أكتر حاجة عجبتنى فى اللوجان

**cementman** · 16-06-2010 11:34 AM

رغم ان فى ناس ذكرت ان فتيس اللوجان فيه عيب
لكن انا معايا العربية بقالها سنة و من أول يوم جبتها أكتر حاجة عجبتنى فيها الفتيس لييييه؟
أولا ناعم جدا فى تقلاته
ثانيا تحس انه عارف النقلة رايحة فين (كأنه ستب ترونيك) بدون مبالغة
عشان كده انا كنت باستعجب جدا لما اسمع حد بيشتكى من موضوع النقلات
يا ترى فى حد موافقنى فى الرأى ده؟

**MANEYEG** · 16-06-2010 11:59 AM

رينو لوجان افضل سيارة بالنسبة لسعرها مع امكانيات اوربية وقطع غيارها اغلى من الكورى 50%

**aelayek** · 16-06-2010 01:11 PM

العربيه معايا منذ سنه تقريبا والحمد لله ممتازه ومشكلة عضة المارشدير خفيفه وبأتغلب عليها بالضغط على دواسة الدبرياج للاخر وانتظر قليلا قبل النقل للمارشدير ومافيش مشاكل وانصح الجميع بعدم تركيب قطعة البريك طالما يستطيعوا التغلب على مشكلة المارشدير وبلاش فك وبهدله فى العربيه

**aelayek** · 16-06-2010 01:21 PM

عندى تجربه أود نقلها للساده أعضاء المنتدى ربما يستفيد منها أحدهم فأنا أمتلك لوجان منذ عام تقريبا وعملت بيها 15000 كم ومنذ شهر سمعت صوت تزييق فى الخلف ويظهر بوضوح عند اعتلاء المطبات وذهبت الى التوكيل ولم يحلوا المشكله فقمت بالنوم تحت السياره وقام صديق لى بهز السياره فوق وتحت ووجدت المشكله بسيطه جدا حيت يوجد موزع زيت فرامل يقوم بتوزيع الزيت للعجل الخلفى ويعمل أيضا على التحكم فى كمية الزيت التى تصل الى العجل الخلفى حسب حمولة السياره هذا الموزع مربوط بصاموله m10 وكانت مهويه فقمت بربطها بحكمه واختفى التزييق تماما

**mohamed1979** · 16-06-2010 04:02 PM

المشاركة الأصلية كتبت بواسطة aelayek

عندى تجربه أود نقلها للساده أعضاء المنتدى ربما يستفيد منها أحدهم فأنا أمتلك لوجان منذ عام تقريبا وعملت بيها 15000 كم ومنذ شهر سمعت صوت تزييق فى الخلف ويظهر بوضوح عند اعتلاء المطبات وذهبت الى التوكيل ولم يحلوا المشكله فقمت بالنوم تحت السياره وقام صديق لى بهز السياره فوق وتحت ووجدت المشكله بسيطه جدا حيت يوجد موزع زيت فرامل يقوم بتوزيع الزيت للعجل الخلفى ويعمل أيضا على التحكم فى كمية الزيت التى تصل الى العجل الخلفى حسب حمولة السياره هذا الموزع مربوط بصاموله m10 وكانت مهويه فقمت بربطها بحكمه واختفى التزييق تماما

الموضوع ده حصل معايا بس اتحل فى التوكيل العبور

**mohamed1979** · 16-06-2010 04:04 PM

المشاركة الأصلية كتبت بواسطة aelayek

العربيه معايا منذ سنه تقريبا والحمد لله ممتازه ومشكلة عضة المارشدير خفيفه وبأتغلب عليها بالضغط على دواسة الدبرياج للاخر وانتظر قليلا قبل النقل للمارشدير ومافيش مشاكل وانصح الجميع بعدم تركيب قطعة البريك طالما يستطيعوا التغلب على مشكلة المارشدير وبلاش فك وبهدله فى العربيه

الموضوع ده اختفى معايا تماما و مبحسش بالعضه نهائى مع العلم انها كانت موجوده عندى فى العربيه و بوضوح شديد

**أبو أدم** · 16-06-2010 05:59 PM

المشاركة الأصلية كتبت بواسطة cementman

يا ترى فى حد موافقنى فى الرأى ده؟

انا اتفق معاك تماما

المشاركة الأصلية كتبت بواسطة aelayek

عندى تجربه أود نقلها للساده أعضاء المنتدى ربما يستفيد منها أحدهم فأنا أمتلك لوجان منذ عام تقريبا وعملت بيها 15000 كم ومنذ شهر سمعت صوت تزييق فى الخلف ويظهر بوضوح عند اعتلاء المطبات وذهبت الى التوكيل ولم يحلوا المشكله فقمت بالنوم تحت السياره وقام صديق لى بهز السياره فوق وتحت ووجدت المشكله بسيطه جدا حيت يوجد موزع زيت فرامل يقوم بتوزيع الزيت للعجل الخلفى ويعمل أيضا على التحكم فى كمية الزيت التى تصل الى العجل الخلفى حسب حمولة السياره هذا الموزع مربوط بصاموله m10 وكانت مهويه فقمت بربطها بحكمه واختفى التزييق تماما

انا مش عارف اقول لك ايه ....

الف شكر ....

انا لسه الموضوع دة ظاهر معايا لما رحت بها الساحل وكان معايا ناس ومحمله فعلا ..

المهم انا افتكرت ان المساعدين عايزين يتشحموا ...حاجة زي كدة .....فقلت لما اروح الصيانة ....

كدة فى الغالب انت طمنتنى .... خصوصا لو ان التزييق دة بيحصل مع الاوزان و لا ايـــــــــه؟