عايز أغير زيت الفتيس فى406 وشوية حاجات

**dreamerwave** · 16-06-2010 03:12 PM

السلام عليكم جميعا..أنا إشتريت بيجو 406 من حوالي 3 شهور.وبسم الله ماشاء الله عربيه فعلا ربنا يحرسها .بس عايز إستشاره الخبراء في شويه حاجات

1-الكاوتش عندي عايز أغيره واللي راكب فيها مقاس 15*195*65 بس أنا كنت عايز اركب 15*205*60 هل ده ممكن ولا لاز وّإزا كان ممكن يبقي إيه رأيكو في الكومهو ..شوفتو إمبارح نقشته جامده جدا.

2-عايز أغير زيت الفتيس من باب الصيانه وبما إني عايش في الغردقه فمش عارف ممكن يتغير إزاي..أنا أسمع إنه الطبه بتتفح وبينزل تقريبا 4 ك وبيتحط مكانهم بس .فهل ممكن أبعت القاهره أجيب الزيت وأروح هنا لميكانيكي كويس أخليه يغيره ولا هي ليها طريقه مختلفه وياريت لو حد يعرف أفضل مكان أجيب منه الزيت فين يبقي كتر خيره.

3-وهل حد يعرف مكان في القاهره بيبيع إستيراد.أنا عندي العمه الخرطوم اللي خارج منها مقطع وعايز أجيب غيره ..ولا فيه منه جديد .يارب الخبراء يردو عليا بسرع. وجزاكم الله خير

**the-hero** · 16-06-2010 04:23 PM

بالنسبة للكاوتش فيركب عادى حاول تشوف نوع احسن زى الميشلان والبردجستون والدانلوب
زيت الفتيس بقي مهم جدا خليك فى مركز خدمة محترم وحط الزيت الاصلى
عندك مدينة الحرفيين فيها اكتر من واحد وفى مدينة السلام عند مدرسة البي بي سي

**waleedabbas** · 16-06-2010 06:45 PM

بالنسبة للكاوتش زى ما استاذ احمد قالك وبلاش الكومهو
بالنسبة للزيت انت هتغير 8 لتر عشان اول مرة وبعد كده حسب حالة الفتيس كل 20 الف اما تغير 4 او 8 هو فعلا مش بينزل غير 4 لتر لكن هى بتاخد 8 بيتغير على مرتين وماتغيرش غير زيت بيجو وتمنه كل علبة 2 لتر 250 جنيه يعنى 8 ب الف جنيه وماتنساش كل 20 الف تغيره يستحسن طبعا تغير الزيت عند حد محترم متخصص بيجو زى المهندس صلاح فى المطرية او مودرن سرفيس وده لينك بعناوين مراكز الصيانة
PEUGEOT – CDC WAGIH ABAZA
اما الاستيراد موجود فى الحرفيين فعلا وفى الوكالة كمان

**dreamerwave** · 17-06-2010 01:14 AM

الف الف شكرعلي الاهتمام من الاستاذ أحمد والاستاذ وليد وعلي فكره يا أستاذ وليد أنا يوم ما اشتريت العربيه روحت بيها لبيجو صلاح الدين علي كلامك عنه في موضوع سابق وهو سألني عرفت المكان منين وقولتله عن طريق راجل انا ماشوفتوش بس بيشكر فيك اوي وعملت عنده الصيانه كلها .وهو بصراحه راجل زي الفل وربنا يباركلك علي المعلومات المفيده ويجعله الله في ميزان حسناتكم إنشاء الله بس ليا إستفسار تاني بسيط
انا عندي وحده الرفع بتاعت الزجاج مش شغاله .ومش عارف مين ممكن يصلحها او أجيبها منين لو بايظه.

**waleedabbas** · 17-06-2010 08:38 PM

العفو يا باشا وجزاك الله خيرا
بالنسبة لوحدات الرفع هى فيها اصلا وحدات رفع ؟ اعتقد لو فيها يبقى كان صاحبها مركبهم او موديلك مختلف انا مكنش عندى بس ركبتهم عند واحد فى غمرة بتاع كماليات اسمه هشام فى الشارع ال على ناصيته راديو شاك من رمسيس

**mo7elmy** · 04-07-2010 01:23 AM

يا جماعة انا بحب العربية دى
تنصحونى اجبها واقصد طبعا ال406
ولا لا ؟
ولا نصحتونى تنصحونى بالمانيوال ولا الاوتوماتيك
وهنا بسال على الى اقل مشاكل
وتنصحونى بايه فيها لوجه الله اخوكم محمد

**egytamer** · 08-07-2010 01:35 PM

معلش مجرد استفسار الزيت الي تمنة 1000 جنية نوعو اية وبيتغير كل اد اية ولية

**dreamerwave** · 12-07-2010 01:58 PM

يا جماعه أنا كنت في المنصوره وكان معايا واحد صاحبي .فبقوله عايز أغير زيت الفتيس.قالي تعالي ورحنا لراجل شغلته غيار الزيت بس والمحل بتاعه بسم الله ماشاء الله كبير وفيه حاجات كتيير.المهم
لقيت الزيت الالماني الاصلي اللتر ب100 جنيه (لونه أبيض)وفيه نوع تاني اللتر ب135 جنيه (لونه أحمر)زفبسأله أنهي واحد قيهم ينفع ال406 بتاعتي فقالي هنشوف اللي فيها ونعرف.المهم فتح الطبه الاولي نزل منها حوالي لتر إلا ربع كده وبعدين فتح الطبه التانيه الل جوه الفتيس فنزل بقيت الاربعه لتر.فانا بقوله الفتيس ده المفروض كده مفيهوش زيت تاني قالي أيوه فقولتله بس الكتالوج بيقول إن الفيس بياخد 8 لتر قالي أنا دايما بغير الزيت كده في حدود 4 لتر اللي بينزلوا لما أفك الطبتين وأحط بدالهم.بس أنا كنت قلقان جدا .بس الحمد لله لحد دلوقتي نزلت من المنصوره للقاهره ومن القاهره علي الغردقه ومفيش أي مشاكل ولا أي حاجه غريبه.نسيت أقولكوا الزيت اللي كان في الفتيس كان اللي لونه أبيض أبو 100 جنيه.

**ahmdghalwash** · 14-07-2010 01:28 AM

السلام عليكم_عزيزي احب بس اوضح ان زيت الفتيس الخاص ب406 هو زيتal4,i, وده مش الماني ...ده فرنساوي وعليه علامة بيجو وسيتروين...ويوجد منه عبوات 2 لتر وسعره في حدود 300 للجركن ولونه ابيض سمني....وذهب بعض الناس لوضع الزيت الابيض الالماني والخاص بالسيارات الاوكتافيا والباسات للبيجو...وده بيعجل بتلفه...وياريت تبادر بتغيير الزيت للزيت الاصلي لعدم حدوث مشاكل علي المستوي المتوسط خلال شهور...وعند تغير الزيت هتحتاج 3.5 كيلو تقريبا مش اكتر.لان زيادته بتعمل حمل وسخونه لزياده الضغط بتضر الفتيس
وربنا يحمي ليك عربيتك....وبرجاء اي استفسار عن السيارات البيجو انا تحت امركم سواء 307.407.806.605.406.206