لمبة الزيت بتنور

**hoksha86** · 15-02-2008 11:57 PM

السلام عليكم ورحمة الله وبركاته
اخواني الاعزاء اعضاء المنتدى الجميل ده انا عندي مشكله غريبه في العربيه ومش لاقليلها حل لحد دلوقتي ياريت تفيدوني افادكم الله اولا العربيه زاستافا 750بتعمل معايا الاتي:
1-لمبة الزيت بتنور في السلانسيه بتاع العربيه وده بعد اي مشوار صغير 4 كم مثلا
2-لمااروح بيها مشوار كبير بتفضل منوره في السلانسيه وبردوه مع كبس البنزين بس لما باشيل رجلي بتنطفي ولما اكبس رجلي على البنزين تاني بتنور
والكلام ده حصل معايا بعد لما الميكانيكي فك الموتور عشان يعمل طقم كوستبان للكامه مع العلم ان انا معنديش فلتر زيت في العربيه خالص وكمان الميكانيكي قالي ممكن تكون طرمبة الزيت برضوا غيرتها لكن مفيش فايده وانا خايف امشي بالعربيه كده لحسن يحصل حاجه للموتور مع اني لما روحت للميكانيكي اخر مره قالي عادي خالص مفهاش حاجه انا قلت يمكن جوان وش السلندر غيرته تاني لكن مفيش فايده وعلى فكره الموتور خفيف شويه بيطلع دخان من الفايظ بتاع الزيت معلش طولت عليكم بس يل ريت يا جماعه تفيدوني اعمل ايه؟؟؟؟؟؟

**al_manara** · 16-02-2008 02:58 AM

شوف الزيت يمكن ناقص

**hazem_khidr** · 16-02-2008 03:44 AM

طالما العربيه موتورها خفيف يبقي الزيت بينقص.
حط للعربيه زيت تقيل شويه زي الكالتكس مثلا ممتاز في حالتك و خلي معاك دايما زيت احتياطي في العربيه و كل كام يوم بص علي الزيت ولو نقص زوده.
دا الكلام دا لو طلمبه الزيت سليمه و ميه ميه.

**SAbuhashem** · 16-02-2008 08:53 AM

إحتمال كبير تكون ساعة الزيت

Thanks
Eng.Sherif Shaker

**hoksha86** · 17-02-2008 12:53 AM

ميرسي يا جماعه جدا على ردودكم بالنسبه للزيت انا دايما ببص عليه ولو ناقص بزوده لكن لسه اللمبه بتنور ومش عارف اعمل ايه وبالنسبه لساعة الزيت يا ريت حضرتك توضح ايه هي ساعة الزيت

**sab3aawy** · 18-02-2008 01:47 PM

نور لمبة الزيت فى السلانسيه معناه إما ان حساس ضغط الزيت (ساعة الزيت ) ضعف، او ان طلمبة الزيت ضعيفة، او ان السبيطة مش محكومة مما يجعل هروب الزيت منها سهلا ولا يخلق ضغط على الطرمبة

كون الموضوع ده ظهر بعد فك الموتور وتركيبه يجلينى ارجح الإحتمال التالت، وهو ان الزيت مش محكوم، وبالتالى ده يستلزم فك الموتور والكشف على كل السبيكة (كرنك، كامة ، كستبانات ...الخ)

بس انت ممكن تعيش بالعربية كدة لو حطيت زيت تقيل، وانا برشح لك زيت شل X100 وممكن كمان تضيف عليه علبة زيت شنبر ، ودى هتمنع معاك الدخنة وغالبا هتمنع لمبة الزيت كمان