13 PM

شوف مش هقولك د طبيعي لكن شكلك بتشد جامد على العربية

هو الزيت دايما عموما بيكون فيه فاقد بعد فترة من التشغيل لكن لما تكون العربية حديثة بيكون الفقد دة مش ملحوظ أوي
في العربية القديمة بيكون أحيانا ملحوظ زي حالتك دي كدا خصوصا لو في شد وضغط على الموتور غير ظروف التشغيل الطبعيية

المهم متشدش على الموتور جامد

Thanks
Eng.Sherif Shaker

**moudy2002** · 15-02-2008 04:20 PM

شكرا يا بشمهندس بس واللهى انا بسايس العربية على الاخر ومش بقرص عليها خالص . بالعكس انا اغلب الوقت بدى الغيارات على السرعات المحددة علشان مش بحب اسمع صوت الموتور ..
فى بس ملاحظة مش عارف ممكن تفيد ولا لا .. لما ازود سنة بنزين وانا ماشى على اى غيار بسمع صوت زى صفارة ففففففففف بتبقى جاية من الكبوت مش عارف دية ليها علاقة ولا اية ..

**zezotec** · 15-02-2008 04:35 PM

شوف جوان التكيهات ممكن يكون مسرب بسيط

**MEDO80** · 15-02-2008 05:18 PM

المشاركة الأصلية كتبت بواسطة moudy2002

اخوانى واحبائى فى الله
معلش انا بسأل كتير بس ما خاب من استشار ..
المهم . العربية عاملة 100.000 ك والنهاردة الصبح لقيت زيت الموتور ناقص حوالى ربع لتر او اكتر حاجة بسيطه انا لسة مغير زيت توتال 5000 ومشيت 500 ك ولاحظت موضوع النقصان دة . المهم انى تغيرة الزيت الى قبل هذة المرة حاطيت زيت امارات مصر وغيريت الفلتر ويعد فترة لاقيت برضة الزيت نقص وقلت بدل مازود زيت اغيرة خالص وحطيت توتال . بس مغيرتش الفلتر لانه مكملش حوالى 4000 ك

الموتور مش بيرشح زيت من تحت ومفيش دخان ابيض او ازرق الصبح وانا بسخن . العادم ملوش لون خالص بس فى هباب على فتحة الشكمان .
بس فى ترشيح زيت بسيط على وش الموتور من قدام ( تحت مكان البوجيهات ) بس مش ترشيح كتير بس واضح ..
كمان المياة فى القربة مش لونها طحينة هى فيها شوائب صدا بس . يعنى مفيهاش اثار زيت خالص ..
معلش طولت عليكو بس ازود ربع لتر فى 500ك حاسسس انه فى حاجة غللط ومش عايز حد من الميكانكية يشتغلنى
العربية اكسنت 1500 انجيكشن
واسف على الاطالة وشكرا

بسم الله
حضرك محتاج تغير جوان وش التاكيهات و دا حيتكلف مش اكتر من 100 جنية بالكتير جدااااااااااااااااااااااا اااااااااااا و مش صعب و لا فية اي مشاكل
و الله اعلم