حملة لا لغلو البنزين والسولار

**hassanali** · 17-06-2010 01:37 PM

انا معاكم

بلدنا لازم تتغير

**أبو ياسين** · 17-06-2010 02:02 PM

طب خلوها اربع ايام مش يومين

**COOLCHEETOS** · 17-06-2010 02:10 PM

المشاركة الأصلية كتبت بواسطة se_coralsea

فيه فكرة تانية أحلي و اوقع و مافيهاش أي شبهة تطاول أو تامر علي النظام و من غير وقفات احتجاجية و لا شعارات او لافتات و لكنها تحتاج الي تعاون و تنسيق و ايجابية

احنا هنا كمنتدي سيارات يضم نسبة كبيرة من مالكي السيارات في مصر و لهم معارف لديهم أيضا سيارات من الممكن ان نقوم بالاتي في وقت واحد و لمدة محددة و هي :

التوقف تماما عن تموين سياراتنا بالبنزين و لمدة يومين مثلا و لتكن في يومي الاجازة (الجمعة و السبت)
تخيلوا لو حدث هذا و أمتنع اكثر مالكي السيارات في مصر عن دخول محطات البنزين في مصر لمدة يومين ماذا سيحدث ؟؟

لن يكون هذا أضراب أو مقاطعة و لكنه قانون السوق و العرض و الطلب

أذا أردنا ان نفعل شئ حقيقي و مؤثر فليكن هذا هو محور تفكيرنا

مع خالص تحياتي
م/ سمير الشهاوي

برنس والله
فكرة جامدة جدا
انا معاك وحددوا اليومين دول امتى وانا هبلغ كل اصحابى ومعارفى

**Amrrr** · 17-06-2010 02:19 PM

وانا معاكوا في الفكرة دي !!!! بس بيتهيألي ان هنعمل حسابنا ونفول العربيات قبل اليومين دول وبعد مايخلصوا اليومين هنروح تاني نملى !!!! هل دا هيبقى مؤثر معاهم ؟

**memo_p910** · 17-06-2010 02:21 PM

مش هاينفع يومين وهايعدوا بدون تأثير لازم وقفه واعتراض اكبر من كده

**amrziedan312** · 17-06-2010 02:33 PM

البلد ده عايزة ثورة تصحيح
الحكومة بتموت الشعب بضغط الدم والسكر
حسبي الله ونعم الوكيل

**Amrrr** · 17-06-2010 03:00 PM

هو مش احباط بس لو فعلا قدرنا نستغنى عن العربية فترة مثلا اسبوعين !!! بس مستحيل وهنضطر نروح اشغالنا !!! هنركب مثلا مواصلات او تاكسي !!! يعني العربيات الملاكي تقعد اسبوعين ماتدخلشي البنزينة وماتمشيش الا لو لاقدر الله في طوارئ

**DrMax** · 17-06-2010 06:13 PM

انا شايف ان اقل واجب اسبوع عشان تبقى مؤثرة
يومين دى عادى جدا...مالواحد ساعات بيقعد بالاسبوع من غير ميمون عربيتو
لازم تبقى المدة مؤثرة لكن يومين دى نبقى بنضحك على نفسنا

**Medo.Malek** · 17-06-2010 11:47 PM

فعلا يا جماعة يومين مش كفاية و المفروض اكتر من كدة و بما ان الواحد مش هايقدر يستغنى عن العربية فترة طويلة يبقى للاسف الفكرة دى ناجحة نظريا بس لكن عمليا صعبة التطبيق ان لم يكن مستحيلا